Yemesi 4:8 - ALLALA KUMƐ

⁸ Wo ni wo gbɛrɛn Alla ma. A si a gbɛrɛn wo ma. Hakɛ-tiginu, wo ni wo bole laku feu! Wole nafiginu, wo ni ko-yogomɛ bɔ wo sɔndɔmɛ rɔ feu!

Yemesi 4:8 Iomraidhean Croise

Ko-Dabirɛnu 18:23

Iburayima ya a madon Mari la doni ka a manyinika ko, “I si mɔgɔ-telennɛnu fanan halaki mɔgɔ-yogomɛnu fɛ, wa?

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

2 Ko-Kɔrɔta-Karan 15:2

A tara Mansa Esa taran. A ya a fɔ anubɛ ala mɔgɛnu ye ko, “Wole Yuda bɔnsɔn-mɔgɛnu anubɛ Bɛnyamɛ bɔnsɔn-mɔgɛnu, wobɛ wola mansɛ ni wo wɔlɔ matɔlɔ. Fananta wo ye Mari fɛ, a ye wo fanan fɛ. Ni wo ya a nyini, a si a ma, wo ni a yen. Kɔnɔ ni wo ya wo kan-kɔ sɔ a la, ale fanan si wo boloka.

Yobu 16:17

Hali wo, nde ma karagbɛlɛya-ko-wo-ko ma. N bi Alla madiyala n yisi bɛɛ la.

Yobu 17:9

Telenbagɛ ti ata telenbagayɛ to. Fɛɛ sa mɔgɛ min na, wonuta si to gbɛlɛyala.

Yobu 9:30

Hali n ya n fɛrɛ-bɔnkɛ ku sefinɛ la, hali n ya n bole laku sefina-finyɛ la,

Yaburi 119:113

Lanayabɛlɛnu gbo n ye kɔnɔ ita tɔnnu keninɛ n bolo.

Yaburi 145:18

Minnu bi a rakelela, a gbɛrɛnnɛ wonu denu ma, minnu bi a rakelela tonyɛ la, kɔni.

Yaburi 18:20

Mari ya n sara nta telenbagayɛla ko la. A duwara n ye bawo fɛɛ sa n na.

Yaburi 24:4

Fɔ minnu sɛninyanɛ anu kɛ-nya anubɛ anu miriya rɔ, ado wonu sa bɛsi kɔla, wonu sa foninya-sereya bɔla.

Yaburi 26:6

N Mari, n bara n bole mafiran ka a yira i la ko n yilikini ma. N bara tugun ila mɔgɛnu na minnu bi ila saraka-mintan-tinɛ lafoola.

Yaburi 51:10

E, Alla, n yisi kurakuraya. I ni sɔndɔma-kurɛ ladon n burɔ.

Yaburi 73:13

N bara n nyɛrɛ mara fu! Nfen ya a ma worɔ, nde ma hakɛ kɛ?

Yaburi 73:28

Ni ndetɛ le, a fisa, mɔgɔ ni a gbɛrɛn Alla ma. Nde ara a ma, n tigi Mari ni n nakanan ka to ala kɛwɔli-nyimɛnu takaranna mɔgɛnu ye, wo fanan di n ye.

Aiseya 13:15

Anu ba min bira, anu si wo rasɔgɔsɔgɔ.

Aiseya 29:13

Mari ko mɔgɛ kɛnu bi a fɔla anu da rɔ ko ale Mari di anu ye kɔnɔ a wara-koe sa anu yisi-kunyɛ la. Anuna dina manɛ tɔn anubɛ namunya-gbansan le la. Wo le manɛ anu bolo kuntɔ-karan la.

Aiseya 58:2

Anu bi anu nyɛrɛ mala iko Alla di mɔgɛ min ye. Anu bi anu nyɛrɛ mala iko mɔgɛ minnu bi anu tole masɔla Allata tɔn-karan la a kin na! Anu bi anu nyɛrɛ mala iko komi Alla sako kɛ-sɔgɛ ye anu na. Anu bi anu nyɛrɛ mala iko anu sa Allata tɔn tinyana tele-kelen-bɛrɛni! Anu bi anu nyɛrɛ mala iko Alla-bato-sɔgɔ-bɛrɛ ye anu na. Bato-Bɔnna-tɛ di anu ye dɔgɔma-ma-de!

Yɛrɛmaya 4:11

Wo wati wa ke, kilayɛ kɛ la si ke wo ma. Kilayɛ si a fɔ ko fɔn-kalamɛ si bɔ wularɔ-kɔnkɛnu wara la ka ta wole, Allata mɔgɛnu magbenna. A mani ma de iko fɔn-fɛlɛfɛlɛnɛ, sɛni-salɛnu bi fui-fannu rafɛla min na.

Yɛrɛmaya 4:14

Wole Yerusalɛm kɛnu, wo ni ko-yogomɛ bɔ wo yisi rɔ alako wo si na kisi nya min. Wo ni wo fara miriya-yogoma-rabɛn la.

Nimisa Koe 3:57

I ya i gbɛrɛn n ma ka a fɔ n ye ko n kana kilan.

Isikiyɛli 18:31

Anu bi karagbɛlɛyɛ min bɛɛ kun na, anu ni anu bole bɔ wo bɛɛ rɔ. Anu ni sɔndɔma-kurɛ anubɛ miriya-kurɛ lana anu burɔ. Nfenna saya-sɔgɛ ye Isirɛla mɔgɛnu na?

Sakaraya 1:3

Kɔnɔ kaka, a ye a fɔla ko wo ni sɛgi ale Mari ma. A ko ale bɛrɛn si a ya-lamunun wo la.

Malakayi 3:7

A ko wole bɔra wo benbanu denu na. Wonu ya ata tɔnnu boloka. Wonu ma sɔn anu bira koe ma. Mari ko wo ni sɛgi a ma tun, a si a ya-lamunun wo la. Kɔnɔ a ko wole ye a fɔla ko, “Ma si nfen ma min si a ma, ma ni sɛgi a ma?”

Matiyu 12:33

“Ka kɔn-gbɔ-nyimɛ sɔrɔn fɔ kɔlɔma-sabatinɛ ni taran i bolo. Kɔlɔma min sabatini ma, ni wo ye i bolo, wo gbɔɛ ti mɔgɔ munanfaga. Kɔlɔma si lɔn a gbɔɛ le fɛ.

Matiyu 15:2

“Nfenna ila karan-dannu sa ma benbanuta karan birala? Yanni anu ni fan dɔn, anu ti anu bole laku mumɛ iko a sɛbɛnɛ tɔn rɔ nya min!”

Matiyu 27:24

Pailɛti ya a yen tumɛ min ko a ti nɔ-ko sɔrɔn anu ma, ado sɔnkɔ-sɔnkɛ ye nala bɔla-a-rɔ le, a ya yi bi ka a bole laku nyama yala. A ko, “Ndeta sa kei kɛ faga-koe rɔ! Wota kɛwɔli le wo la!”

Kɛwɔlɛnu 15:9

A ma dan-nafarɛ don mabɛ anu tɛma hali! Anu dɛnkɛninyara min kɛ, woletɔ a ya anu makoto anu hakɛ ma.

2 Kɔrɛnti 7:1

N diyana-mɔgɛnu, lanyiri kɛ bɛɛ kirinɛ male le ye! Woletɔ koe min bɛɛ si fɛrɛ-bɔnkɛ anubɛ niyi latinya, ma ni ma nyɛrɛ sɛninya wonu ma. Ma ni ko-sɛnimɛ nyini ka to kilanna Alla la.

1 Timoti 2:8

Wo wa wo ladɛn Alla bato tinɛ tuma-wo-tuma, n bi a fɛ, wole keinu ni madiyali kɛ ka wo bole rasigi Alla ye. Wo ni ma mɔgɔ-sɛninyanɛnu na Alla ye, ado wo tenbi madiyali kɛla, diminyɛ anubɛ sɔsɔli kana taran wo tɛma.

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

Hiburunu 7:19

Alla ya tɔn min di Nɛbi Musa ma, wo ma ke ko-wo-ko munanfagala bawo ma ara yigi-bɛrɛ sɔrɔn kaka. Ma dama ye ma gbɛrɛnna Alla ma, wo le baraka rɔ.

Yemesi 1:8

bawo a ye koe min bɛɛ kɛla, a kunyɛ rabasannɛ, a ti ko-wo-ko latɛgɛ a nyɛrɛ wara-koe rɔ.

Yemesi 3:17

Kɔnɔ hɛnkili min bɔnɛ san ma, a fɔlɔtɛ ye min na, a sɛnima. A yisi-kimanɛ fanan. A dinyanɛ. A madiya-koe ma gbɛlɛ. A fanɛ kinikinɛ la. A ye kɛwɔli-nyimɛnu kɛla. A ti lafisayalɛ kɛ. A ti a nyɛrɛ kɔrɔta.

1 Pita 1:22

Nba, wo nyɛrɛta sɛninyɛ kɛra tonya-birɛ le fɛ. Keninteya-bɛrɛ ye wo yisi rɔ wo ta-nyɔgɛ dɛnkɛninya-mɔgɛnu ye. Wo ni to wo nyɔgɔn kenina bɛrɛkɛ wo yisi bɛɛ la.

1 Pita 3:21

ado yi-fɛ wo le batasili-misalɛ la bawo wole ara kisi Yisa Kirasitita lawuli-sɛnbɛ fɛ wo nya na le. Ka a fɔ ko wo ni wo ku, wo dɔrɔn ma de! Ma wa batasili kɛ, ma ye Alla matarala ko a ni ma sɔndɔmɛ gbɛ.

1 Yɔni 3:3

Yigi kɛ ye mɔgɛ min bɛɛ bolo, wo tigi si a nyɛrɛ sɛninyanɛ mara iko Kirasiti sɛninyanɛ nya min.

1 Samuwɛli 14:35

Mansa Sɔli ya saraka-mintan-tinɛ sɔ Mari ye nyɔ. Saraka mintan tinɛ sɔ fɔlɔtɛ le wo la Mansa Sɔli bolo.