Yaburi 6:2 - ALLALA KUMƐ

² Mari, i yandi, kinikini n ma bawo sɛnbɛ sa n na tun! N nakɛndɛya bawo n kolenu takunnɛ ye n ma.

Yaburi 6:2 Iomraidhean Croise

Ko-Dabirɛnu 20:17

Alla ya a ma, musi minnu bi ale mansɛla bɔn la, wonu mara gbandɛ la ka a tɛgɛ Sira wara-koe ma. Kɔnɔ Iburayima ya Alla madiya mansɛ wo ye tumɛ min, Alla ya anubɛ ala bonna-mɔgɛnu nakɛndɛya. Alla ya a ma, musi wonu kera dannu sɔrɔnna tun.

Yobu 19:21

N diyana-mɔgɛ, a bɛnta, wo ni kinikini n ma. Alla kɔɛn ara n gbesi dugi la.

Yobu 5:18

Alla min bi mɔgɛ tanbanna, Alla le si ala tɛlɛ dandan. Alla ye i rafɛrɛnna a kɔɛn min na, a kɔɛn kelan wo ye i lakɛndɛyala le tun.

Yaburi 22:14

N sɛnbɛ bɛɛ ara ban fegba iko yi wa bon dugi ma. N natugurun-nya bɛɛsi ara bɔ anu nyɔgɔn na. N yisi ara lee iko li-kɛɛn.

Yaburi 30:2

Nta Mari Alla, n ya i rakele n dɛnbɛn-koe ma, ado i ya n nakɛndɛya.

Yaburi 31:10

Kinikinɛ ara to n mala yɔgbɔ! Diyi ara to n niyi madɔgɔyala n tɔ. Nna kɔndɔfilinu bara n tafaga. Hali n kolenu bara yɔlɔkɔ.

Yaburi 32:3

N ma n sɔ wɛ n hakɛ la min kɛ, n fanka ara bɔ n na ka a tɛgɛ nna telen-gbɛn diyi-kɛ ma.

Yaburi 38:2

I wara n madumɛ ila kalabɛnnu na nun. I kɔɛn ara n gbesi dugi la.

Yaburi 38:3

Ka a tɛgɛ ila diminyɛ wo ma, dumɛ ara tagbaya n ma. Ka a tɛgɛ nna hakɛ ma, n fɛrɛ kɛ bira-tina sa kirayɛ bolo.

Yaburi 38:7

Kimɛ donta n kun na. A tora sɛ, n ni faga.

Yaburi 51:8

Nyagalan anubɛ sewɛ lana n yisi rɔ tun. Hali i wara n tatɛrɛgbɛn, n si sewa i bolo tun, yɔ!

Bɔ-Koe-Iyipiti 15:26

Mari ko, “Wo ni wo tole masɔ n kuman-kan la a kin na! Koe minnu telennɛ nde, Mari Alla yala, wo ni wonu ma ka nta tɔn bɛɛ bira. Ni wo ya wo ma, n ya kirayɛ minnu sigi Iyipiti kɛnu ma nun, n ti wo fenfen sigi wole ma bawo nde, Mari le wo rakɛndɛyalɛ la.”

Yɛrɛmaya 10:24

Mari, ila mɔgɛnu natelen ita telenbagayɛ la. Kɔnɔ i kana ma tɔrɔ ita fondo-bɔɛ la. Ni i ya wo ma, ma wara-koe si ka-a-la.

Yɛrɛmaya 17:14

Mari, ni i ya n nakɛndɛya, wo tenbira lakɛndɛyɛ bɛɛ la. Ni ile ya n nakisi, wo tenbira lakisiyi bɛɛ la. Mari, n bi ile le kelen pe matɔgɔla.

Hoseya 6:1

Mɔgɛnu bi anu da le fɔla ko, “Ma sɛgi wona Mari ma. Mari le wara ma tanban, ale le ye ma dandanna tun. Ale le ya tɛlɛ sigi ma ma, ale le ye mala tɛlɛnu makirila.

Yilan-Yilan Koe 12:13

Musa fanan dira Mari dala, a ko, “E, Alla, i yandi, n kɔrɔ-musi lakɛndɛya.”

Matiyu 4:24

Yisa mankan nyɛnsɛnta Siriya nyamanɛ bɛɛ rɔ. Wo le ya a ma, mɔgɛnu nara kirayato-su bɛɛ la a wara. A nyinato wo, a kirikirisato wo, a solomonya-fagani-tigi wo, Yisa ya wonu dama lakɛndɛya.

Tɔn-Fɔɛ-Fila-Nyɔgɛ 32:39

Mari ko ale kelen pe le wota Mari Alla la. Fufafuyi le wola bɛsɛnu na. Ale le si mɔgɛ faga, ale le si mɔgɛ lakɛndɛya. Ale le ye mɔgɛ tanbanna, ale le ye mɔgɛ dandanna. Mɔgɔ ti ke ale rasɛla.