Yaburi 5:6 - ALLALA KUMƐ

⁶ I si foninya-fɔlɛ bɛɛ halaki terr! Mɔgɔ-fagalɛ anubɛ yanfantenu sɔgɔ labɔnɛ ile Mari la lass!

Yaburi 5:6 Iomraidhean Croise

Ko-Dabirɛnu 34:14

Daina kɔrɔ-keminɛnu ya a fɔ anu ye ko, “Ma ti ke ma dɔgɔ-musi dila bilakore ma kamasɔrɔn wo si ma ma lamiliyɛ anubɛ ma lafɛyali-koe la.”

2 Samuwɛli 16:8

I wara Mansa Sɔlila nyamanɛ bi a bolo ka ala mɔgɔ-siyaman faga woletɔ Mari ye i tɔrɔla kɛ nya na ila mɔgɔ fagɛla ko la. Mari ara ila nyamanɛ di ila den Abasalɔm ma. I wara kasara pɔ, ile mɔgɔ-fagalɛ.”

2 Samuwɛli 20:1

Bikirila den kalabante Siba siginɛ Kiligali soe burɔ, ado Bɛnyamɛ bɔnsɔn-mɔgɛ do le ale la. Siba ya buri fɛ ka Isirɛla mɔgɛnu nadɛn. A ya a fɔ ko, “Ma ni ma bɔ Dawuda fɛ. Ma sa Yɛsila den Dawuda kɛ fɛ. Ma sɛgi wona ma warɛnu tɔ bawo male Isirɛla mɔgɛnu, mata mumɛ sa Dawuda wara-ko rɔ.”

Yaburi 11:5

A ye mɔgɔ-nyimɛnu anubɛ karagbɛlɛnu fɛsɛfɛsɛla nya-kun-kelen. Wunduyogoyɛ di minnu ye, wonu fenfen ma di a ye.

Yaburi 4:2

E, wole n yogenu, wo ti fara n nafɛyɛ la? Kun-takolonya-kumɛnu anubɛ foninya-fɔɛ di wo ye, ado wo bilanɛ bɛsi-fuyinu fɛ tolon!

Yaburi 43:1

E, Alla, i yandi, n yo di n ma. I ni n fɛka Alla-lɔnbɛlɛnu ye. N nakanan foninya-fɔlɛnu anubɛ karagbɛlɛnu ma.

Yaburi 55:23

E, Alla, i si mɔgɔ-fagalɛ anubɛ foninya-fɔlɛnu natosokɔrɔ lakira hali anu siyi ma ban. Kɔnɔ nde lanɛ ile la.

Aiseya 26:21

Mari ye nala bɔla ata kan-tina-sɛnimɛ rɔ san-kole rɔ. A ye nala mɔgɛnu tɔrɔla dugu-kole kuma anuta hakɛla ko la. Anu ya mɔgɛ min bɛɛsi faga dogɔn tɔ, wo bɛɛ si bɔ gbɛ ma wulɔn. Minnu bara faga nun, bɔnkɛ ti a sansan wonu ya ma tun mumɛ!

Romu 1:29

Karagbɛlɛyɛ wo, nata wo, gboyanayɛ wo, ko-yogoma-su bɛɛ wo, anu burɛ lafanɛ wo bɛɛ la. Keliyɛ wo, mɔgɔ-fagɛ wo, sɔsɔlɛ wo, yanfanteyɛ wo, anubɛ yogoyɛ, anu burɛ lafanɛ wonu fanan na. Anu bi nafigiyɛ kɛla

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

Lankɛnimayɛ 22:15

Kɔnɔ haramu-ko-kɛla bɛɛ, a duru wo, a yɛlɛn wo, a mɔgɔ-fagala wo, a bɛsi-kɔla wo, minnu bara foninya-fɔɛ keni wo, wonu bi soe kɔma.