Yaburi 74:2 - ALLALA KUMƐ

² I wara ita mɔgɛ minnu yabɔ i nyɛrɛ ye bi-ko-ma, i miri anu ma, i ya minnu kunyɛ bɔ yɔɔnyɛ rɔ ka anu ma i halala mɔgɛnu na, kɔni. I miri Yerusalɛm soe ma i mayiginɛ kan min nun.

Yaburi 74:2 Iomraidhean Croise

Yaburi 106:40

Woletɔ Mari fonde bɔra ala mɔgɛnu kuma. Anu sɔgɔ labɔra a la lass!

Yaburi 135:4

Ale le ya Yakoba yabɔ a nyɛrɛ ye. A halalɛ le Isirɛla mɔgɛnu na.

Yaburi 33:12

Marita sibolo-yabɔnɛ si to a diya. Alla ara anu denu minnu yabɔ, anu sewanɛ si to.

Yaburi 68:16

Wole min bi bɛsi-kɔɛ kun na Basan kɔnkɛ ma, nfenna wo ye Allata mɔgɛnu makeliyala minnu bi a bato tinɛ a nyɛrɛta kɔnkɔ-yabɔnɛ ma? Ado nfan, Mari mayiginɛ nyɔ le habadan!

Yaburi 77:15

I ya ila mɔgɛnu kisi ila sɛnbɛ-wɛ la, Yakoba anubɛ Yusufu kegeyɛnu, kɔni.

Yaburi 9:11

Mata Mari min bi mansayɛ kɛla Yerusalɛm ata kɔnkɔ-sɛnimɛ kuma, ma ni a tanto-bɛtinu bɔ. A ara koe minnu ma, ma ni wo fɔ sibole bɛɛ ye duninya rɔ.

Yaburi 9:12

Alla fonde ye mɔgɔ-tɔrɔnɛnu ko. A si a wɔlɔ matɔlɔ anu di-kɛ-kan la ka wonu tɔrɔ minnu bi ata mɔgɔ-tɔrɔnɛnu yakɔrɔ-mamɔla.

Yaburi 94:14

Ile Mari ti ila mɔgɛnu boloka. I ti i kan-kɔ sɔ anu na.

Bɔ-Koe-Iyipiti 15:13

I ya male min kunka, i si ta ma yarɔ ita keninteya-banbɛlɛ la ka sɔ ma yarɔ ita sɛnbɛ la ha ma si ke nyamanɛ wo rɔ i ye i mayigila kan min.

Bɔ-Koe-Iyipiti 15:16

Kilan si wara anu tɔ. Anu ta si faga kuluba! Anu bi ita sɛnbɛ yenna min kɛ, anu si to anu gbɛ rɔ iko kuru-kundi ha ma ni ban tenbila, i wara male minnu kunka yɔɔnyɛ rɔ kɛ la, kɔni.

Aiseya 51:11

I ya minnu niyi lakisi, wonu sewamatoe si ta Yerusalɛm. Anu si ta tolonna sewɛ la anu bolo. Anu sewanɛ si to habadan! Mɔnɛ anubɛ tɔrɛ si to-a-rɔ anu ma yen!

Aiseya 62:12

Wole, ata mɔgɛnu si kele ko, “Allata Mɔgɔ-Sɛnimɛnu.” Mɔgɛnu si wo kele fanan ko, “Marita Mɔgɔ-Kunkanɛnu.” Anu si ile Yerusalɛm kele ko, “Alla Diyana-Soe.” Anu si i kele fanan ko, “Alla Ma A Ban Soe Min Na.”

Aiseya 62:6

Mari ara so-makandannɛnu sigi tala tarɛ kuma. Suyi rɔ, tele rɔ, anu ti anu tade. Wonu bi nyɔ alako Mari hɛnkili la ni bila ata lanyirinu ko. Wonu kana sɔn, Mari ni nyina doni bɛrɛni!

Aiseya 63:17

Mari, nfenna i ye a mala, ma ye yilan-yilanna ka bɔ i fɛ? Nfenna i ye a mala, ma tole ye gbɛlɛyala, ma sa i gbiliyala? I yandi, sɛgi ma ma. I halalɛ le male la minnu bi wɔlila i ye buda!

Aiseya 63:9

A ko ala mɔgɛnu ba tɔrɔyɛ sɔrɔn, ale fanan bara tɔrɔ. A ara a nyɛrɛta melika sɔ anu kisi tinɛ. Mari le ya anu kisi ka a tɛgɛ ata nyimayɛ anubɛ ata keninteyɛ ma. A ko kebi fɔlɔ a ya anu banba.

Yɛrɛmaya 10:16

Kɔnɔ Yakobata Alla sa iko bɛsɛ kɛnu. Alla le ya fan bɛɛ ladan. A ya Isirɛla mɔgɛnu ma a halalɛ la. A tɔgɛ le Mari Sɛnbɛ-Bɛɛ-Tigi.

Yɛrɛmaya 51:19

Kɔnɔ Yakobata Alla sa iko bɛsɛ kɛnu. Alla le ya fan bɛɛ ladan. A ya Isirɛla mɔgɛnu ma a halalɛ la. A tɔgɛ le Mari Sɛnbɛ-Bɛɛ-Tigi.

Kɛwɔlɛnu 20:28

Wo ni ma saga-fɛ-biralɛnu na ka Allata mɔgɛnu fɛ-bira. Wo ni wo yili to wo nyɛrɛ ko anubɛ wo kurɔn ko Allata Ni-Sɛnimɛ ara min bɛɛ don wo bolo, ado a ya wonu ma atɛ la ala danta sayɛ fɛ.

Tɔn-Fɔɛ-Fila-Nyɔgɛ 32:9

Kɔnɔ a ya Yakoba bɔnsɔn-mɔgɛnu namara a nyɛrɛ ye.

Tɔn-Fɔɛ-Fila-Nyɔgɛ 4:20

Wo mɔgɛ le wole la Mari ya minnu nabɔ tɔrɔya-fafanɛ rɔ Iyipiti nyamanɛ rɔ min manɛ iko wɔnkɔrɔ-tɛ. A ya wo labɔ nyɔ alako wo ni ma aletɛ la. Wo ye wo nya na le ha bi.

Tɔn-Fɔɛ-Fila-Nyɔgɛ 9:26

N ya a fɔ ko, ‘E, Mari, Sɛnbɛ-Bɛɛ-Tigi, n bi i matarala. I yandi, i kana ita mɔgɛ kɛnu faga. I ya anu nabɔ yɔɔnyɛ rɔ Iyipiti nyamanɛ rɔ ita fanka-makawanɛ le la.

Tɔn-Fɔɛ-Fila-Nyɔgɛ 9:29

Min sanɛ wo kuma, ita mɔgɔ-bɛrɛbɛrɛ le kɛnu na. Ile le tɔrɔta mɔgɛ kɛnu na ka anu nabɔ Iyipiti ita fanka-makawanɛ la.’ ”

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.