Yaburi 5:7 - ALLALA KUMƐ

⁷ Mari, n si ke tala le ita Bato-Bon-sɛnimɛ la ka a tɛgɛ ila keninteya-dannatɛgɛbɛlɛ ma. N ba ke nyɔ, n si n sa i kɔrɔ ka i bato.

Yaburi 5:7 Iomraidhean Croise

1 Mansɛnu 8:35

“Ni i ya filiyan sɔ kamasɔrɔn ila mɔgɛnu bara hakɛ kɛ i la, ni anu ya anu ya-lamunun kan tinɛ kɛ la ka anu sɔ anuna hakɛ la,

1 Mansɛnu 8:38

Ni min nara bɔn kɛ yakɔrɔ ka nimisa a sɔn-yogomɛla ko la ka a bole sigi san ma bɔn kɛ telen tɔ, i ni wo tigi kan lamɔɛn ka wo makoto bawo ile le kelen pe ya mɔgɔ-burɛ lɔn. A bɛnta, i ni min ma mɔgɛ wo la, i si wo ma.

Yaburi 101:7

Kɔnɔ yanfante-wo-yanfante ti sigi nna bolɔn la. Foninya-fɔla fenfen ti sɔ n yakɔrɔ.

Yaburi 130:4

Kɔnɔ i ye ma makotola alako ma kawanɛ ni to i ma.

Yaburi 132:7

Wo kɔma, ma ya a fɔ ko, “Ma ta wona Mari Bato-Bɔn la. Ma ni a bato a mayigi tinɛ dafɛ.”

Yaburi 138:2

N si n madu dugi ma i Bato-Bon-sɛnimɛ telen tɔ. N si baraka bira i ye ka a tɛgɛ ita hinɛ anubɛ ila lanayɛla ko la. I wara i tɔgɛ anubɛ i kuman-kan lawanka fan bɛɛ ko.

Yaburi 28:2

N tenbi dila i dala n dɛnbɛn-koe rɔ, i ni a lamɔɛn. N ba n bole rasagan san ma i madiya tinɛ ita Bato-Bon-sɛnimɛ wara la, i ni nna madiyali-kan lamɔɛn.

Yaburi 34:17

Mɔgɔ-latelennɛ wa Mari rakele, a si a wɔlɔ matɔlɔ a la. A si anu kunyɛ bɔ anuna tɔrɔyɛnu tɔ.

Yaburi 51:1

E, Alla, i yandi, kinikini n ma ka a tɛgɛ ita hinɛ ma. N hakɛ firan n ma ka a tɛgɛ ita kinikinɛla ko ma.

Yaburi 52:8

N bara-koe ye tala yarɔ Allata bɔn la iko ɔlifi-kɔlɔma si nanfa nya min. N lara ata habadan-keninteyɛ la burubukai!

Yaburi 55:16

Kɔnɔ n ya nta Mari Alla rakele n dɛnbɛn-koe la. Ale le si to n dɛnbɛna.

Yaburi 69:13

Kɔnɔ wo bɛɛ rɔ, n Mari, n bi ile le madiyala. E, Alla, n yabi a tumɛ rɔ. I ni n yabi ka a tɛgɛ ila hinɛ ma bawo i ye ila lanyiri latɔnbagayala ka mɔgɛ kisi.

Yaburi 69:16

E, Mari, n yabi a nyimɛ la ila keninteya-dannatɛgɛbɛlɛ rɔ. I ya-lamunun n na ka a tɛgɛ ila kinikini-wɛ ma.

Hɛnkilimaya-Kumɛnu 6:16

Ko-yogoma wɔrɔnfila ye nyɔ Mari ti ke a munyuna minnu kɔrɔ, 1. wasinteyɛ 2. foninya-fɔɛ 3. mɔgɔ-fagɛ min ma ko tinya 4. minnu miriya bɛnnɛ ko-yogomɛ ma tolon 5. minnu nakala ko-yogomɛ ma tinɛ 6. sereyɛ minnu bi foninyɛnu sala anu nyɔgɔn kuma 7. nafigi minnu bi na-kelen-nyɔgɛnu kunyɛ tugula anu nyɔgɔn na.

Aiseya 55:7

Karagbɛlɛ bɛɛ ni a kɛ-nya boloka ka anu miriyanu yɛlɛma. Anu ni anu ya-lamunun mata Mari Alla la, a si kinikini anu ma ka anu makoto feu!

Aiseya 64:11

Ma benbanu taranta i batola ita bon-sɛnimɛ la kɔnɔ nyɔ ara mintan tɛ la gburr! Mala fen-kolomɛnu bara halaki pɔ!

Daniyɛli 6:10

Nba, Daniyɛli ya a lamɔɛn ko tɔn-sa-koe kɛ ara ma tonyɛ la, a tara a warɛ bɔn la. A yɛlɛta ala san-bon-burɛ do rɔ min wundan yɛ-lamununnɛ Yerusalɛm waralɛ la. Iko a duruta Alla matarala nya min kinyama sawa tele la, a ya ala wundan-dɛ laka ka Alla matara.

Hoseya 3:5

Wati ye nala, Isirɛla mɔgɛnu si anu ya-lamunun anuta Mari Alla la ka Mansa Dawuda kegeyɛ do ma anuta mansɛ la. Wo wati rɔ, anu si kilan Mari la ka to ala duwɛ sɔrɔnna.

Kɛwɔlɛnu 9:31

Nba, Allata mɔgɛ min bɛɛ ye Yudiya anubɛ Kalili sigisɔnnu tɔ anubɛ Samariya nyamanɛ rɔ, wo bɛɛ ya yisi-kimɛ sɔrɔn wo wati le tɔ. Anu tora Mari batola min kɛ, Allata Ni-Sɛnimɛ ya anu dɛnbɛ alako anu ni siyaya nya min ka sabati.

Hiburunu 4:16

Ma ni na ma sɔ Alla yakɔrɔ yisi-latɛgɛ la. Ma si kinikinɛ anubɛ hinɛ sɔrɔn nyɔ le. Ma makoe wa bila fenfen na tumɛ min, a si ma dɛnbɛ wo la.

Yasowa 24:15

Kɔnɔ ni wo rabɛnni ma ka Mari bato, wo si min bato worɔ, wo ni wo latɛgɛ bi. Tumado wo benbanu ya bɛsɛ minnu kɔ Yufereti bɛ kɔgɔma nun, ni wo ma, wo siginɛ Amora minnu tɛma, wo ye a fɛ ka wonuna bɛsɛnu kɔ kɔnɔ mabɛ nta denbayɛ si Mari kelen pe le bato.”