Yɛrɛmaya 1:1 - ALLALA KUMƐ

^1-3 Nde, Helikayala den Nɛbi Yɛrɛmaya, anubɛ n na-kelen-nyɔgɔ bɛrɛbɛrɛnu bi saraka-masɔlayɛ la Anatɔti soe burɔ Bɛnyamɛ nyamanɛ rɔ. Amɔnna den Yosayata san tan-ni-sawa nyɔgɛ ma mansayɛ la Yuda nyamanɛ rɔ, Mari fɔlɔta kumala nde, Nɛbi Yɛrɛmaya ye san wo le la. Yahoyakim siginɛ a fa Yosaya gbɛ rɔ mansayɛ la tumɛ min, Mari kumara n ye tun. Mansa Yosayala den-gbɛrɛkɛ Sɛdɛkaya, wo ya san tan-ni-kelen anubɛ karɛ loli le bɔ mansayɛ la Yuda nyamanɛ rɔ. Wati wo mumɛ bɛɛ kɔrɔ, Mari kumara n ye iko siyaman. Wo kɔma, kɛlɛ tara Yerusalɛm kɛnu na. Nde, Yɛrɛmayata kumɛ le kɛnu na.

Yɛrɛmaya 1:1 Iomraidhean Croise

1 Mansɛnu 2:26

Mansɛ ya a fɔ Saraka-Masɔla Abiyatari ye ko, “I ni ta i warɛ Anatɔti soe burɔ. A bɛnnɛ ile fanan ni faga nun kɔnɔ n ti i faga kaka kamasɔrɔn ile le ya Mari Allata tɔn-kenkirɛ maduni n fa Mansa Dawuda ye. I ya tɔrɔyɛ sɔrɔn n fa fɛ.”

1 Ko-Kɔrɔta-Karan 6:60

Anu ya soe minnu sɔrɔn Bɛnyamɛta nyamanɛ rɔ, wo le kɛnu na, Kiba wo, Alɛmɛti wo, Anatɔti wo, anubɛ kolo-fen de-nyini tinɛ minnu bi nyɔnuna foolɛ rɔ. Wo bɛɛ mara anu halalɛ la. Aruna kegeyɛ ya soe minnu sɔrɔn, wo bɛɛsi lakofunɛ bɛnta so tan-ni-sawa ma.

2 Ko-Kɔrɔta-Karan 35:25

Nɛbi Yɛrɛmaya ya kinikini-sigi do sa Mansa Yosayala sayɛ kuma. Wo mara Isirɛla mɔgɛnuna namunyɛ la. Ni min bi dila Mansa Yosaya kɛla ko la, wo tigi si sigi kɛ sa. Anu ya sigi wo sɛbɛ saya-sigi-buku rɔ.

2 Ko-Kɔrɔta-Karan 36:12

A bilara Mari la, ado a ma a wɔlɔ matɔlɔ Nɛbi Yɛrɛmayala kumɛ la min si Marita kumɛ fɔ a ye.

2 Ko-Kɔrɔta-Karan 36:21

Mari ara min fɔ Nɛbi Yɛrɛmaya ye nun, wo le wara bɔ-a-la kɛ la bawo a ya a fɔ nun ko, “Yuda dugi si a sulen san bi-wɔrɔnfila kɔrɔ, ka a tɛgɛ anuna san wɔrɔnfilɛ sulanla ko ma.”

Ɛsira 1:1

Pasiya Mansa Sairasila mansayɛ san fɔlɔtɛ ma, Mari ya min fɔ Nɛbi Yɛrɛmaya ye, wo bɔra-a-la. Mari ya a ma, Mansa Sairasi ya sereya do sɛbɛ min si karan ala nyamanɛ kan tinɛ bɛɛ rɔ.

Ɛsira 2:23

Mɔgɔ kɛmɛ ani mɔgɔ mogan-ni-segin (128), wonu denu sɛgira anu benba soe Anatɔti burɔ.

Aiseya 1:1

Alla ya sarakanɛ minnu don Emɔsila den Aiseya bolo ka a tɛgɛ Yuda nyamanɛ anubɛ Yerusalɛm soela ko ma, wonu denu sɛbɛnɛ buku kɛ rɔ. Kɛnu fɔra Mansa Yusaya anubɛ Mansa Yotam anubɛ Mansa Ehasi anubɛ Mansa Hɛsakayanuta wati le tɔ, anu bi Yuda nyamanɛ kun na wati min.

Aiseya 10:30

Wole Kalimu mɔgɛnu, wo di soee! Wole Layisa kɛnu, wo ni wo tole rabalan. Wole Anatɔti kɛnu, wo kofu wo ta-nyɔgɛnu ma di-kɛ-tinɛ.

Aiseya 2:1

Alla ya sarakanɛ min don nde, Emɔsila den Aiseya bolo ka a tɛgɛ Yuda nyamanɛ anubɛ Yerusalɛm soela ko ma, wo le kɛ la.

Yɛrɛmaya 11:21

Woletɔ n faga-sɔgɛ ye Anatɔti kɛ minnu na, wonu bi a fɔla ko n kana wɔlɔyiya-kuma fɔ Marila ko rɔ tun. Anu ko ni n kirita wo ma, anu si n faga.

Yɛrɛmaya 29:27

A ya a manyinika ni min ya a to a ma yɔlɔkɛ kɛ nde, Anatɔti kɛ Yɛrɛmaya ma, nde min kumara mɔgɛnu ye iko nɛbi. A ko nde ya a fɔ Babilɔn mɔgɔ-biranɛnu ye ko anu si mɛ biralɛ rɔ nyɔ. Anu ni bɔnnu sɔ nyɔ ka anu sigi-bole rabɛn. Anu ni dɔn-fannu ki ka to wonu gbɔɛ dɔnna. Sɛmaya ko anu ni n nakala, n kana wonu fɔ.

Yɛrɛmaya 30:1

Isirɛlata Mari Alla ya a fɔ nde, Yɛrɛmaya ye ko a ara min bɛɛ fɔ n ye, n ni wo sɛbɛ buku do rɔ.

Yɛrɛmaya 37:12

N bɔɛ Yerusalɛm ka ta nna fen-sannɛ yabɔ Bɛnyamɛ nyamanɛ rɔ,

Emɔsi 1:1

Saga-fɛ-biralɛ le Nɛbi Emɔsi la nun. A siginɛ Tekoya soe burɔ. San fila yanni dugu-yɛrɛyɛran ni ke, wo ya a taran, Yusaya ye mansayɛ la Yuda nyamanɛ rɔ. Wo ya a taran fanan, Yohasila den-kei Yɛrabowami ye mansayɛ la Isirɛla nyamanɛ rɔ. Alla kumara Nɛbi Emɔsi ye ka a tɛgɛ Isirɛla nyamanɛ ma.

Emɔsi 7:10

Saraka-Masɔla-Kun-Tigi-Wɛ Hamasa min bi Bɛtɛli soe burɔ, wo ya Nɛbi Emɔsi pɛpɛ don Mansa Yɛrabowami na. A ya a fɔ ko, “Emɔsi kɛ ye a da tankala ile Mansɛ anubɛ Isirɛla mɔgɛnu na. A ye kumɛ minnu fɔla, wo si a ma, Isirɛla nyamanɛ ni tinya pɔ!

Matiyu 16:14

Anu ya a yabi ko, “Donu ko Yɔni-Batasi-Kɛlɛ le ile la. Donu ko Nɛbi Ilaya. Donu fanan ko Nɛbi Yɛrɛmaya, ni wo ma, nɛbi-gbɛrɛkɛ!”

Matiyu 2:17

Nɛbi Yɛrɛmaya ya min fɔ, wo bɔra-a-la. A ko,

Matiyu 27:9

Nba, Nɛbi Yɛrɛmaya ya min fɔ, wo bɔra-a-la bawo a ko, “Isirɛla mɔgɛ donu sɔnta ka a san wodi-gbɛ bi-sawɛ min na, anu ya wo bi