Yaburi 69:2 - ALLALA KUMƐ

² N bi tununa bore rɔ min kuri bɔnɛ a la. N bi kɔgɔ-yi-dumɛ tɛma. Yi ye tugi min kɛla a rɔ, wo ye n faga tinɛ le.

Yaburi 69:2 Iomraidhean Croise

Yobu 22:11

Woletɔ pinpi ara don i kuma bɛff! I ti fenfen yen! Woletɔ fanan, tɔrɔyɛ ara tugu i kun na.

Yaburi 32:6

Ila mɔgɔ-sɛnimɛnu si ke tubila wati min, anu si i madiya wati wo le tɔ. Woletɔ tɔrɔya-belebele wa na, a ti anu masɔrɔn.

Yaburi 40:2

A ya n bɔ masiba-denkɛ rɔ ka n nayɛlɛ. A ya n nabɔ kɛn-kolomɛ rɔ ka n sigi farɛ kuma yenkesen, alako n ni kanan nya min.

Yɛrɛmaya 38:22

N ya min yen ko-rayirɛ wo rɔ, musi min bɛɛ tora Yuda mansɛla bolɔn la, n ya mɔgɛ do sɔnɛ yen wonu yarɔ. A ye tala anu na Babilɔn mansɛla mɔgɔ-banu bara. Musi wonu bi tala a fɔla ko, ‘Mansɛ diyana-mɔgɛnu bara a lasama kilɛ ma. Sɛnbɛ ye wonu na ka tenbi mansɛ la. Ale mansɛ kian ara yigi bore rɔ. A diyana-mɔgɛnu bara a bolokanɛ to ka a magboya.’ ”

Yɛrɛmaya 38:6

Anu ya n nayigi yili la mansɛla den Malakiyala kɔlɔn rɔ kata burɔ mansɛla bolɔn la. Wo ya a taran, a ragbalanɛ fɔ bore min bi nyɔ. N yigira bore wo rɔ pirin!

Yona 2:6

I ya n nayigi kɔgɔ-yi kɔrɔ ha kɛnkɛn dabira tinɛ. Yi kankanta n ma, a tora sɛ, a ni lakira-dɛ latogon n ma. Kɔnɔ ile Mari Alla ya n kɛndɛ labɔ dumɛ wo kuri la ka n nayɛlɛ.

Matiyu 7:25

Banda-wɛ nara. Bɛnu fara. Fɔnyɔ tugura ala bɔn wo ma. Kɔnɔ bɔn wo ma bui bawo a sɔnɛ fara-kole kuma.