Yaburi 92:3 - ALLALA KUMƐ

³ Mari, n si to i matɔgɔla bɔlɔn la ka sɔrɔn-diyamɛnu fɔ i ye.

Yaburi 92:3 Iomraidhean Croise

1 Ko-Kɔrɔta-Karan 13:8

Mansa Dawuda anubɛ ala mɔgɛnu bi tala anu dɔnna anu sɛbɛ-kuna-wɛ la. Anu bi sigi sala anu sɛnbɛ bɛɛ la. Sɔrɔnnu anubɛ yonbenu anubɛ wasanbɛnu anubɛ burinu kɛnɛ a rɔ ka Alla gbiliya.

1 Ko-Kɔrɔta-Karan 15:16

Mansa Dawuda ya a fɔ Lifayi mɔgɔ-banu ye ko anu ni anu ya-lakalan anu kurun tɔ ka anu bole sɔ sigi-salɛnu anubɛ fɔli-fen-fɔlɛnu na minnu bi sɔrɔnnu anubɛ karanyanu fɔla. Wo kɔma, anu ni tolɔn kɛ a rɔ.

1 Ko-Kɔrɔta-Karan 23:30

Donu fanan si to Mari tantola sɔgɔma ani wurɛ la.

1 Ko-Kɔrɔta-Karan 25:6

Isirɛla mɔgɛnu tenbi batoli-kɛ-tinɛ, Himanta dan kɛnu bi karanya anubɛ sɔrɔnnu denu fɔla iko anu fa ye anu nabilala nya min. Anu fa mɔgɔ sawɛ kɛnu, Esafi wo, Yɛdutun wo, anubɛ Himan, wonu bi wɔlila mansa nyɛrɛ-nyɛrɛ le kɔrɔ.

2 Ko-Kɔrɔta-Karan 20:28

Anu ke Yerusalɛm soe burɔ, anu dama tara Bato-Bɔn kata burɔ, fɔli-fannu kɛnɛ a rɔ anu bolo, a sɔrɔn wo, a serema wo, a buru wo.

2 Ko-Kɔrɔta-Karan 23:5

Kurun doi si to mansɛla bolɔn makandanna. A to kurun kelan si to tarɛ-don-dɛ la min tɔgɛ ‘Kurukɛ.’ Lifayi bɔnsɔn ma mɔgɛ minnu na, wonu na si dɛn Bato-Bon-kata burɔ.

2 Ko-Kɔrɔta-Karan 29:25

Marita Nɛbi Kadi anubɛ Nɛbi Netan, wonu ya Mansa Dawuda makawandi nun ko Lifayi bɔnsɔn ni to karanyanu gbesila anubɛ seremanu anubɛ sɔrɔnnu fɔla Bato-Bɔn la. Ale Mansa Hɛsakaya ya kumɛ wonu to a gbɛ rɔ ata wati rɔ.

Nihɛmaya 12:27

Anu wuli tarɛ dantɛgɛla Mari ma Yerusalɛm soe burɔ, anu ya kilayɛ lata Lifayi bɛɛ ma Yuda nyamanɛ rɔ alako anu ni na kofu anu ma ladɛn wo rɔ. Anu ya wo ma le alako wonu ni na anu dɛnbɛ baraka-bira-bɛti-bɔɛ anubɛ wasanba-fɔɛ anubɛ sɔrɔn-fɔɛnu na.

Yaburi 149:3

Ma ni ma dɔn a tɔgɛ tanto tinɛ. Ma ni wasanbɛ lamaga ka sɔrɔn kɛ-a-rɔ a matɔgɔ tinɛ.

Yaburi 33:2

Wo ni sɔrɔn fɔ ka baraka bira Mari ye. Wo ni fɔli-fannu kɛ-a-rɔ ka a matɔgɔ-bɛti bɔ.

Yaburi 42:9

Alla min bi n natankala, n si a fɔ wo ye ko, “Nfenna i wara nyina n ko? Nfenna n tɔrɔnɛ ni to n yogenuna karagbɛlɛyɛ la?”

Yaburi 57:8

N si kunden ka nna sɔrɔn anubɛ nna bɔlɔn fɔ. N si kunden subagɛ ma tantoli-bɛti-bɔɛ la n bolo.

Yaburi 68:25

Sigi-salɛnu bi yarɔ, fɔli-kɛlɛnu bi i kɔma. Sunkurɔn minnu bi wasanbɛ lamagala, wonu bi anu tɛma.

Yaburi 9:16

Mari ye a kɛ-nya yirala ala mɔgɛnu na iko a ye kiti tɛgɛla a kilɛ fɛ nya min. Karagbɛlɛnu fanan si bira anu nyɛrɛta yili-lasiginɛ la.

1 Samuwɛli 10:5

“Wo kɔma, i si ta kan tinɛ do rɔ anu bi min kelela ko Allata kɔnkɛ. Wo ye Kibiya soe burɔ le, Filisitinu si anu daga makɛ kan min. Yanni i ni don soe burɔ, i si bɛn nɛbi-kurɔn donu na. Anu bi saraka-mintan-tina-kɔnkɛ wo yigila. Anu bi sɔrɔnnu anubɛ dundunnɛnu fɔla. Anu bi fulinu fɛla ka bɔlɔnnu fanan fɔ. Nɛbi wonu bi dɔn anubɛ sɔnkɔ-sɔnkɛ kun na.