Yemesi 3:6 - ALLALA KUMƐ

⁶ Ma dɛ mani de iko ta-mɛlan. A dɔgɔ ma fɛrɛ rɔ kɔnɔ a si ta-belebele tugu. A lafanɛ ko-yogomɛ la. A si ko-yogomɛ nyɛnsɛn kan tinɛ bɛɛ rɔ! A si tɛ tugu mala nimayɛ kɛ la nya bɛɛ ma iko tɛ min bi nala ka bɔ nyahanama nyɛrɛ rɔ.

Yemesi 3:6 Iomraidhean Croise

2 Samuwɛli 16:20

Abasalɔm ya a makawandilɛ Ahitafɛli manyinika. A ko, “Ma ara ke Yerusalɛm soe burɔ. Ma ni nfen ma gbɛ?”

2 Samuwɛli 19:43

Isirɛla nyamanita-mɔgɛnu ya a fɔ anu ye tun ko, “Male letan mansɛ kɛ la iko tan ka tenbi wo la. Nfenna wo ye tɛgɛla ma rɔ? Wo ara nyina le, wa? Male le fɔlɔn ma mansɛla na-koe fɔ yan?” Anu tora anu nyɔgɔn sɔsɔla ha kɔnɔ Yuda nyamanita-mɔgɛnuta kumɛ gbɛlɛyara ka tenbi Isirɛla mɔgɛnutɛ la.

2 Ko-Kɔrɔta-Karan 13:17

Yuda Mansa Abaya anubɛ ala kɛlɛ-dannu ya Isirɛla mɔgɛnu kasara ka mɔgɔ waga kɛmɛ loli (500,000) faga Isirɛla kɛlɛ-dan wonu tɔ.

Yaburi 140:3

Anu dɛ-marɛ ye a la iko duguma-fantɛ. Anu kuman-kan mani de iko birɛ wa a duri pusen.

Yaburi 64:3

Anu bi anu nagan dɛ lasala iko faan. Anu bi kuma-yogomɛnu nakɛla n ma iko kalabɛn.

Hɛnkilimaya-Kumɛnu 15:1

Kuma-makimani-fɔɛ si mɔgɔ-yisi-bɔnɛ kimɛ kɔnɔ kuma-yogoma-fɔɛ si tɛ tugu mɔgɔ-yisi-bɔnɛ la.

Hɛnkilimaya-Kumɛnu 16:27

Yanfante si to ko-yogomɛ mala mɔgɛnu na. Hali a ye kumɛ min nabɔla a dɛ rɔ, wo si mɔgɛ mamintan.

Hɛnkilimaya-Kumɛnu 7:5

Wonu si i tanka kei-gbɛrɛla musila darɔ-diyɛ ma.

Aiseya 30:27

Mɔgɛnu si Marita gbiliyɛ anubɛ sɛnbɛ yen nala wula-yan la. Tɛ anubɛ ta-sisi si ata diminyɛ mayira. Ala kumɛnu si mɔgɛnu mintan iko tɛ.

Aiseya 50:11

Ni ta-tugu di min ye mɔgɛnu tɛma, wo tigi ni tagama ala ta-tugunɛ wo tɛma. Mari nyɛrɛ si sɔn kɛ ma. A si wo tigi tɔrɔ dɔgɔma-ma-de!

Yɛrɛmaya 20:10

N si mɔgɛnu yen wɛwɛ sala n kan ma. Anu bi a fɔla ko, “Ala kumɛ dama si ma kumakɔ-koe la tolon!” Anu bi a fɛ ka n yasere-masa anuna mɔgɔ-banu ye. N diyana-mɔgɛ kɛnu bi n napɛrɛnna ni n si sama nya min doni! Anu bi a fɔla ko, “Tumado ma si a bolo labira alako ma ni a nɔ nya min.” Anu bi nna makawandili-kumɛnu yili-sara-koe rɔ n na kɛ nya na le.

Yɛrɛmaya 28:16

Woletɔ Mari ko a ti mɛ tun, a si i firan duninya ma. A ko bawo i wara a ma, mɔgɛnu bara anu kan-kɔ sɔ Mari la min kɛ, i si faga nyina san kɛ la.”

Yilan-Yilan Koe 25:2

Mohabu musi wonu ya anu kele ka ta anuta saraka-bɔ-tolon rɔ, anu si anuna bɛsɛnu kɔ kan min. Anu kera nyɔ tumɛ min, Isirɛla mɔgɛnu ya anuna saraka-soge wonu dɔn anu fɛ nyɔ

Yilan-Yilan Koe 31:16

Wo ya a lɔn serr, ko musi kɛnu denu bilara Nɛbi Belam kuman-kan fɛ alako mɔgɛnu ni Beyali kɔ Piyɔri kɔnkɛ kuma.

Matiyu 12:24

Farisinu ya wo lamɔɛn tumɛ min, anu ya a fɔ nyama ye ko, “A ye nyinɛnu gbenna bawo sɛnbɛ wo bɔnɛ nyina-kun-tigi bolo, Biyɛsiba, kɔni.”

Matiyu 5:22

Kɔnɔ nde ye a fɔla wo ye kaka ko min ba diminya a na-kelen-nyɔgɛ ma, mɔgɔ-banu si wo mɔgɛ kiti. Min ba a fɔ a ta-nyɔgɛ ma ko, ‘Fenfen ma ile la,’ mɔgɔ-banu si wo kiti. Min ba a fɔ a ta-nyɔgɛ ma ko, ‘Ile kun-takolɔn,’ wo tigi ye nyahanama-tɛ-kilɛ le ma.

Maraka 7:15

Mɔgɛ ye fan min bɛɛ dɔnna, wo fenfen ti a latinya kɔnɔ min bi bɔla mɔgɔ yisi rɔ, wo le si a latinya. [

Luka 16:24

Woletɔ a gbele-gbelenta, a ko, ‘N fa Iburayima! Kinikini n ma. I ni Lasarasi sɔ alako a ni a bolo-nɔlɔnɛ don yi rɔ ka n nagan makima bawo n bi duma-ba rɔ tɛ kɛ burɔ.’

Kɛwɔlɛnu 20:30

Mɔgɛ donu si bɔ wo nyɛrɛta kurɔn kɛ rɔ ka foninyɛ fɔ alako dɛnkɛninya-mɔgɛnu ni bila anu fɛ.

Kɛwɔlɛnu 5:3

Pita ya a fɔ a ye ko, “Ananayasi, nfenna i wara sɔn ko Setanɛ ni don i yisi rɔ? I ya ila dugi feri min nyɔgɔn na, i ya do bɔ wodi wo la ka a lamara i nyɛrɛ ye, ado i ye foninyɛ le fɔ tinɛ Allala Ni-Sɛnimɛ ye wo la.

Kɛwɔlɛnu 6:13

Anu nara mɔgɛ donu na minnu ya foninyɛ fɔ a ma. Anu ko, “Tuma-wo-tuma, kei kɛ ye kumala Alla Bato-Bon-sɛnimɛ anubɛ Nɛbi Musala tɔn ma.

Tɔn-Fɔɛ-Fila-Nyɔgɛ 13:6

“Ni a sɔgɛ ya mɔgɛ do bira ka mɔgɛ do sagan kɛwuyɛ la bɛsi-kɔ-koe rɔ, hali wobɛ wo benbanu ma minnu kɔ tele-kelen-bɛrɛni, wo kana kinikini wo mɔgɔ-su ma. Hali a mara i na-kelen-nyɔgɛ le la wo, i halala-dan la wo, i diyana-musi la wo, i diyana-mɔgɔ-bɛrɛ la wo, wo kana mɔgɛ wo madɛnbɛ.

Taita 1:11

A bɛnta, i ni anu nakala anuna kumɛ ma bawo anu bi denbaya-siyaman tinyana karan wo fɛ. Anu bi wo mala wodila ko la, ado miliya-koe le wodi-makele-koe wo la.

Yemesi 2:7

Alla ara tɔgɔ-nyimɛ min di wo ma, wonu denu bi kuma-yogomɛ fɔla wo ma.

Yemesi 3:7

Mɔgɛ si ke ka dali-fen-su-bɛɛ kolo. A mara firarɔ-sogo la wo, a mara kona la wo, a mara sagan-fen na wo, hali yɛgɛ, mɔgɛnu bara wonu kolo.

2 Pita 3:3

Wo ni kɛ lɔn fɔlɔn ko tele-labannu tɔ, nata-yogomɛ ye kun-tigiyɛ kɛla mɔgɛ minnu kun na, donu si na ka wonu mayɛlɛn.

3 Yɔni 1:10

N ba ta tumɛ min, n si a labɔ gbɛ ma wo ye ko a ara tɔgɛ sa ma la, ado a ma tonya fɔ wo la mumɛ! Kɔnɔ a ma dan wo dɔrɔn ma. Ma na-kelen-nyɔgɛnu ba ta nyɔ tuma-wo-tuma, a ti wonu fanan tabira. Minnu bi a fɛ ka wonu tabira, a si wonu nakala ka anu gben chɔchi la!

Lankɛnimayɛ 12:9

Ninkinanka-wɛ min ya duninya bɛɛ yanfa, ale duguma-fen-kɔrɛ, kɔni, wo lafilita dugu-kole kuma anubɛ ata melika bɛɛ. Anu si a kele ko nyinɛ, ni wo ma, Setanɛ.

Lankɛnimayɛ 13:14

Kabana-koe minnu kɛnɛ sogo-ferema fɔlɔtɛ wo yala, Alla sɔnta ko a ni duninya-mɔgɛ bɛɛ yanfa wo fɛ. Sogo-feremɛ wo ya a fɔ bɛɛ ye ko soge min tanbanta faan la kɔnɔ a belinɛ, a ko anu ni wo gbiliya ka wola muninyɛ ladan.

Lankɛnimayɛ 18:23

Hali lɛnpu-waan fenfen ti yen a rɔ tun. Kɔɛn-kura-tolon ti kɛ ale soe wo burɔ tun. Sɛnbɛ ye ala yilanu bolo duninya kan tinɛ bɛɛ rɔ nun, ado a ya duninya-mɔgɛ bɛɛ yanfa ala foninya-duriyɛ la!”

Lankɛnimayɛ 19:20

Anu ya sogo-feremɛ wo bira anubɛ foninya-nɛbi min ya kabana-ko-siyaman kɛ sogo-feremɛ wo yala. (Sogo-feremɛ wola mandan ye mɔgɛ minnu ma anubɛ minnu ya sogo-feremɛ wola muninyɛ kɔ, a ya wonu yanfa ala kabana-koe wonu fɛ.) Sogo-feremɛ wonubɛ foninya-nɛbi, wonu filɛ bɛɛ kɛndɛ lafilita ta-dalɛ rɔ min bi mintanna tɛ anubɛ munku-gbɛ la.