8 Tuma-wo-tuma, n bi i tantola ka ila gbiliyɛ rakaran mɔgɛnu ye.
N ni Mari tanto n sɔndɔmɛ bɛɛ la! E, nta Mari Alla, i makawara dɔgɔma-ma-de! I makirinɛ mansayɛ anubɛ gbiliyɛ la.
Fananta n bi n niyi la, n bi a matɔgɔla. N si bɛti bɔ nta Alla ye n siyi-tele-bɛɛ kɔrɔ.
Wo kɔma, n si to ila telenbagayɛ wara-koe fɔla ka to i tantola tolon!
N sɔndɔmɛ la si fa iko mɔgɔ wa fa ladiyɛ kuma. N si sewa-bɛtinu bɔ i ye ka i tanto wonu na.
N si ila wɔli-nyimɛ rakaran. Telen-gbɛn, n bi kumala ila kisi-koela ko la hali a tenbinɛ nna lɔnnɛ la.
Telen-gbɛn, n bi ila telenbagayɛ rakaranna bawo minnu bi ko-yogomɛ sigila n ma, i wara wonu nabui kɔndɔfili rɔ yarabiyi bolo.
A mayiginɛ kinyɛ anubɛ gbiliyɛ tɛma. Ala Bato-Bɔn lafanɛ sɛnbɛ anubɛ nyimayɛ la.