Yasowa 1:3 - ALLALA KUMƐ

^3-4 Ka a dabira dugula wulɛ rɔ, ha ka ta ke kantɔ Lɛbanan kɔnkɛnu ma, ha ka ke Hɛti nyamanɛ rɔ ka a dabira Yufereti ba-belebele ma tele-bɔɛ wara la ka ke kɔgɔ-yi ma tele-yigi wara la, wo wa wo kian sɔ kan-bo-kan, n si nyɔ bɛɛ di wo ma. N si a di wo ma iko n ya lanyiri kiri Musa ye nya min.

Yasowa 1:3 Iomraidhean Croise

Tɔn-Fɔɛ-Fila-Nyɔgɛ 11:24

Wo tagamanta nyamanɛ wo kan-tina wo kan-tina rɔ, wo si ma wotɛ la. Wola nyamanɛ min ya a dabira dugula wara la wulɛ rɔ ha ka ta ke Lɛbanan kɔnkɛnu ma, wo dugi si ma wotɛ la. Ka a fɔlɔ Yufereti bɛ ma tele-bɔɛ wara la ha ka ta a sigi Mɛdetereniyan kɔgɔ-yi la tele-yigi wara la, wo dugi fanan si ma wotɛ la.

Taita 1:2

Ale le si yigi di anu ma ko anu ni habadan-nimayɛ sɔrɔn. Alla, min ti foninyɛ fɔ, wo le ya habadan-niyi-lanyiri kɛ kiri ma ye yanni duninya-dan ni bira tumɛ min.

Yasowa 14:9

Woletɔ Nɛbi Musa ya lanyiri kiri n ye ko n tagamanta nyamanɛ min bɛɛ rɔ, wo si ma malebɛ nna dannutɛ la.