Yemesi 1:5 - ALLALA KUMƐ

⁵ Ni min hɛnkili dasanɛ, wo tigi ni Alla matara. A si hɛnkili di a ma bawo Alla le si mɔgɛ kɔ foninsereyɛ la. A si sewa wo tigi la, ado a ti mɔgɔ lafɛya.

Yemesi 1:5 Iomraidhean Croise

1 Ko-Kɔrɔta-Karan 22:12

Alamɛ ita Mari Alla ya lɔnnɛ anubɛ hɛnkili di ile ma woletɔ i tenbi Isirɛla nyamanɛ kun na, i si ata tɔnnu bira.

2 Ko-Kɔrɔta-Karan 1:10

Woletɔ i ni hɛnkilimayɛ anubɛ ko-kɔrɔ-lɔn di n ma alako n ni nna mɔgɛnu bira boloko-nyimɛ-kɛ. Ni wo ma, nde si ke kunna mɔgɔ-siyamɛ kɛnu ma kama?”

Yaburi 51:6

Kɔnɔ ile ye nyinina min ma n yisi rɔ fɔ ko-latelennɛ anubɛ tonyɛ dɔrɔn. I ni n sɔndɔmɛ lafa ita hɛnkilimayɛ la.

Bɔ-Koe-Iyipiti 31:3

N bara nta sɛnbɛ di a ma alako a ni hɛnkili sɔrɔn ka wɔli sifa kɛnu dama nya-lɔn.

Bɔ-Koe-Iyipiti 31:6

N bara Ahisimaki wola den-kei Oholiyabu yabɔ Dan bɔnsɔn rɔ ka ma Bɛsalɛli dɛnbɛnɛ la. N bara hɛnkili di mɔgɔ-siyaman ma alako anu ni kusanya nna bon-mirannu nadanna iko n bara a fɔ ile Musa ye nya min.

Hɛnkilimaya-Kumɛnu 8:17

Ni min ya n keni, wo tigi si diya n ye. Ni min ya n nyini, wo tigi si n yen.

Matiyu 11:20

Wo kɔma, Yisa ya kabana-ko-siyaman kɛ soe minnu tɔ nun, a ya a dabira ka soe wonu sigilɛnu makuma bawo anu ma tubi ka anu kɛ-nya yɛlɛma.

Maraka 16:14

A laban, Yisa bɔra gbɛ rɔ ala karan-den tan-ni-kelan ye, anu bi anu de-nyinina tumɛ min. A ya anu makuma anuna dɛnkɛninyabɛlitayɛ anubɛ anuna tolo-gbɛlɛyɛla ko la bawo minnu ya a nimɛ yen, anu ma la wonuna sereyɛ la.

Yɔni 14:13

Wo wa nde tara fenfen ma n tɔgɛ rɔ, n si wo ma wo ye. Woletɔ n Fa Allala gbiliyɛ ma si yira nde, ala dan baraka rɔ.

Yɔni 15:7

Ni wo tora nde rɔ, ado ni nna kumɛ sigira wo yisi rɔ, wo wa n tara ko-wo-ko la, wo si wo diyana-koe wo sɔrɔn.

Yɔni 4:10

Yisa ya a yabi ko, “Ni i ya Allata kɔ-fan lɔn nun anubɛ min bi i tarala yi ma, ile fɔlɔn si wo tara yi ma nun. A ni ni-bila-yi di i ma.”

2 Kɔrɛnti 2:16

A ara ma saya-sumɛ la wonu ye minnu bi nala halakila. Kɔnɔ a ara ma nimaya-sumɛ la wonu ye minnu bi nala kisila. Wo mɔgɔ sa min si ke wonu kɛla a nyɛrɛ ma.

Yemesi 1:17

Kɔ-fen-nyimɛ-bɛɛ anubɛ kɔ-fen-kanbalinɛ-bɛɛ ye bɔla Arinyɛni tɔ. A ye yigila ka bɔ Alla bolo min ya san-koleta wan-takɛ-fannu dan. Ale Alla ti yɛlɛma iko ninɛ yɛlɛmanɛ ye nya min.

Yemesi 3:17

Kɔnɔ hɛnkili min bɔnɛ san ma, a fɔlɔtɛ ye min na, a sɛnima. A yisi-kimanɛ fanan. A dinyanɛ. A madiya-koe ma gbɛlɛ. A fanɛ kinikinɛ la. A ye kɛwɔli-nyimɛnu kɛla. A ti lafisayalɛ kɛ. A ti a nyɛrɛ kɔrɔta.

Yemesi 5:16

Nba, wo ni wo sɔ wo hakɛnu na wo nyɔgɔn ye ka Alla matara wo nyɔgɔn ye. Wo le ya a to, wo si kɛndɛya. Sɛnbɛ-ba ye mɔgɔ-telennɛta Alla-matarɛ rɔ.

1 Yɔni 3:22

Ma wa Alla manyinika min na, ma si wo sɔrɔn bawo ma ye ala tɔnnu birala ka a diyana-koenu ma.