Yemesi 2:16 - ALLALA KUMƐ

¹⁶ Ni wo ya a fɔ wonu ma ko, “Allata duwɛ ni to wo kuma bɛrɛkɛ! Alamɛ kimɛ ma wo bira. Alamɛ wo ya dɔn-fan sɔrɔn ka fa gben!” Kɔnɔ wo ma anu makoe nyinya, wo si nfen nyinya anu ma? Wola duwɛ bɛɛ fu!

Yemesi 2:16 Iomraidhean Croise

Matiyu 15:32

Yisa ya ala karan-dannu kele a wara ka a fɔ anu ye ko, “N bara kinikini mɔgɛ kɛnu ma bawo anu bara tele sawa kɛ n fɛ. Nba kaka, dɔn-fen sa anu bolo. A ma di n ye ka anu nata, ni n ma anu de-nyini fɔlɔn. Anu tenbi tala anu barɛ, tumado anu si kirɔn-a-la kilɛ la.”

Matiyu 25:35

Kɔnkɛ ya n bira tumɛ min, wo ya dɔn-fan di n ma. N kan lagbalata tumɛ min, wo ya yi di n ma. A taranta, bɔn sa n bolo min kɛ, wo ya n yiya wo warɛ.

Matiyu 25:36

N gbu-makolɔn tumɛ min, wo ya n fɛrɛya-bɔ. N kirayara, wo ya n fɛ-bira. N bi yele la tumɛ min, wo tara n kɔndɔn.’

Maraka 5:34

Yisa ya a fɔ musi wo ye ko, “N na, ila dɛnkɛninyɛ ara i lakɛndɛya. Ta yisi-kimɛ rɔ. Ila kirayɛ ara ban i rɔ.”

Romu 12:9

I ni keninteyɛ yira mɔgɛnu na i yisi bɛɛ la. Bɛɛ ni ko-yogomɛ kɔn. Min kin, wo ni kiri wo le ma.

2 Kɔrɛnti 8:8

N sa tɔn sigila wo kuma. Donu bara anu taya dɛnbɛni-koe rɔ, woletɔ n ba wo sanka anu ma, n bi a fɛ ka a lɔn ni keninteya-bɛrɛ ye wo bolo wo nya,