Yɛrɛmaya 1:13 - ALLALA KUMƐ

¹³ Mari kumara n ye tun, a ko, “Yɛrɛmaya, i wara nfen yen kɛ la tun?” Nde, Yɛrɛmaya ya a fɔ Mari ye ko, “N ya yi le yen gbonsanna dagɛ rɔ. A ara to sɛ, a ra ni wuya n bara la ka bɔ kantɔ-wara la.”

Yɛrɛmaya 1:13 Iomraidhean Croise

Ko-Dabirɛnu 41:32

I kiyora ko filɛ minnu na kɛ la, Alla ara ban a latɛgɛla. A sa mɛla tun kiyo kɛ damasi kɔrɛ si bɔ-a-la.

Aiseya 55:11

Marita kumɛ ye wo nya na le. Ala kumɛ ti ma fufafuyi la. Ala kumɛ bɛɛ si bɔ-a-la iko ale ye nyinina a ma nya min.

Yɛrɛmaya 24:3

Mari ya nde, Yɛrɛmaya manyinika ko, “Yɛrɛmaya, i ya nfen yen?” N ya a fɔ ko, “N ya toro-gbɔɛnu denu yen. A hakikɛnu kin. Minnu tulunɛ, mɔgɔ ti ke wonu dɔnna.”

Isikiyɛli 11:3

Anu bi a fɔla ko, ‘A ti mɛ tun, ma ara bon-sɔɛ dabira. Soe kɛ mani de iko sogo-te-dagɛ, ado male mani de a rɔ iko soge. Kɔnɔ hali wo, dagɛ ye ma lakananna tɛ ma.’

Isikiyɛli 11:7

A ko ale wo Tigi Mari Alla ye min fɔla wo ye, wo le kɛ la. A ko wole ya a fɔ ko soe kɛ mani de iko sogo-te-dagɛ, ado tonyɛ le wo la. Kɔnɔ soge wo ye yon na? Nba, wo ara mɔgɛ min bɛɛ faga terr, wo le soge wo la. A ko wo ti a laban dagɛ wo rɔ, ado a ye nala wo gbenna ka wo labɔ soe kɛ rɔ fass!

Isikiyɛli 12:28

A fɔ anu ye ko nde, wo Tigi Mari ko wati-wo-wati sa a la tun. N bara min fɔ, fɔ wonu ba ma le serr! Nde, wo Tigi Mari kan le kɛ la!”

Emɔsi 8:2

Mari ya nde, Nɛbi Emɔsi manyinika ko, “I ya nfen yen?” N ya a fɔ a ye ko, “Sende le, kɔn-gbɔ-mɔɛ ye a rɔ.” Woletɔ Mari ya a fɔ n ye ko, “Iko kɔn-gbɔɛ kɛ mɔnɛ ye nya min kɛ la, Isirɛla mɔgɛnu kasara-wati ara mɔ wo nya na le.” A ko a ti a fonde yɛlɛma mumɛ fɔ a wa wo kasara le.

Sakaraya 4:2

A ya n manyinika, a ko, “I ye nfen yenna kaka?” N ya a fɔ a ye ko, “Sɛnɛ-lɛnpu. A tulu-kɛ-tinɛ ye a kuma. A lamalan-tina wɔrɔnfila ye ala foolɛ rɔ. Saraba wɔrɔnfilɛ ye anu kelen-kelennamɛ-bɛɛ ma.