Yaburi 99:3 - ALLALA KUMƐ

³ A bɛnta bɛɛ ni a tɔgɔ-makawanɛ tanto bawo a sɛninyani de!

Yaburi 99:3 Iomraidhean Croise

Nihɛmaya 1:5

“E, Mari Alla-makawanɛ min bi san-kole rɔ, i kolo, ado ma ye i gbiliyala. Ma sarata min ma, i ye itɛ wo lakandanna ita mɔgɛnu ye, i di minnu ye, kɔni. Anu si i sako kɛ fanan.

Nihɛmaya 4:14

N ya a yen min kɛ ko kilan ye anu tɔ, n ya a fɔ kun-tiginu anubɛ a mɔgɔ-ba-toenu ye ko, “Ma kana kilan ma yogenu na wona. Wo ni wo miri Mari makawa-nya ma. Ma sibolenu wo, mala dannu wo, mala musinu wo, mala bɔnnu wo, wo ni kɛlɛ kɛ wonuna ko la.”

Nihɛmaya 9:32

“E, mata Alla, i makawara. I makilannɛ ita sɛnbɛ la. Sarama-kan min kirinɛ ma tɛma, ile ara itɛ latɔnbagaya. Kebi Asiriya mansɛnu ya ma tɔrɛ min dabira, ha bi, ma ye tɔrɔya kelen wo le kun na. Mala mansa wo, mala kun-tigi wo, mala saraka-masɔla wo, mala nɛbi wo, ma benbanu wo, anubɛ mala mɔgɛ toenu wo, ma dama ye tɔrɔyɛ wo rɔ. I yandi, i miri mala tɔrɔyɛ yirika ma.

Nihɛmaya 9:5

Yɛsuwa wo, Kadamiyɛli wo, Bani wo, Hasabinaya wo, Sɛrɛbaya wo, Hodaya wo, Sɛbanaya wo, Pɛtahaya wo, Lifayi kɛnu fanan ya a fɔ anu kulu-mayɛlɛnɛ la ko, “Wo ni wo lasɔ ka baraka bira wota Mari Alla ye. Wo ni to a matɔgɔla burubukai! Bɛɛ ni a tɔgɛ gbiliya ka a tanto. Kɔnɔ ma ya a lɔn ko hadama-danta matɔgɔlɛ ti a bɔ.”

Yaburi 100:4

Min tenbi donna Bato-Bon-kata burɔ, wo ni baraka bira a ye. Wo ni baraka bira a ye ka a matɔgɔ.

Yaburi 103:1

N ni Mari matɔgɔ n sɔndɔmɛ bɛɛ la. N fɛrɛ mumɛ bɛɛ ye Mari tɔgɔ-sɛnimɛ tantola.

Yaburi 111:9

A ya ala mɔgɛnu hɔrɔya ka sarama-kan kiri anu nyɔgɔn tɛma min ti ban mumɛ! Ata sɛninyɛ anubɛ ata sɛnbɛ-dan ti lɔn.

Yaburi 145:17

Mari telennɛ ala ko-ladan bɛɛ rɔ, ado a kinikinite ala ko-ladan-bole bɛɛ rɔ.

Yaburi 66:3

Wo ni a fɔ Alla ye ko a ya koe minnu kɛ, wonu makawara. A sɛnbɛ makawanɛ ha wo ya a ma, a yogenu tora sani a kɔrɔ kumakɔɛ bolo.

Yaburi 76:1

Alla mankan kolo Yuda nyamanɛ rɔ. Anu bi a gbiliyala Isirɛla nyamanɛ rɔ kosɛbɛ!

Yaburi 76:12

A ye kun-tigi-wasinɛnu famayigila. A ye mansa-makawanɛnu kumakɔla.

Aiseya 6:3

Nima-fan wonu kulu-mayɛlɛnɛ ye a fɔla anu nyɔgɔn fɛ ko, Sɛnima, sɛnima, sɛnima! Mari Sɛnbɛ-Bɛɛ-Tigi sɛnima! Duninya lafanɛ ala gbiliyɛ la pen!

Yɛrɛmaya 20:11

Kɔnɔ ile Mari taranta n fɛ iko kɛlɛ-nyana. N gbennɛnu si anu kian latugu ka bui fugbu! Anu ti n nɔ muk! Anu ba foo n na, anu si to miliyɛ rɔ kɔgɔrɔyɔlɔ! Anu si to miliyɛ wo rɔ ha, ado mɔgɔ ti nyina anu bara-koe la,

Yɔni 17:11

Nba kaka, n sa duninya kɛ rɔ tun. N bi nala i wara kɔnɔ anu denu si to n kɔma duninya kɛ rɔ. E, n Fa sɛnimɛ! I ya tɔgɛ min di n ma, i ni anu matanka tɔgɔ-sɛnbɛmɛ wo fɛ alako anu ni ma kelen na iko malebɛ ile manɛ kelen na nya min.

Tɔn-Fɔɛ-Fila-Nyɔgɛ 28:58

“Ni wo ma wota Mari Alla tɔgɔ-makawanɛ gbiliya ka ata tɔn kɛnu bira minnu sɛbɛnɛ kitabu kɛ rɔ,

Tɔn-Fɔɛ-Fila-Nyɔgɛ 7:21

Wo ka kilan mɔgɛ kɛnu na mumɛ! Wota Mari Alla ye wo fɛ. Alla-makawanɛ le ale la. A bɛnta mɔgɛ ni kilan a la.

Yasowa 24:19

Yasowa ya a fɔ Isirɛla mɔgɛnu ye ko, “Wo ti ke Mari Alla batola bawo a sɛnima, ado a ti sɔn a senɛ ma wo bolo. Ni wo bilara a la, a ti wo hakɛnu makoto.

Lankɛnimayɛ 4:8

Kanban wɔrɔ ye dali-fen nani wo kelen-kelennamɛ-bɛɛ ma. Anu kanban bɛɛ fanɛ yɛnu na. Anu ti bandan bɛti bɔla su-ni-tele. Anu bi a fɔla ko, “Sɛnima, sɛnima, sɛnima, Mari Alla, sɛnbɛ-bɛɛ-tigi le. A ye nyɔ kebi fɔlɔ, a ye nyɔ kaka, ado a ye nyɔ habadan!”

1 Samuwɛli 2:2

“Mɔgɔ-wo-mɔgɔ sɛninyani ma iko Mari, ado a nyɔgɔn sa. Fenfen sa nyɔ min si mɔgɔ matanka iko mata Alla kɛ.