Yemesi 3:9 - ALLALA KUMƐ

⁹ Ma ye baraka birala ma Mari anubɛ ma Fa Alla ye ma dɛ min na, ma hadama-den-nyɔgɛ min nadannɛ Allala muninyɛ rɔ, ma ye wo dankala ma da kelen pe wo le la tun!

Yemesi 3:9 Iomraidhean Croise

Ko-Dabirɛnu 5:1

Hadama-sɔrɛnu tɔgɛ le kɛnu na. Alla ya mɔgɛ dan tumɛ min, a ya anu dan a nyɛrɛla muninyɛ rɔ.

Ko-Dabirɛnu 9:6

Bawo nde, Alla ya mɔgɛ dan n nyɛrɛla muninyɛ le tɔ, woletɔ ni min ya a ta-nyɔgɛ niyi bɔ, mɔgɛ do si wo fanan niyi bɔ.

2 Samuwɛli 16:5

Mansa Dawuda ke Bahura soe burɔ, Mansa Sɔli na-kelen-nyɔgɛ Kɛra, wola den Simayi bɔra soe ka ta a taran nyɔ. A ye tala Mansa Dawuda mamɔɛnna.

2 Samuwɛli 19:21

Sɛruya-Abisayi ya a fɔ Dawuda ye ko, “Simayi min ya Marita mansa-yabɔnɛ mamɔɛn wulɔn, ma ti wo faga, wa?”

1 Ko-Kɔrɔta-Karan 29:10

Mansa Dawuda ya Mari tanto nyama wo yala nyɔ rɔ. A ya Alla matara, a ko, “Ma benba Yakobata Mari Alla, i ni to tantolɛ sɔrɔnna habadan!

1 Ko-Kɔrɔta-Karan 29:20

Wo kɔma, Mansa Dawuda ya a fɔ mɔgɛnu ye ko, “Wo ni wota Mari Alla tanto.” Mɔgɔ damasi ya anu benbanuta Mari Alla tanto. Anu ya anu madu ka Mari anubɛ anuna mansɛ gbiliya.

Yaburi 10:7

A da-burɛ lafanɛ dankɛ-kɛ anubɛ foninyɛ anubɛ niyi-ragbɛrɛn-kumɛnu na. A dɛ latiri kuma-yogomɛnu fɔla.

Yaburi 108:1

E, Alla, nde ara lanaya-ba sa i rɔ. N si tantoli-bɛti bɔ i ye n sɔndɔmɛ bɛɛ la.

Yaburi 145:1

E, nna mansɛ Alla, n si i makawa-nya lawanka mɔgɛnu ye. N si to i tantola habadan!

Yaburi 145:21

N si to Mari tantola tolon! A bɛnta ala dali-fannu ni a tɔgɔ-sɛnimɛ tanto habadan!

Yaburi 16:9

Woletɔ n sewanɛ dɔgɔma-ma-de! N bi n fanbolo

Yaburi 30:12

Wo le ya a ma, n tora tantoli-sigi sala i ye. N ma n made muk! Nta Mari Alla, n si to baraka birala i ye burubukai!

Yaburi 34:1

N si baraka bira Mari ye tuma-wo-tuma. N ti n tade a tantolɛ ma mumɛ!

Yaburi 35:28

Wo kɔma, n si to ila telenbagayɛ wara-koe fɔla ka to i tantola tolon!

Yaburi 51:14

E, Alla, n bara niyi min bɔ, n makoto wola ko la. Wo kɔma, i wara n nakisi nya min, n si sigi sa ila telenbagayɛ wola ko la.

Yaburi 57:8

N si kunden ka nna sɔrɔn anubɛ nna bɔlɔn fɔ. N si kunden subagɛ ma tantoli-bɛti-bɔɛ la n bolo.

Yaburi 59:12

Anu bi kumɛ min nabɔla anu da rɔ, wo ye a yirala ko hakɛ-tigi le anu na. Alamɛ anuna wasinteyɛ mara anu bira-fan la. I ni anu kasara wola ko la bawo anu bi dankali-kɛla ka foninyɛ fɔ. I ni anu nato dogbe ita fondo-labɔɛ rɔ! Wo si a ma, bɛɛ ni a lɔn ko ile letan Isirɛla mɔgɛnu na, ado ila mansayɛ ye duninya mumɛ bɛɛ kun na.

Yaburi 62:4

Wole, a yogenu bi nyɔ dɔrɔn ka a mankan layigi. Foninyɛ di wo ye. Hali wo ye duwala kɔnɔ wo ye dankali-kɛla wo yisi rɔ.

Yaburi 63:4

Fananta n bi n niyi la, n bi i tantola dɛɛ! N si n bole sigi i ye madiyali-kɛ tinɛ.

Yaburi 71:24

Telen-gbɛn, n bi ila telenbagayɛ rakaranna bawo minnu bi ko-yogomɛ sigila n ma, i wara wonu nabui kɔndɔfili rɔ yarabiyi bolo.

Makawandili Kumɛnu 7:22

ado ile nyɛrɛ ya a lɔn ko i wara mɔgɛnu tanama-kuma-siyaman fɔ.

Aiseya 29:13

Mari ko mɔgɛ kɛnu bi a fɔla anu da rɔ ko ale Mari di anu ye kɔnɔ a wara-koe sa anu yisi-kunyɛ la. Anuna dina manɛ tɔn anubɛ namunya-gbansan le la. Wo le manɛ anu bolo kuntɔ-karan la.

Matiyu 26:74

Nba, Pita ya a gboro. A ko, “Ni n sa tonyɛ le fɔla, alamɛ Alla ni n tɔrɔ! N ma kei wo lɔn mumɛ!” Nba, dondɔn kekera.

Matiyu 5:44

Kɔnɔ kaka, n bi a fɔla i ye ko i ni i yogenu keni ka madiyali kɛ anu ye, hali minnu sa i birala a kin na!

Kɛwɔlɛnu 2:26

N yisi la ara fa sewɛ la. Nta kumɛnu mara nyagalen-kumɛnu dɔrɔn na. Hali n mara hadama-dan la, n si n sulen yigi-nyimɛ rɔ serr!

Romu 3:14

Anu dɛ burɛ lafanɛ dankali-yogomɛnu na.

1 Kɔrɛnti 11:7

Hali kei ma a kunyɛ yamatogon bawo Allala muninyɛ anubɛ Allala gbiliyɛ le ale la. Kɔnɔ musi le ye ala keila gbiliyɛ labɔla gbɛ rɔ.

Ɛfɛsa 1:3

Ma ni baraka bira ma Mari Yisa Kirasiti, wo Fa Alla ye dɛɛ bawo duwɛ min bɛɛsi ye Arinyɛni tɔ, Alla ara wonu di ma ma. Ma ya wonu sɔrɔn Kirasiti baraka le tɔ.

Yemesi 1:27

Ma Fa Alla si sɔn dina min ma, wo le kɛ la. Wo tigi ni kelennɛnu anubɛ kɛɛ-musinu dɛnbɛ anuna tɔrɔyɛ rɔ. A ni a nyɛrɛ sɛninyanɛ mara duninya-ko-yogomɛ-bɛɛ ma. Dina kɛ, fɛɛ-wo-fɛɛ sa a la, ado dina-latinyani ma.

Yemesi 3:10

Baraka-bira-kumɛ anubɛ dankali-kumɛnu bi bɔla da kelan wo le tɔ. N na-kelen-nyɔgɛnu, wo ma bɛn hali,

1 Pita 1:3

Ma ni baraka bira Mari Yisa Kirasiti, wo Fa Alla ye dɛɛ! Ka a tɛgɛ Yisata lawulɛ fɛ ka bɔ furinu tɛma, ma ara ni-kurɛ sɔrɔn a bolo ala kinikini-wɛ rɔ. Wo ara ma fa yigi-bɛrɛ la.

Kɛlɛ-Kurugbɛnu 9:27

Anu tara anuna nɔnbɔ-gbɔ-sɛnɛnu tɔ ka nɔnbɔ-gbɔɛnu keri ka anu burun. Anu bi ladiyɛ kɛla ka fen dɔn anubɛ ka nɔnbɔ-gbɔ-yi min anuna bɛsi-kɔ-tinɛnu tɔ, anu bi Abimɛlɛki tɔgɛ tinyana a kɔma.