Yemesi 4:9 - ALLALA KUMƐ

⁹ Wo ni nimisa ka a tɛgɛ wo ara ko-yogomɛ minnu kɛ. Wo ni wola yɛlan yɛlɛma di-kɛ la ka wola sewɛ yɛlɛma yisi-tinya la!

Yemesi 4:9 Iomraidhean Croise

Nihɛmaya 8:9

Kumɛ min sɛbɛnɛ tɔn wo rɔ, anu ya wonu namɔɛn min kɛ, anu donta diyi-kɛ rɔ bawo kumɛ wonu bara anu sɔn-kunyɛ lamaga. Woletɔ Nihɛmaya min bi anu kun na anubɛ Saraka-Masɔla Ɛsira min bi tɔn-karan-mɔgɔyɛ la, anubɛ Lifayi minnu ya tɔn rakaran anu ye, wonu ya a fɔ mɔgɛnu ye ko, “Tele-sɛnimɛ le bi la mata Mari Alla ye. A ma bɛn, mɔgɔ ni di tele kɛ rɔ.

Yobu 30:31

Fɔlɔfɔlɔ nun, n bi sewa-sigi-sa-kannu namɔɛnna kɔnɔ kaka, n sa fenfen namɔɛnna fɔ saya-di-kɛ-kan anubɛ di-kɛ-kannu.

Yaburi 119:136

N ya-yi ye yigila iko bɛ bawo mɔgɛnu sa sɔnna ita tɔnnu bira-koe ma.

Yaburi 119:67

N sa kila-nyima fɛ nun, woletɔ i ya n tɔrɔ kɔnɔ n bi ita sereyanu birala kaka.

Yaburi 119:71

Nna tɔrɔyɛ bɛnta n ma bawo wo le ya a ma, n ya ita sereyanu lɔn.

Hɛnkilimaya-Kumɛnu 14:13

Mɔgɛ do tɔrɔnɛ si taran kɔnɔ hali wo, a si yɛlɛn. Sewɛ do si a laban tɔrɔyɛ ma.

Makawandili Kumɛnu 2:2

N ya a yen ni mɔgɛ tora yɛlɛnna, wo ti ko-wo-ko nyinya mɔgɛ ma, ado n ya a yen fanan ko kuntanyɛ ye a rɔ.

Yɛrɛmaya 31:13

Sunkurɔnnu si anu dɔn sewa-wati wo rɔ. Kɛmɔgɛnu anubɛ kemini-mɛsɛnu fanani si anu dɔn anu fɛ. Mari ko a si anuna yisi-magboyɛ yɛlɛma anu ye, nyagalan la. A si anuna yisi-tinyɛ ma anu ye, kɔntɔ-diyɛ la.

Yɛrɛmaya 31:9

A ko wole, ala mɔgɛnu si sɛgi dila nyagalen bolo. Wo namato, a si wo niyi radiya. Wo ye bɔla kilɛ min fɛ, wo kan na ti gbala nyɔ. Wo ye bɔla kilɛ min fɛ, wo ti wo kian natugu nyɔ. Mari mani de wole, Isirɛla mɔgɛnu ye iko wo fa. Ala sarɛ le wole, Ifɛrɛm mɔgɛnu na.

Nimisa Koe 5:15

Sewa mumɛ sa ma yisi rɔ kaka. Mala dɔn-kɛ ara yɛlɛma ma bolo di-kɛ la.

Isikiyɛli 16:63

N si wo makoto wola ko-yogomɛ bɛɛ la. Wo yili ti bɔ wola ko-yogomɛ wonu ko, ado wo si miliya wo dɛ tugula wo sɔn-yogomɛ wonu na. Nde, i Tigi Mari kan le kɛ la.’ ”

Isikiyɛli 7:16

Minnu bi bɔla folenu tɔ ka anu buri kɛlɛ kɔrɔ, wonu si ta kɔnkɛnu tɔ. Anu si to dila nyɔ iko purulan ka a tɛgɛ anu hakɛla ko ma.

Matiyu 21:41

Anu ya a yabi ko, “A si mɔgɔ-yogomɛ wonu faga serr, ka mɔgɔ-gbɛrɛnu sinka a la minnu si atɛ di a ma a keri-wati rɔ.”

Matiyu 5:4

Mɔgɔ-sewanɛ le wo mɔgɛ la min bi dila a yisi rɔ bawo Alla si a yisi-kimɛ!

Luka 16:25

“Kɔnɔ Iburayima ko, ‘Nna dan, i miri fɔlɔn. I kɛndɛ tumɛ min, i ye fen-nyimɛ bɛɛ sɔrɔnna kɔnɔ wati wo rɔ, Lasarasi kɛ ye fen-nɔgɔnɛnu gbansan sɔrɔnna. Nba kaka, ale le ye sewɛ la yan, ile ye dumɛ rɔ.

Luka 6:21

Mɔgɔ-sewanɛ le wole kɔnkɔtoenu na bawo wo si fa pim! Mɔgɔ-sewanɛ le wole di-kɛlɛnu na bawo wo si na yɛlɛn!

Luka 6:25

Wole minnu buyi lafanɛ, gbalo ye wo kuma bawo kɔnkɛ si wo bira! Wole minnu bi yɛlɛnna kaka, gbalo ye wo kuma bawo wo si mɔni ka di!