Yaburi 7:1 - ALLALA KUMƐ

¹ E, nta Mari Alla, n bara na i wara n natanka-koe la. N yoge minnu bi n sagaranna, n tanka wonu masibɛ ma.

Yaburi 7:1 Iomraidhean Croise

Yaburi 11:1

N bara n yigi bɛɛ sa Mari rɔ n kisi-koe la. Kun-takolonya-kumɛ le wo sufa la n ta-nyɔgɛnu bi a fɔla n ma min kɛ ko n ni n gban iko kona ka n buri tala kɔnkɛnu tɔ.

Yaburi 13:3

E, nta Mari Alla, i yandi, i ya-lamunun n na ka n yabi. N sɛnbɛ makofu alako n kana na faga.

Yaburi 13:5

N bara n dun ila keninteya-dannatɛgɛbɛlɛ la. Ni i ya n nakanan, wo si diya n ye kosɛbɛ!

Yaburi 18:2

Mari le n natankalɛ la. Nna tarɛ le ale la, n si kisi ale le tɔ. Ale le si n tanka ko-yogomɛ ma. Nta farɛ le Alla la, n si n dogon min kɔma. A si n nakanan iko nɛgɛ-walan. Nna kɛlɛ-kɛlɛ le ale la min si n kisi.

Yaburi 18:28

E, Mari, nta waan le ile la. Ile le si n to gbɛ rɔ ka pinpi gben n fɛ.

Yaburi 25:2

Nde lanɛ ile, nta Alla le la. I kana sɔn, n yogenu ni n nɔ. N kana miliya anu ye.

Yaburi 26:1

N Mari, a ma, n ni yo sɔrɔn bawo n bi ko-latelennɛ kɛla, ado n lanɛ i la gben!

Yaburi 3:7

E, Mari Alla, na n nakisi tinɛ. I ni n yoge bɛɛsi dɛ ratii ka anu nyin murundu anu da rɔ alako anu kana na ko ma n na.

Yaburi 30:12

Wo le ya a ma, n tora tantoli-sigi sala i ye. N ma n made muk! Nta Mari Alla, n si to baraka birala i ye burubukai!

Yaburi 30:2

Nta Mari Alla, n ya i rakele n dɛnbɛn-koe ma, ado i ya n nakɛndɛya.

Yaburi 31:15

N bi ita gbɔfɛ rɔ wati mumɛ bɛɛ kɔrɔ. N nakisi n yogenu ma. Minnu bi n napɛrɛnna, n nakisi wonu ma.

Yaburi 32:10

Fɔ karagbɛlɛnu ba tɔrɔya kɔnɔ minnu lanɛ Mari la, wonu bi kananna ka a tɛgɛ ala keninteya-dannatɛgɛbɛlɛ ma.

Yaburi 43:4

Wo kɔma, n si n telen ile Allata saraka-mintan-tinɛ la. Nna sewa-kunyɛ bɛɛ bɔra ile le bolo. N si nna sɔrɔn fɔ ka i matɔgɔ-bɛti bɔ. E, Alla, nta Alla le ile la.

Yaburi 89:26

Dawuda si a fɔ ile Alla ye ko, “N fa anubɛ nta Alla le ile la. N natankalɛ anubɛ nna kisilɛ le ile la.”

Aiseya 50:10

Mɔgɔ-wo-mɔgɔ wa Mari gbiliya ka ala wɔli-kɛlɛla kumɛ bira, hali a tagama-kilɛ lapinpinɛ, a ni la Mari la. A dunnɛ ni to ata Alla ma.

Yɛrɛmaya 15:15

E, Mari, ile min ya ko lɔn, i fonde lamiri n ma ka n nakanan. N tayili sara n tasɛlɛnu na. I kana i munyu anu kɔrɔ, ha anu ni n faga. Mari, anu bi tɔrɔyɛ min bɛɛ sigila n ma, wo bɛɛ tɛgɛnɛ ile le ma.

Yɛrɛmaya 20:11

Kɔnɔ ile Mari taranta n fɛ iko kɛlɛ-nyana. N gbennɛnu si anu kian latugu ka bui fugbu! Anu ti n nɔ muk! Anu ba foo n na, anu si to miliyɛ rɔ kɔgɔrɔyɔlɔ! Anu si to miliyɛ wo rɔ ha, ado mɔgɔ ti nyina anu bara-koe la,

Yɛrɛmaya 31:18

Mari ko a ara Isirɛla mɔgɛnu karanton-kan lamɔɛn. Anu bi a fɔla ko, “Mari, i wara ma tɔrɔ, ado ma ara hɛnkili sɔrɔn. Ma mani de nun iko ninki-den-kolobɛlɛ. Ta ma la ma warɛ. Ma si sɛgi i ma. Tonya-bɛrɛbɛrɛ, mata Mari Alla le ile la.

Habakuku 3:1

Nɛbi Habakukuta mataralɛ le kɛ la.

Sakaraya 14:5

A tɛmɛ wo si ma wunban la. Wunban wo si ma wo buri-kɛ-kilɛ la. Wo si wo buri iko wo benbanu ya a ma nya min dugu-yɛrɛyɛran kɔrɔ Yuda Mansɛ Yusayata wati rɔ. Nta Mari Alla si na ata melika bɛɛ la a bolo.

Yasowa 14:8

Mabɛ n ta-nyɔgɛ minnu tara, wonu ko ma ti mɔgɛ wonu nɔ. Wonu ya a ma, Isirɛla mɔgɛnu kilanta. Kɔnɔ male ya Marila kumɛ bira.

1 Pita 1:21

Wo dɛnkɛninyanɛ Alla ma ale le baraka rɔ. Alla min ya a lawuli ka a bɔ furinu tɛma, wo le ya gbiliyɛ di ale ma. Woletɔ wola dɛnkɛninyɛ anubɛ wo yigi sanɛ ale Alla kuma.

1 Pita 4:19

Woletɔ minnu bi tɔrɔla iko Alla sako ye nya min anu bolo, wonu ni anu nyɛrɛ kerifa anu Dali Mari la fasai! Anu ni to kɛwɔli-nyimɛ kɛla Alla ye min bi ala lanyiri tola a gbɛ rɔ tuma-wo-tuma.