Yaburi 57:1 - ALLALA KUMƐ

¹ E, Alla, kinikini n ma bawo ile si n matanka. N bi i kanban kɔrɔ n matanka-koe la ha nna nyagbɛ kɛ ni bɔ n kuma.

Yaburi 57:1 Iomraidhean Croise

Yaburi 125:1

Minnu yigi sanɛ Mari rɔ, wonu mani de iko Marita kɔnkɔ-sɛnimɛ Yerusalɛm. A ti yɛrɛyɛrɛn ka bɔ a gbɛ rɔ muk!

Yaburi 13:5

N bara n dun ila keninteya-dannatɛgɛbɛlɛ la. Ni i ya n nakanan, wo si diya n ye kosɛbɛ!

Yaburi 142:1

N bi Mari rakelela n dɛnbɛn-koe rɔ. N bi a madiyala alako a ni kinikini n ma.

Yaburi 2:12

Wo yɛrɛyɛrɛnmatoe ni wo madu a kɔrɔ. Ni wo ma, a fonde si bɔ. Wo si firan dugu-kole kɛ kuma feu! Mɔgɔ-sewanɛ le wo tigi la min bi tala Mari wara kanan-koe rɔ.

Yaburi 36:7

E, Alla, ila keninteya-dannatɛgɛbɛlɛ sɔnkɔ ti sɔrɔn. Ma lakanannɛ i kanban kɔrɔ.

Yaburi 56:1

E, Alla, i ni kinikini n ma bawo n bi tagbɛran rɔ. N yogenu bi n sagaranna tuma-wo-tuma.

Yaburi 58:1

Wole kun-tiginu, wo si ke kiti tɛgɛla a kilɛ fɛ lun-kelen-bɛrɛn? Wo si ke kiti tɛgɛla ni lafisayalɛ sa a rɔ, wa?

Yaburi 59:1

E, nta Alla, n tanka n yogenu masibɛ ma. N tanka n yogenu ma minnu bi tugula n kan ma.

Yaburi 61:4

Sɔn, n ni taran ila fani-bɔn kɔrɔ tuma-wo-tuma. N nakanan i kanban kɔrɔ.

Yaburi 63:7

bawo i wara n dɛnbɛ kati! N tenbi i kanban-ninɛ la, n si siginu sa i ye.

Yaburi 75:1

Mata Alla, ma si baraka bira i ye bui! I makawanɛ ye nya min, a di ma ye ka wo fɔ. I wara kabana-koe minnu kɛ, ma si wonu fanan takaran mɔgɛnu ye.

Yaburi 9:10

Mari, minnu ya i lɔn, wonu lara i la kosɛbɛ! Min bi nala ile ma, i ti wonu boloka.

Yaburi 91:1

Ni min bi tala Mari wara a lakanan-koe la, ni min bi tola Alla Sɛnbɛ-Bɛɛ-Tigita latankɛ kɔrɔ,

Yaburi 91:4

A si a kanbannu burun i kuma. A kanbannu si i lakanan. Ata lanayɛ, wo le ye i lakisila.

Yaburi 91:9

I wara Mari ma i lakanannɛ la min kɛ ka Alla Sɛnbɛ-Bɛɛ-Tigi ma i kumafunfannɛ la,

Aiseya 10:25

A ko wati-kundu-ni ba tenbi, a si a fara wo tɔrɔla. A ko wo kɔma, a ni a ya-lamunun Asiriyanu na ka anu tɔrɔ.

Aiseya 26:20

E, nta mɔgɛnu, wo don wola bɔnnu na ka don-dɛ balan wo nyɛrɛ ma wati-kundu-ni kɔrɔ. Wo ni wo dogon sogbe, ha Allata fondo-bɔɛ ni ban.

Aiseya 50:10

Mɔgɔ-wo-mɔgɔ wa Mari gbiliya ka ala wɔli-kɛlɛla kumɛ bira, hali a tagama-kilɛ lapinpinɛ, a ni la Mari la. A dunnɛ ni to ata Alla ma.

Matiyu 24:22

Kɔnɔ Alla ara ban do bɔla tele wonu na. Ni a ma wo ma nun, mɔgɔ-wo-mɔgɔ ti kisi. Kɔnɔ Alla si do bɔ tele wonu na ala mɔgɔ-yabɔnɛnuna ko la.

Luka 13:34

“E, Yerusalɛm, Yerusalɛm! I ye nɛbinu fagala nun tolon! Alla ara kilayɛ minnu sɔ i wara, i ya wonu mabon kurinu na! A sɔgɛ ye n na wati siyaman ka ila mɔgɛ bɛɛ ladɛn iko sisi-denbɛ si ala dannu nadɛn a kanban kɔrɔ nya min kɔnɔ i ma sɔn n ni wo ma!

Yɔni 16:20

N bi tonyɛ fɔla wo ye, wo si gbele-gbelen ka di kɔnɔ dɛnkɛninyabɛlɛnu si sewa. Wo yisi si tinya kɔnɔ wola yisi-tinyɛ la si ban sewɛ ma.

Tɔn-Fɔɛ-Fila-Nyɔgɛ 9:26

N ya a fɔ ko, ‘E, Mari, Sɛnbɛ-Bɛɛ-Tigi, n bi i matarala. I yandi, i kana ita mɔgɛ kɛnu faga. I ya anu nabɔ yɔɔnyɛ rɔ Iyipiti nyamanɛ rɔ ita fanka-makawanɛ le la.

Lankɛnimayɛ 21:4

A si ya-yi bɛɛ firan anu yɛ la. Saya ti kɛ tun. Yisi-gbala sa tun. Di-kɛ ti kɛ tun. Hali dumɛ, a ti taran. Ko-kɔrɛnu bara tenbi ka tunu yen!”

Lankɛnimayɛ 7:14

N ya a yabi ko, “N fa, nde ma a lɔn. Ile le ya wo lɔn.” A ya a fɔ n ye ko, “Minnu bara kisi ka bɔ bɛnsɛnkɔninya-wɛ rɔ, wonu denu bi wonu na. Anu ya anuna duruku-yannu ku ka a ma, anu ni gbɛ saga-dan-yele rɔ.

Ruti 2:12

Alamɛ Mari ya i sara wo la. I wara na Isirɛla mɔgɛnuta Mari Alla wara ka don a kanban kɔrɔ i kisi-koe la. Alamɛ Alla ya i sara boi!”

1 Samuwɛli 22:1

Dawuda ya a buri ka bɔ Kati soe burɔ ka ta a dogon faran do la Adulam soe dafɛ. Dawuda na-kelen-nyɔgɛnu ya a lamɔɛn min kɛ ko a ara ta faran wo la nyɔ, anu tara kofu a ma nyɔ.

1 Samuwɛli 24:3

A tara ke faran do ma kilɛ dafɛ saga-wɔrɛnu bi kan min. Mansa Sɔli tara da kɔma faran wo la. Kɔnɔ yaga, Dawuda anubɛ ala keminɛnu dogonnɛ faran wo burɔ pon!

1 Samuwɛli 24:4

Dawudala keminɛ wonu ya a fɔ a ye ko, “Mari ara fɛrɛ-bɛrɛbɛrɛ le di i ma kɛ la iko a ya a fɔ i ye nya min nun ko a si i yoge don i bolo. Ko-wo-ko diyara i ye gbɛ, i si wo sigi le a ma.” Dawuda tara dɔidɔi ka Mansa Sɔlila duruku-ba wo do tɛgɛ a la. Kɔnɔ Mansa Sɔli ma ko lɔn wo rɔ.

1 Samuwɛli 24:8

Wo kɔma, Dawuda fanan bɔra a kɔma. A ya ale Mansa Sɔli rakele. A ko, “N tigi.” Mansa Sɔli ya a ya-lamunun a la. Dawuda ya a madu a ye dugi ma ka a gbiliya.

1 Samuwɛli 26:9

Kɔnɔ Dawuda ya a fɔ a ye ko, “I kana ko-wo-ko ma a la bawo ni mɔgɔ-wo-mɔgɔ ya ko ma Marita mansa-yabɔnɛ la, ale Mari si wo tigi tɔrɔ.