Yemesi 5:1 - ALLALA KUMƐ

¹ Nba, wole nɔnfulu-tiginu, wo ni wo tole masɔ bɛrɛkɛ! Wo ni gbele-gbelen ka di yakɔrɔ-mamɔɛ wola ko la min bi nala wo yarɔ!

Yemesi 5:1 Iomraidhean Croise

Yaburi 17:14

I ni nde lakisi bana wonu ma, fen bi min bolo duninya kɛ dɔrɔn tɔ. Tɔrɔya-dagɛ min siginɛ i bolo, anu tɔrɔ wo la. Tɔrɔyɛ wo kana dan anu denu dɔrɔn ma. Hali anuna dannu anubɛ anu mamanɛnu ni do sɔrɔn a rɔ.

Hɛnkilimaya-Kumɛnu 11:28

Ni min lara ata nɔnfuli la, ala wodi wo si a baya. Kɔnɔ mɔgɔ-latelennɛ si to sabatila iko yanba-kun-kuran si sabati nya min.

Hɛnkilimaya-Kumɛnu 11:4

Mari wa wuli mɔgɔ kitila, nɔnfuli ti a dɛnbɛ wulɔn kɔnɔ ko-telenni-kɛ si mɔgɔ kisi sayɛ ma.

Aiseya 13:6

Wo ni kurun dumɛ bolo. Marita lɔgɔ-latɛgɛnɛ ara gbɛrɛn. Mari Sɛnbɛ-Bɛɛ-Tigi si kasarɛ lana tele wo ma.

Aiseya 15:3

So-burɔ-mɔgɛnu ya kasa-kurɛ don anu kan na. Mɔgɛnu bi dila anuna kundɛn tinɛnu tɔ anubɛ anuna bɔnnu burɔ.

Yɛrɛmaya 4:8

Wo ni kasa-kurɛ bila wo kan na. Wo ni di biribiri, ka wo dɛ sa-a-rɔ bawo Marita diminyɛ ma a kan-kɔ sɔ wɛ wo la.

Yɛrɛmaya 9:23

Mari ko hɛnkilimɛ kana a nyɛrɛ matɔgɔ ala hɛnkilimayɛla ko la. Fanka-tigi kana a nyɛrɛ matɔgɔ ala fankalamayɛla ko la. Nɔnfulu-tigi kana a nyɛrɛ matɔgɔ ala nɔnfulu-tigiyɛla ko la.

Isikiyɛli 19:2

Yara-makawanɛ le anu na la yarɛnu tɛma. A ya ala dannu makolo yara-kei-makawanɛnu denu tɛma.

Isikiyɛli 30:2

“Ile hadama-dan, i ni wɔlɔyiya-kumɛ kɛ latenbi Iyipiti kɛnu ma. Nde, wo Tigi Mari ye min fɔla, i ni wo fɔ anu ye i kulu-mayɛlɛnɛ la. Anu kilan-tele ye nala,

Yowɛli 1:11

Wole sɛni-salɛnu, wo di soee, bawo wola sɛnita-fannu bara tinya pɔ! Wole ki-fen-kilɛnu, wo dɛ sa-a-rɔ lungbɔn, bawo wola ki-fannu na ara gbala nyawo! Ki-fannuna gbalɛ, wo le ya a ma, mɔgɛnu yisi ma ara gboya.

Yowɛli 1:13

Wole saraka-masɔlɛ minnu bi wɔlila saraka-mintan-tinɛ, wo ni kasa-kurɛnu don ka di biribiri! Wo ni to mata Alla Bato-Bɔn la ka ki dila kudu, bawo fui-fan anubɛ minni-fen, wonu fenfen sa nala Bato-Bɔn la tun.

Yowɛli 1:5

Wole gbɛɛ-minna-wɛnu, wo di bawo kondɔnnu bara wola gbɛɛ-kurinu nato dogbe!

Maika 6:12

A ko nɔnfulu-tiginu bi bolo-kolɔnnu bolo labirala. Wonu damasi ye foninyɛ fɔla.

Sɛfanaya 1:18

Mari fonde ye bɔla tele min ma bɛrɛbɛrɛkɛ, mɔgɛnuna sɛnɛ anubɛ wodi-gbɛnu ti anu bɔ tɔrɔyɛ wonu tɔ wo wulɔn-tele rɔ. Marita diminyɛ si ma iko tɛ ka duninya kɛ bɛɛ mintan. A si duninya-mɔgɛ bɛɛ lato nya-kun-kelen dogbe!

Tɔn-Fɔɛ-Fila-Nyɔgɛ 32:15

“Wole Marita mɔgɛnu mara nɔnfulu-tiginu na kɔnɔ hali wo, wo murutiyara a ma. Wo ara tɔlɔ ha wo bu-dagɛnu bara sigi kɔnɔ hali wo, wo ya ale Dali-Mari boloka. Wota Fara-Kole min ya wo lakisi, wo ya wo ban wo la.

Yemesi 1:11

Tele wa yɛlɛ, a wuyan si kɔn-fere wo lafɔsɔ. A fere si yalan. Ala kinyɛ si tinya pɔ! Nɔnfulu-tiginu fanan wara-koe si ka-a-la wo nya na le anu tenbi anuna ko ladannu na.

Yemesi 2:6

Kɔnɔ wole ye bolo-kolɔnnu nafɛyala dɛɛ, ado yon bi wo niyi ragbɛrɛnna ka wo lafili kiti tɛgɛ tinɛ? Nɔnfulu-tiginu denu si wo ma!

Yemesi 4:13

Nba, wo ni wo tole masɔ n kan la. Wole min ko, “Bi, ni wo ma, sina, ma si ta soe do rɔ yilaya-kɛ-tinɛ san kelen ka tɔnɔ-wɛ sɔrɔn.”

Yemesi 4:9

Wo ni nimisa ka a tɛgɛ wo ara ko-yogomɛ minnu kɛ. Wo ni wola yɛlan yɛlɛma di-kɛ la ka wola sewɛ yɛlɛma yisi-tinya la!