Yaburi 82:5 - ALLALA KUMƐ

⁵ Karagbɛlɛ wonu hɛnkili sa, ado anu ti ko nya-yen. Anu wunduyogo kosɛbɛ! Ka tenbi wo la, telenbagayɛ ara tuni duninya rɔ.

Yaburi 82:5 Iomraidhean Croise

Yobu 8:9

bawo male sɔrɔn-san le, ado ma hɛnkili dafani ma. Maleta wati manɛ tele-dande la duninya kɛ rɔ iko ninɛ si tenbi nya min.

Yaburi 11:3

A ko ni ko-wo-ko sa tala a kilɛ fɛ, kama, mɔgɔ-nyimɛnu si a ma kama worɔ? Kun-takolonya-kumɛ le wo bɛɛ la.

Yaburi 14:4

Mari ye nyinikalɛ sala, a ko, “Kɛnu ma a lɔn anu bi min kun na, wa? Kun-takolɔn le karagbɛlɛ kɛnu na, wa? Anu bi anu beli-fan sɔrɔnna nna mɔgɛnu denu kuma. Anu ti nde, Mari rakele mumɛ!”

Yaburi 53:4

Mari ye nyinikalɛ sala, a ko, “Kɛnu ma a lɔn anu bi min kun na, wa? Kun-takolɔn le karagbɛlɛ kɛnu na, wa? Anu bi anu beli-fan sɔrɔnna nna mɔgɛnu denu kuma. Anu ti nde, Mari rakele mumɛ!”

Yaburi 75:3

Hali duninya-nima-fan bɛɛ yɛrɛyɛrɛnta, hali dugu-kole nyɛrɛ yɛrɛyɛrɛnta, hali wo, a ko a si dugu-kolo kurukɛ-tinɛ bira mɔrɔtɔ!

Yaburi 99:1

Mari le mansɛ la. A bɛnta mɔgɛnu ni yɛrɛyɛrɛn a kɔrɔ. A mayiginɛ ala mansaya-waganɛ rɔ melika-muninya filɛ tɛma. A bɛnta duninya ni yɛrɛyɛrɛn a kɔrɔ.

Hɛnkilimaya-Kumɛnu 1:29

bawo wo ko wo mako sa ko-lɔn la, ado wo sa sɔnna Mari gbiliyala.

Hɛnkilimaya-Kumɛnu 2:13

Mɔgɛ le wonu na minnu bara telenbagayɛ boloka ka bila pinpita kilɛ fɛ.

Hɛnkilimaya-Kumɛnu 4:19

Mɔgɔ-yogomɛnuta kilɛ mani de iko pinpi. Ni anu buira, anu ti a lɔn anu ya anu kiannu natugu min na.

Makawandili Kumɛnu 2:14

Iko mɔgɛ si a fɔ nya min, hɛnkilimɛ ye tala kan min, wo ragbɛnɛ a ye kɔnɔ kuntan ma a ta-tinɛ lɔn. Kɔnɔ hali wo, anu filɛla ban si ma kelen na.

Makawandili Kumɛnu 3:16

N sigira ka duninya lakɔrɔsi. N ya a yen ko a fisa, telenbagayɛ ni taran kan min, yaga, telenbɛlitayɛ ye nyɔ le!

Aiseya 5:7

Mari Sɛnbɛ-Bɛɛ-Tigita nakɔɛ, wo le Isirɛla kɛ la. Yuda nyamanita-mɔgɛ wonu minnu di a ye, wonu denu bi ki-fenyɛ la. Mari miri ko anu bi ko-kɛndɛ le kun na nun, yaga, anu sa fenfen kun na fɔ mɔgɔ-fagɛ. A ya a lɔn ko anu bi ko-telennɛ le kun na nun, yaga, anu bi buila minnu ma, wonu bi dila a dala ko-telenni-koe la.

Aiseya 59:9

Mɔgɛnu bi a fɔla ko, “Ko-telennɛ fɛ-yan ma la pon! Telenbagayɛ, wo ma ma masɔrɔn. Ma ye waan makɔnɔna kɔnɔ pinpi burunnɛ ma kuma bɛff! Yaga, ma ye tagamana pinpi-dɛgbɛ le tɔ.

Maika 3:1

Nde, Nɛbi Maika ko, “Wole Isirɛla kun-tiginu, wo ni wo tole masɔ! A bɛnta, ko-latelenni-hɔnya ni sigi wo la.

Yɔni 12:35

Yisa ya anu yabi ko, “Waan si to wo fɛ wati-ni fɔlɔn. Yanni pinpi ni burun wo ma, wo ni to tagamana waan wo rɔ, ado min bi tagamana pinpi rɔ, wo ma a ta tinɛ lɔn.

Yɔni 3:19

Kiti ye kɛla ka le ko waan nara duninya rɔ kɔnɔ pinpi di mɔgɛnu ye waan ko bawo anu bi ko-yogomɛnu kɛla.

Romu 1:28

A ma di anu ye, anu ni Alla lɔn a kilɛ fɛ min kɛ, woletɔ Alla ya anu to anuna kisimiriya-koe wonu tɔ, ado wo le ya a ma, anu ya ko-su wonu ma minnu ma bɛn mɔgɛnu tɛma mumɛ!

2 Timoti 2:19

Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.”

1 Yɔni 2:11

Kɔnɔ ni gboyanayɛ ye anubɛ a na-kelen-nyɔgɔn tɛma, wo tigi ye pinpi rɔ. A ye tagamana pinpi rɔ. A ma a ta-tinɛ lɔn hali, bawo pinpi ara a fiyonya.