Yaburi 7:10 - ALLALA KUMƐ

¹⁰ Ile Alla min bi fan bɛɛ kun na, n natankalɛ le ile la. Minnu bi ila kumɛ birala, i kɛnɛna wonu nakisila.

Yaburi 7:10 Iomraidhean Croise

Ko-Dabirɛnu 15:1

Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

Yobu 8:6

Ni ile latelennɛ le ka sɛninya, fɔ Alla wa i dɛnbɛ serr! A si duwa i ye ka i wara-koe lata yarɔ iko a ye nya min fɔlɔ nun.

Yaburi 112:2

Mɔgɔ-nyimɛta dan si sɛnbɛ sɔrɔn nyamanɛ rɔ. A kegeyɛnu si duwɛ sɔrɔn.

Yaburi 125:4

Mari, ko-nyimɛ kɛ ko-nyima-kɛlɛnu ye, minnu si ila kumɛ bira, kɔni.

Yaburi 3:3

Kɔnɔ Mari, ile le si n matanka gbalo ma, ado ile le ye a mala fanan, n ni nɔ-ko sɔrɔn ha n kun na ni yiri.

Yaburi 84:11

Ma latankalɛ le Mari la, ado mala gbiliya-mansɛ le. Ala duwɛ ye ma fɛ ka kinikinɛ anubɛ gbiliyɛ di ma ma. A ti ko-nyimɛ bɔ mɔgɔ-telennɛ telen tɔ.

Yaburi 89:18

E, Mari, ile le ya mansɛ yabɔ ma ye. Ile Isirɛlata Alla-sɛnimɛ le ya mala mansɛ di ma ma.

Hɛnkilimaya-Kumɛnu 11:20

Minnu miri bɛnnɛ ko-yogomɛ ma, wonu ma di Mari ye kɔnɔ mɔgɔ-telennɛnu di Mari ye.

Hɛnkilimaya-Kumɛnu 2:21

Minnu natelennɛ Alla ye, wonu si taran anu diya mala nyamanɛ kɛ rɔ.

Hɛnkilimaya-Kumɛnu 28:18

Mɔgɔ-latelennɛ si taran a diya kɔnɔ telenbɛlɛ si bui fugbu!

Yɛrɛmaya 11:20

N ya Mari madiya ko, “Kɔnɔ Mari Sɛnbɛ-Bɛɛ-Tigi, i telenta. I kusan mɔgɔ-yisi anubɛ a miriya rasumanna. N si anu yasere-masa i ye. I tenbi n tayili sarala anu na, n si n yɛ sɔ i la.”

Yɛrɛmaya 17:10

Kɔnɔ Mari ko ale le si ke mɔgɔ-burɛ lɔnna. Ale le si mɔgɔ-miriya kɔrɔbɔ. Woletɔ a ko min bɛnnɛ mɔgɛ bɛɛ ma, ale le si ke wo latɛgɛla. A ko a si bɛɛ sara a sara-nya la.