Yaburi 6:9 - ALLALA KUMƐ

⁹ N dira n dɛnbɛn-koe rɔ min kɛ, Mari ara sɔn nna madiyalɛ ma.

Yaburi 6:9 Iomraidhean Croise

2 Ko-Kɔrɔta-Karan 34:27

A tubira ka a nyɛrɛ famayigi ale Mari ye. A donta diyi-kɛ rɔ ka ala fulɛ fili dugu ma bawo a ara a yen, Mari ye nala Yerusalɛm kɛnu tɔrɔyala nya min. Kɔnɔ Mari ko a ara ale mansɛla matarali-kan lamɔɛn.

Yaburi 118:5

N bi tɔrɔyɛ rɔ tumɛ min, n ya Mari rakele n dɛnbɛn-koe rɔ. A ya nna madiyalɛ yabi ka n kun nadiya.

Yaburi 120:1

N bi nanparan rɔ tumɛ min, n ya Mari rakele n dɛnbɛn-koe la, ado a ya n denkun.

Yaburi 138:3

I rakele n bolo, i ya a labira. I ya n sɛnbɛ makofu ita sɛnbɛ-wɛ la.

Yaburi 3:4

N ya ile Mari rakele n dɛnbɛn-koe la. I ya a labira i bato-bɔn la kɔnkɔ-sɛnimɛ kuma.

Yaburi 31:22

N kilanta. N ya a lɔn nun ko Mari ara n gben a dafɛ. Kɔnɔ n ya a rakele tumɛ min n dɛnbɛn-koe la, a ya n di-kɛ-kan lamɔɛn.

Aiseya 38:5

“Sɛgi i kɔma Mansa Hɛsakaya wara. I wa ke, i ni a fɔ a ye ko nde, a benba Dawudata Mari Alla ko n bara ata madiyali-kan lamɔɛn ka a ya-yi yen. N si a ma, a ni san tan-ni-loli bɔ tun.

Nimisa Koe 3:56

N ya i madiya n dɛnbɛn-koe la tumɛ min, i ya a lamɔɛn de, yɔ!

Yona 2:2

N bi yakɔrɔ-mamɔɛ rɔ tumɛ min, ile Mari ya n dɛnbɛ. N bi lakira tumɛ min, i ya n di-kɛ-kan lamɔɛn.

Yona 2:7

N ya a lɔn tumɛ min ko n bara gbɛrɛn kanba-dɛ ma, n ya ile Mari matara. I ya n kuman-kan lamɔɛn ita bon-sɛnimɛ la.