Yaburi 99:6 - ALLALA KUMƐ

⁶ Musa anubɛ Aruna taranta saraka-masɔ-wɔlɛ kɛla Mari ye. Samuwɛli fanan si Mari madiya nun. Anu ya anu kan nabɔ Mari ma, ado a ya a labira.

Yaburi 99:6 Iomraidhean Croise

Bɔ-Koe-Iyipiti 14:15

Mari ya a fɔ Musa ye ko, “Anu bi dila nfen na? A fɔ Isirɛla mɔgɛnu ye ko anu ni ta.

Bɔ-Koe-Iyipiti 15:25

Musa dira Mari dala, woletɔ Mari ya kɔn-kundi do yira a la. Musa ya kɔlɔma wo bi ka a lakɛ yi wo rɔ. Yi wo diyara kɔikɔi! Anu bi nyɔ wati min, Alla ya tɔn di anu ma, anu si minnu bira. Wo kɔma, a ya anu kɔrɔbɔ nyɔ.

Bɔ-Koe-Iyipiti 17:4

Musa ya a kan nabɔ Mari ma ko, “N si nfen ma ita mɔgɛ kɛnu ye? A ara to doni, anu ni n mabon kuri la.”

Bɔ-Koe-Iyipiti 32:30

Wo banda kɛ, Musa ya a fɔ Isirɛla mɔgɛnu ye ko, “Wo ara bila Alla la kɔnɔ hali wo, n si ta Mari wara kɔnkɛ kuma kaka ka madiyali kɛ wole ye min tora. N si n taya. Tumado Mari si wo makoto.”

Yɛrɛmaya 15:1

Wo kɔma, Mari ya a fɔ nde, Yɛrɛmaya ye ko hali Nɛbi Musa anubɛ Samuwɛli ya madiyali-kɛ wole, Yuda mɔgɛnu ye, a ko a ti kinikini wo ma. A ko wole ni wo masɛgi a la fasi! Wo ni wo mata pon!