Yaburi 82:3 - ALLALA KUMƐ

³ Wo ni kelennɛnu anubɛ bolo-kolɔnnu yoe ma anu yoe la. Wo ni ko-latelennɛ ma fugarɛnu anubɛ mɔgɔ-yigi-tɛgɛnɛnu ye.

Yaburi 82:3 Iomraidhean Croise

Yobu 29:12

bawo bolo-kolɔnnu bi tɔrɔyɛ rɔ tumɛ min, n bi anu dɛnbɛna. N bi kelennɛnu dɛnbɛna minnu dɛnbɛna-gbɛrɛkɛ sa.

Yobu 31:21

Ni n bara kelennɛ kensunya tele-kelen-bɛrɛni, hali n si min nɔ kiti rɔ,

Yaburi 10:18

Mɔgɔ-tɔrɔnɛ anubɛ kelennɛnu tenbi dila, i si anu di-kɛ-kan lamɔɛn, ado i si sɔ anu fɛ woletɔ hadama-dan ti a ma, mɔgɛnu ni kilan tun.

Bɔ-Koe-Iyipiti 23:3

Wo kana kinikini bolo-kolɔnnu ma ka anu yilikiyi ma anu yoe la kuma tinɛ bawo fen sa anu bolo.

Bɔ-Koe-Iyipiti 23:6

“Wo kana bolo-kolɔnnu yoe ma anu yilikiyi la kumɛ rɔ bawo fen sa anu bolo.

Hɛnkilimaya-Kumɛnu 31:9

I ni ma kiti-tɛgɛla-latelennɛ la ka bolo-kolɔnnu anubɛ makolamɛnu dɛnbɛ.”

Aiseya 1:17

ka wo degen ko-telenni-kɛ ma. Mɔgɛnu bira anu bira-nya la. Wo ni mɔgɔ-ragbɛrɛnnɛnu dɛnbɛ. Wo ni kelennɛnuna yoe di anu ma ka kɛɛ-musinu kumafunfan.

Aiseya 1:23

Mɔgɔ-murutiyanɛ le wola mɔgɔ-banu na anubɛ kankannu diyana-mɔgɛnu. Tuma-wo-tuma, wo ye dogonta-fannu birala. Kelennɛnu ti yo-wo-yo sɔrɔn anuna kiti tɛgɛ tinɛnu tɔ. Wola kun-tiginu ti anu tole masɔ kɛɛ-musinuna yasere-masa-kan la fanan.

Yɛrɛmaya 22:16

A ko a fa wo taranta bolo-kolɔn anubɛ fugarɛnu dɛnbɛna wulɔn. Woletɔ a wara-koe bɛɛ tara a kilɛ fɛ. A ko ale Mari lɔn kɔrɛ le wo la.

Yɛrɛmaya 22:3

Mari ko wo ni ko-latelennɛ kɛ. A ko mɔgɛ min kensunnɛ, wo ni wo tanka a kensunte ma. A ko a sundan wo, a kelenni wo, a kɛɛ-musu wo, wo kana anu bira boloko-yogomɛ-kɛ. Min ma ko-yogomɛ kɛ, wo kana wonu faga kan-tinɛ kɛ rɔ.

Yɛrɛmaya 5:28

Woletɔ anu bara kunbaya dɔn-fen-diyamɛ bolo. Tɛtɛgɛ-wo-tɛtɛgɛ sa anuna ko-yogoma-kɛ la. Kelennɛnuna hina sa anu tɔ. Anu ti sɔn bolo-kolɔnnuna tonyɛ dila anu ma.

Tɔn-Fɔɛ-Fila-Nyɔgɛ 10:18

Wo ni a lɔn ko Mari ti sɔn mɔgɛ ni kɛɛ-nyaganɛnu anubɛ kelennɛnu bira boloko-yogomɛ-kɛ. Sundan minnu bi wo tɛma, wonu di Alla ye, ado ale le ye anu makoe nyinyala.

Tɔn-Fɔɛ-Fila-Nyɔgɛ 24:17

“Wo kana sundannu anubɛ kelennɛnuna yo tinya anu bolo. Wo kana kɛɛ-nyaganɛnuna kurɛnu bi anu bolo tulumayɛ la.

Yemesi 1:27

Ma Fa Alla si sɔn dina min ma, wo le kɛ la. Wo tigi ni kelennɛnu anubɛ kɛɛ-musinu dɛnbɛ anuna tɔrɔyɛ rɔ. A ni a nyɛrɛ sɛninyanɛ mara duninya-ko-yogomɛ-bɛɛ ma. Dina kɛ, fɛɛ-wo-fɛɛ sa a la, ado dina-latinyani ma.