11 Tele wa yɛlɛ, a wuyan si kɔn-fere wo lafɔsɔ. A fere si yalan. Ala kinyɛ si tinya pɔ! Nɔnfulu-tiginu fanan wara-koe si ka-a-la wo nya na le anu tenbi anuna ko ladannu na.
A si sama iko ninɛ. Hadama-dan ye koe min bɛɛsi mala, fu le wo la ile yala. Hali a ya nɔnfuli ladɛn bui, mɔgɔ-wo-mɔgɔ ma a lɔn wo ye a labanna min bolo.
Isirɛla kantɔ-nyamanɛ ye nala kasarala. Anuna gbiliyɛ ye nala fɔsɔla iko kɔn-fere minnu bi anuna mɔgɔ-ba-gbɛɛtoenu kunyɛ rɔ. Hali sɛnti-suma-diyamɛ kɛnɛ anu kunyɛ rɔ, ado anu wasinɛ, anu malɔfɔkɔrɔyanɛ sanɛ gbɛɛ bolo.
Anu ko, ‘Minnu bi-san, wonu wɔlita hawa kelen dɔrɔn. Male don, ma wɔlita tele kunayanɛ kɔrɔ ha. Kɔnɔ hali wo, i wara male sara iko i ya doinu sara nya min!’
Binyɛ don? A ye nyɔ wati-ni dɔrɔn, wo kɔma, tɛ ni a mintan. Alla ye binyɛ wo fɛrɛya bɔla. Alla ti to wole fanan fɛrɛya bɔla wo nya na, wa? Wola dɛnkɛninyɛ dɔgɔ de!
Minnu bi duninya-fannu nawɔlila, wonu ni to iko anuna ko sa wonu tɔ. Wo fenfen kana ila wɔlɛ tinya Alla bolo, ado duninya kɛ ye nya min bi, a tenbimatoe le.
Wo le ya a to, ma yɛ ye kilɛ la duwa-belebele wo sɔrɔn-koe la. Alla ara wo lamara wole, ala mɔgɛnu ye. Wo bɛɛ maranɛ wole ye Arinyɛni tɔ. A ti tuli nyɔ, a ti tinya, a ti bɔ a su la.