Yaburi 70:4 - ALLALA KUMƐ

⁴ Minnu bi anu gbɛrɛnna ile Mari ma, alamɛ wonu nyagalenta ka sewa. Minnu bi baraka birala ile Alla ye ita kisi-koela ko la, alamɛ wonu tora a fɔla ko, “Alla makawara!”

Yaburi 70:4 Iomraidhean Croise

Yaburi 35:27

Minnu bi a fɔla ko nde ma ko tinya, alamɛ wonu ya a lawɔyɔ sewɛ bolo. Anu ni to a fɔla tolon, ko, “Mari min sewanɛ ala wɔli-kɛlɛla yarɔma-ta-koe la, alamɛ wo ya gbiliyɛ sɔrɔn!”

Yaburi 40:16

Minnu bi anu gbɛrɛnna ile Mari ma, alamɛ wonu nyagalenta ka sewa. Minnu bi baraka birala ile Alla ye ita kisi-koela ko la, alamɛ wonu tora a fɔla ko, “Mari makawara!”

Yaburi 5:11

Kɔnɔ min bɛɛ ye kisi-koe nyinina i bolo, alamɛ wonu tora nyagalen rɔ i bolo ka to sigi sala sewɛ rɔ. Anu yamatogon ila kanan-koe la bawo i di anu ye. Anu si nyagalen bawo i wara min ma anu ye.

Yaburi 97:12

Wole minnu natelennɛ, wo ni nyagalen ka a tɛgɛ Mari ara minnu ma wo ye. Wo ni wo miri Alla-sɛnimɛ ara minnu ma ka baraka bira a ye.

Aiseya 61:10

Mari le ya a ma, ma ara sewa dɔgɔma-ma-de! Alla ya a ma, n niyi ra ara diya. Mari ara kisi-koe fɛrɛya-bɔɛ di ma ma. A ya ata nyimayɛ ma duruku-ba la. Ma manɛ iko kɔɛn-tigi min mabɛnnɛ yɔnyɔn! Ma manɛ fanan iko kɔɛn-kurɛ min makirinɛ fen-kolomɛnu na.

Nimisa Koe 3:25

Mari si ko-nyimɛ kɛ mɔgɛ wonu ye minnu bi a nyinina anu yisi bɛɛ la.

Yɔni 16:20

N bi tonyɛ fɔla wo ye, wo si gbele-gbelen ka di kɔnɔ dɛnkɛninyabɛlɛnu si sewa. Wo yisi si tinya kɔnɔ wola yisi-tinyɛ la si ban sewɛ ma.