Yɛrɛmaya 1:12 - ALLALA KUMƐ

¹² Mari ya a fɔ n ye ko, “I wara ale le tagbɛ wo la, yɔ, ado n yɛ bɛnnɛ ka a lɔn ni nna kumɛ wonu si bɔ-a-la, yɔ!”

Yɛrɛmaya 1:12 Iomraidhean Croise

Aiseya 55:11

Marita kumɛ ye wo nya na le. Ala kumɛ ti ma fufafuyi la. Ala kumɛ bɛɛ si bɔ-a-la iko ale ye nyinina a ma nya min.

Yɛrɛmaya 1:13

Mari kumara n ye tun, a ko, “Yɛrɛmaya, i wara nfen yen kɛ la tun?” Nde, Yɛrɛmaya ya a fɔ Mari ye ko, “N ya yi le yen gbonsanna dagɛ rɔ. A ara to sɛ, a ra ni wuya n bara la ka bɔ kantɔ-wara la.”

Yɛrɛmaya 24:3

Mari ya nde, Yɛrɛmaya manyinika ko, “Yɛrɛmaya, i ya nfen yen?” N ya a fɔ ko, “N ya toro-gbɔɛnu denu yen. A hakikɛnu kin. Minnu tulunɛ, mɔgɔ ti ke wonu dɔnna.”

Yɛrɛmaya 31:28

Iko a ye wole wurunna nya min ka wo labui ka wo kasara ka wo bunden, a ko a ye wo wara-koe sɔla fanka rɔ wo nya na le.

Isikiyɛli 12:25

Anuta Mari kan le kɛ la. N ba min fɔ, wo le ye mala. A makɔnɔ-wati-wo-wati sa nyɔ tun. N bara mɔgɔ-murutiyanɛnu makawandi minnu ma, fɔ n ba wonu ma le anu siyi-tele-bɛɛ kɔrɔ serr! Nde, anu Tigi Mari kan le kɛ la!”

Isikiyɛli 12:28

A fɔ anu ye ko nde, wo Tigi Mari ko wati-wo-wati sa a la tun. N bara min fɔ, fɔ wonu ba ma le serr! Nde, wo Tigi Mari kan le kɛ la!”

Emɔsi 8:2

Mari ya nde, Nɛbi Emɔsi manyinika ko, “I ya nfen yen?” N ya a fɔ a ye ko, “Sende le, kɔn-gbɔ-mɔɛ ye a rɔ.” Woletɔ Mari ya a fɔ n ye ko, “Iko kɔn-gbɔɛ kɛ mɔnɛ ye nya min kɛ la, Isirɛla mɔgɛnu kasara-wati ara mɔ wo nya na le.” A ko a ti a fonde yɛlɛma mumɛ fɔ a wa wo kasara le.

Luka 10:28

Yisa ya a fɔ a ye ko, “Ila yabilɛ kɛ telenta. Ni i ya wo ma, i si habadan-nimayɛ sɔrɔn.”

Luka 20:39

Tɔn-karan-mɔgɛ donu kumara, anu ko, “Karan-mɔgɔ, i wara yabilɛ kɛ a kilɛ fɛ,”

Tɔn-Fɔɛ-Fila-Nyɔgɛ 18:17

Alla ya a fɔ nde ye wo wati rɔ ko mɔgɛ kɛnu bara hɛnkilimaya-kumɛ fɔ.

Tɔn-Fɔɛ-Fila-Nyɔgɛ 32:35

Wota Mari si wota yili sara ka anu tɔrɔ kosɛbɛ! Anu fanan bu-wati si na. Anu halaki-wati ara gbɛrɛn.

Tɔn-Fɔɛ-Fila-Nyɔgɛ 5:28

“Mari ya a fɔ nde, Musa ye ko, ‘Mɔgɛ kɛnu bara min fɔ kɛ la, tonyɛ le wo la.