Yemesi 4:6 - ALLALA KUMƐ

⁶ Alla ye keninteyɛ min yirala ma la, wo sɛnbɛ kolo kati, ado Allala kitabu ko, “Alla kɛlɛ-nyɔgɛ le mɔgɔ-wasinɛnu na kɔnɔ mɔgɛ min famayiginɛ, a si wonu kɔntɔ-diya.”

Yemesi 4:6 Iomraidhean Croise

2 Ko-Kɔrɔta-Karan 32:26

Kɔnɔ tɔ-a-la, Mansa Hɛsakaya anubɛ ala mɔgɛ minnu bi Yerusalɛm, wonu ya anu famayigi. Woletɔ Mari ma anu tɔrɔ wo tumɛ ale mansɛ ye a kɛndɛ la.

2 Ko-Kɔrɔta-Karan 33:12

Ka a tɛgɛ ala tɔrɔyɛ wo ma, a ya a famayigi ka di ata Mari Alla dala alako wo ni a kunyɛ bɔ gbaran wo rɔ.

2 Ko-Kɔrɔta-Karan 33:19

Ale mansɛta mataralɛ wo, Allata yabilɛ wo, ale mansɛ ara hakɛ min kɛ nun yanni a ni tubi wo, a ya ko-yogomɛ min kɛ wo, a ya bɛsi-kɔ-tinɛ minnu nadan wo, anubɛ a ya bɛsi-musi Asurala muninyɛ lɛsɛ wo, anu ya wo bɛɛ sɛbɛ nɛbiya-buku do rɔ.

2 Ko-Kɔrɔta-Karan 33:23

Kɔnɔ a ma a famayigi Mari ye iko a fa ya a ma nya min, ado a ya hakɛ kɛ ka tenbi a fa la.

2 Ko-Kɔrɔta-Karan 34:27

A tubira ka a nyɛrɛ famayigi ale Mari ye. A donta diyi-kɛ rɔ ka ala fulɛ fili dugu ma bawo a ara a yen, Mari ye nala Yerusalɛm kɛnu tɔrɔyala nya min. Kɔnɔ Mari ko a ara ale mansɛla matarali-kan lamɔɛn.

Yobu 22:29

Alla si mɔgɔ-wasinɛ tosokɔrɔ dugi ma. A si mɔgɔ-famayiginɛ latanka.

Yaburi 138:6

Hali i ye san ma pon, mɔgɔ-famayiginɛnuna hinɛ ye i rɔ. Wasintenu ti ke anu dogonna i ma.

Yaburi 9:12

Alla fonde ye mɔgɔ-tɔrɔnɛnu ko. A si a wɔlɔ matɔlɔ anu di-kɛ-kan la ka wonu tɔrɔ minnu bi ata mɔgɔ-tɔrɔnɛnu yakɔrɔ-mamɔla.

Bɔ-Koe-Iyipiti 18:11

N ya a lɔn kaka ko Mari kolo bɛsɛ bɛɛ ko bawo Iyipiti kɛ minnu tɛgɛnɛ Isirɛla mɔgɛnu tɔ, a ara wonu tɔrɔ kosɛbɛ!”

Hɛnkilimaya-Kumɛnu 15:33

Ni mɔgɛ kilanta Mari la, a si hɛnkilimayɛ wara-koe karan. Yanni mɔgɛ ni gbiliyɛ sɔrɔn, fɔ a wa a nyɛrɛ famayigi.

Hɛnkilimaya-Kumɛnu 18:12

Mɔgɔla wasinteyɛ le ye a labuila. Mɔgɔ-famayiginɛ le ye gbiliyɛ sɔrɔnna.

Hɛnkilimaya-Kumɛnu 22:4

Ni i ya Mari gbiliya, i ni i nyɛrɛ famayigi a ye. Wo si a ma, i ni nɔnfuli anubɛ gbiliyɛ anubɛ simayɛ sɔrɔn.

Hɛnkilimaya-Kumɛnu 29:23

Wasinteyɛ si mɔgɛ layigi kɔnɔ ni a ya a famayigi, a si gbiliyɛ sɔrɔn.

Hɛnkilimaya-Kumɛnu 3:34

A mako sa mɔgɔ-wasinɛnu na kɔnɔ a si ata kɛ-nya-nyimɛnu yira mɔgɔ-famayiginɛnu na.

Aiseya 2:17

A si hadama-dannuna wasinteyɛ ban ka anuna nyɛrɛ-kɔrɔta-fan wonu kasara. Anuna bɛsɛ wonu si tunu yen! Mari kelen pe si to gbiliyɛ rɔ wo wulun tele.

Aiseya 54:7

a ya a ban i la wati-kundu-ni kɔrɔ kɔnɔ a ko a si i bi tun kinikini-belebele la a bolo.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Daniyɛli 4:37

“Nba, woletɔ nde, Nɛbukanasa, n si Arinyɛnɛ-Mansɛ gbiliya ka a tanto bawo ale ya ko-wo-ko ladan, wo kin, ado a telenta. Min sanɛ wo kuma, ale le ye mɔgɔ-wasinɛnu famayigila. Nde, Nɛbukanasa ya kɛ sɛbɛ.”

Matiyu 13:12

Fan bi minnu bolo, anu si to wo kuma sala dɛɛ, ado wo si a sɔrɔn duk! Kɔnɔ fen sa minnu bolo, hali a dɔgɔmanɛ min bi anu bolo, wo si bi anu bolo.

Matiyu 23:12

Min ba a nyɛrɛ kɔrɔbi, wo ma si yigi. Min ba a nyɛrɛ famayigi, wo la si yɛlɛ.

Luka 1:52

Alla ara mansa-sɛnbɛmɛnu nayigi ka bɔ anuna sigi tinɛnu tɔ. Minnu famayiginɛ, a ya wonu nayɛlɛ.

Luka 14:11

ado min bɛɛ si a nyɛrɛ kɔrɔbi, wo ma si yigi. Min ba a nyɛrɛ famayigi, wo la si yɛlɛ.”

Luka 18:14

N bi a fɔla wo ye, duti-makelelɛ kɛ, a latelennɛ sɛgira a warɛ Alla yala, Farisi wo ma de, ado min ba a nyɛrɛ kɔrɔbi, wo la si yigi. Min ba a nyɛrɛ famayigi, wo la si yɛlɛ.”

Yemesi 4:10

Wo ni wo famayigi Alla ye. Ni min ya wo ma, a si wo mɔgɛ layɛlɛ.

1 Pita 5:5

Fonikenu fanan ni sɔnnaya kɛmɔgɛnu ye wo nya na le. Wo dama ni famayigiya-duruki don wo kan na ka wɔlɛ kɛ wo nyɔgɔn ye, ado a sɛbɛnɛ Allala kitabu rɔ ko, “A mako sa mɔgɔ-wasinɛnu na kɔnɔ a si ata hinɛ yira mɔgɔ-famayiginɛnu na.”

1 Samuwɛli 2:3

“Wo ni wo fara nyɛrɛ-kɔrɔbiyinu na. Mari Alla, wo le ya koe bɛɛ lɔn. Ale le ye mɔgɛnu kiti tɛgɛla.