Yaburi 53:1 - ALLALA KUMƐ

¹ Kun-takolɔn kɛnɛna a fɔla a nyɛrɛ ma ko, “Alla-wo-alla sa nyɔ.” Anu denu bi ko-yogomɛ-gbansan le mala. Anu bara karagbɛlɛyɛ lafafa. Hali mɔgɔ-den-kelen sa anu tɔ min si ko-nyimɛ kɛ.

Yaburi 53:1 Iomraidhean Croise

1 Mansɛnu 12:26

Mansa Yɛrabowami ya a miri a nyɛrɛ ma ko, “Ni ndela mɔgɛ donu wulita ka ta sarakɛ bɔ Mari bato tinɛ Yerusalɛm, tumado anu si anu bɔ nde fɛ ka sɔ Yuda Mansa Rihobowami fɛ, ado anu si n faga.”

1 Mansɛnu 14:24

Batoli-kɛlɛnu ya yɛlɛnyɛ kɛ anuna bɛsi-kɔ-tinɛ kɛnu tɔ, kei wo, musi wo, iko anuna namu ye nya min. Yuda mɔgɛ kɛnu bi ko-yogomɛ mala iko Mari ya mɔgɛ minnu gben anu benbanu yarɔ, wonu bi a mala nya min nun.

Yobu 14:4

Fen-sɛninyanɛ ti bɔ hadama-dan rɔ min sɛninyabɛlɛ.

Yobu 15:16

Kɔnɔ hadama-dan don? A sɔn yogo kati! Karagbɛlɛyɛ diya donnɛ mɔgɛnu tɔ iko min-kɛ-yi.

Yaburi 10:11

Karagbɛlɛ wo kɛnɛna a fɔla a nyɛrɛ ma ko, “Allala ko sa kɛ rɔ. A ara a yɛ lakiri. A ti n yen tun!”

Yaburi 10:13

Nfenna karagbɛlɛ si a ban Alla la? Nfenna a ye a fɔla a nyɛrɛ ma ko, “Alla ti nde tɔrɔ?”

Yaburi 10:4

Alla bɔrɔ sa karagbɛlɛnu ye. Anuna miriya ma ke ale Alla ma anuna wasinteyɛla ko la.

Yaburi 10:6

Ale miri ko a ye tola fen-tigiyɛ rɔ wo nya na le ko a ti nanparan sɔrɔn tele-kelen-bɛrɛni!

Yaburi 88:1

E, n kisilɛ Mari Alla, telen-gbɛn, n bi dila n dɛnbɛn-koe rɔ. Hali suyi le tɔ, n si i rakele.

Yaburi 92:6

Kun-takolɔn ti wo nya-yen hali! Ko-nya-yenbɛlɛ ti wo nya-yen.

Isikiyɛli 16:47

Ka bila wonu fɛ kisimiriya ko-ladan rɔ, wo ya i wasa, wa? Wati-kundu-nɛ kɛ kɔrɔ, ile sɔn tenbira anutɛ la pirr!

Isikiyɛli 16:51

I kɔrɔ-musi Samariyata hakɛ ma ke iletɛ rɔ. Ile kɛ-nya makisimirita atɛ ko pirr! Ni n ya i na-kelen-nyɔgɔ-musi kɛnu sanka ile nyɔgɔn ma, n ti fɛɛ yen wonu na.

Matiyu 5:22

Kɔnɔ nde ye a fɔla wo ye kaka ko min ba diminya a na-kelen-nyɔgɛ ma, mɔgɔ-banu si wo mɔgɛ kiti. Min ba a fɔ a ta-nyɔgɛ ma ko, ‘Fenfen ma ile la,’ mɔgɔ-banu si wo kiti. Min ba a fɔ a ta-nyɔgɛ ma ko, ‘Ile kun-takolɔn,’ wo tigi ye nyahanama-tɛ-kilɛ le ma.

Luka 12:20

Kɔnɔ Alla ya a fɔ a ye ko, ‘Ile kuntan, bi suyi nyɛrɛ rɔ, wobɛ i niyi si fara wo nyɔgɔn na. Wo kɔma, i wara fan minnu namara i nyɛrɛ ye, wonu si ma yontɛ la gbɛ?’ ”

Romu 1:21

Anu ya Alla lɔn kɔnɔ anu ma a gbiliya, ado anu ma baraka bira a ye hali! Anu miriyɛ bɛɛ manɛ fufafuyi la! Anu hɛnkili rabasannɛ pirikali!

Romu 1:28

A ma di anu ye, anu ni Alla lɔn a kilɛ fɛ min kɛ, woletɔ Alla ya anu to anuna kisimiriya-koe wonu tɔ, ado wo le ya a ma, anu ya ko-su wonu ma minnu ma bɛn mɔgɛnu tɛma mumɛ!

Ɛfɛsa 5:12

Wonu bi min mala pinpi rɔ, miliya-koe le wonu na. Hali ka wonu takaran mɔgɛnu tɛma, miliya-koe le wonu na.

Tɔn-Fɔɛ-Fila-Nyɔgɛ 12:31

Wo kana wota Mari Alla bato iko anu denu bi anuna bɛsɛnu kɔla nya min bawo anu bi layarabi-koe ladanna min ma di Mari ye. Hali anuna dannu kɛndɛ, anu bi anu mala sarakɛ la ka anu mintan gburr!

1 Pita 4:3

ado wo ara wati min kɛ fɔlɔ-nun Alla-batobɛlɛnuta koenu kɛ tinɛ, wo ara a bɔ. Nyɛrɛ-latinya-koe wo, nata wo, gbɛɛ-minyɛ wo, kisimiriya-koe wo, yabatoyɛ wo, bɛsi-kɔ-koe wo, wo ya wola siyi duni wonu denu kɛ tinɛ nun.