Yaburi 5:4 - ALLALA KUMƐ

⁴ Wo Alla ma ile la, karagbɛlɛyɛ di min ye, ado i ti sɔn wunduyogoyɛ ma.

Yaburi 5:4 Iomraidhean Croise

1 Ko-Kɔrɔta-Karan 29:17

Nta Alla, ile le si mɔgɔ damasi kɔrɔbɔ, ado fɔ mɔgɔ-latelennɛnu, wonu denu bi i hɛnɛna. N bara kɛ damasi latenbi i ma n yisi bɛɛ la. Mɔgɛ min bɛɛsi ladɛnnɛ, anu ya min bɛɛsi labɔ, anu ya a labɔ anu yisi-gbɛnɛ le la.

Yaburi 101:7

Kɔnɔ yanfante-wo-yanfante ti sigi nna bolɔn la. Foninya-fɔla fenfen ti sɔ n yakɔrɔ.

Yaburi 11:5

A ye mɔgɔ-nyimɛnu anubɛ karagbɛlɛnu fɛsɛfɛsɛla nya-kun-kelen. Wunduyogoyɛ di minnu ye, wonu fenfen ma di a ye.

Yaburi 140:13

Telenbagɛnu si i matɔgɔ ka baraka bira i ye. A sɔgɛ si anu bira ka to i yakɔrɔ tolon!

Yaburi 50:21

Wo ara kɛ damasi ma nun kɔnɔ n ma fenfen fɔ. Wole mirinɛ ko nde le iko wole. Kɔnɔ kaka, n bi nala bɔla gbɛ rɔ wo ye ka wo makuma.

Yaburi 63:2

I yen-sɔgɛ ye n na ila Bato-Bɔn la. Ila sɛnbɛ anubɛ ila gbiliyɛ yen-sɔgɛ ye n na.

Yaburi 88:14

Mari, nfenna i wara i ban n na? Nfenna i kan-kɔ sɔnɛ n na?

Yaburi 92:15

Wo si a yira ma la ko Mari telenta. N natankalɛ wo, a radu-tina-wo-tina sa.

Yaburi 94:20

Kiti-tɛgɛla-yogomɛ minnu bi ko-latelennɛ mala ko-radunɛ la, minnu bi yanfɛ donna mɔgɔ-nyimɛnu ma, ado anu bi mɔgɔ-magbalanɛnu faga-koe latɛgɛla, ile hayu-wo-hayu sa mɔgɛ wonu na.

Habakuku 1:13

Kɔnɔ Mari, ile si ke i munyuna karagbɛlɛ wonu kɔrɔ kama? I kolan sɛnima karagbɛlɛ wonu mafɛlan ma. I ti to i kolan bɛnna karagbɛlɛ wonu ma. Anu tenbi mɔgɔ-latelennɛnu kasarala wati min, nfenna i si i made, i ti kuma? Anu bi min kasarala, wonu telenta ka tenbi anu denu na.

Malakayi 2:17

Wola kuma-siyamɛnu bara a ma, Mari ara gbunya wo kɔrɔ. Kɔnɔ wo ye a fɔla ko, “Male ya a ma kama a gbunyara ma kɔrɔ?” Bawo wo ye a fɔla ko, “Mari Sɛnbɛ-Bɛɛ-Tigi mirinɛ ko-yogoma-kɛlɛnu ma ko anu kin. Wo kɔma, anu bara-koe di a ye.” Wo ye a fɔla tun ko, “Alla-telennɛ kɛ ye mintɔ?”

Yɔni 14:23

Yisa ya a yabi ko, “Min ba n keni, wo tigi si nna kumɛ bira. N Fa Alla si wo tigi keni. Mabɛ n Fa Alla si na a wara ka to siginɛ a fɛ.

Hiburunu 12:14

Wo ni wo raya ka to yisi-kimɛ rɔ mɔgɛ bɛɛ fɛ. Wo ni wo raya ka ma mɔgɔ-sɛninyanɛnu na bawo mɔgɔ-wo-mɔgɔ ti Mari yen sɛninyɛ kɔma.

2 Pita 3:13

Kɔnɔ Alla ara lanyiri kiri san-kolo-kurɛ anubɛ dugu-kolo-kurɛla ko la, telenbagayɛ si sigi kan min, ado male ye wo le makɔnɔna.

Lankɛnimayɛ 21:23

Soe wo mako mumɛ sa tele anubɛ karɛ la bawo Allala gbiliyɛ ye malanna a burɔ. Ata lɛnpu le saga-dan la.

Lankɛnimayɛ 21:27

Kɔnɔ fen-kɔsɔni wo fenfen ti don soe wo burɔ. Mɔgɛ min si kisimiriya-koe kɛ, wonu ti don soe wo burɔ mumɛ! Hali foninya-fɔlɛnu ti don. Fɔ minnu tɔgɛ sɛbɛnɛ saga-danta nimaya-buku rɔ, wonu denu dɔrɔn si don soe wo burɔ.