Yaburi 4:2 - ALLALA KUMƐ

² E, wole n yogenu, wo ti fara n nafɛyɛ la? Kun-takolonya-kumɛnu anubɛ foninya-fɔɛ di wo ye, ado wo bilanɛ bɛsi-fuyinu fɛ tolon!

Yaburi 4:2 Iomraidhean Croise

Yaburi 106:20

Anu ya Allata gbiliyɛ mayɛlɛma ka a di bin-dɔn-sogela muninyɛ kɛ ma.

Yaburi 14:6

Miriya min bi mɔgɔ-famayiginɛnu bolo, karagbɛlɛnu kɛnɛna wonu tinyana. Kɔnɔ hali wo, Mari ye ale mɔgɔ-famayiginɛnu dɛnbɛna.

Yaburi 2:1

Nfenna sibolo-gbɛrɛnu bi yanfɛ kirila Mari kan ma? Nfenna mɔgɛnu bi ko-fuyinu tabɛnna a ma?

Yaburi 3:3

Kɔnɔ Mari, ile le si n matanka gbalo ma, ado ile le ye a mala fanan, n ni nɔ-ko sɔrɔn ha n kun na ni yiri.

Yaburi 31:6

Minnu bi bɛsɛnu kɔla, wonu gbo n ye kosɛbɛ! Nde lanɛ ile Mari le la.

Yaburi 5:6

I si foninya-fɔlɛ bɛɛ halaki terr! Mɔgɔ-fagalɛ anubɛ yanfantenu sɔgɔ labɔnɛ ile Mari la lass!

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Yaburi 57:4

N yogenu bara a mini n ma iko yarɛ-mɔgɔ-dɔnnɛnu. Anu nyin manɛ iko tanbɛ anubɛ kalabɛn. Anu dɛ lasanɛ iko faan.

Yaburi 58:1

Wole kun-tiginu, wo si ke kiti tɛgɛla a kilɛ fɛ lun-kelen-bɛrɛn? Wo si ke kiti tɛgɛla ni lafisayalɛ sa a rɔ, wa?

Yaburi 58:3

Karagbɛlɛnu bi sɔrɔnna anuta karagbɛlɛyɛ la anu bolo. Anu bi sɔrɔnna lunyɛ min, anu bi foninya-fɔɛ dabirala wulɔn le.

Yaburi 63:11

Wo kɔma, mansɛ si nyagalen bawo Alla ara nɔlɛ di a ma. Minnu telennɛ Alla ye, wonu si a tanto kɔnɔ foninya-fɔlɛnu si a sigi-a-la don!

Yaburi 72:2

Ni i ya wo ma, a ti lafisayalɛ kɛ ila mɔgɛnu kun na. A si bolo-kolɔnnu bira telenbagayɛ rɔ.

Bɔ-Koe-Iyipiti 10:3

Musa anubɛ Aruna tara mansɛ wara ka a fɔ a ye ko, “Hiburunuta Mari Alla ya a fɔ ko ile si i nyɛrɛ famayigi ale ye wati mintan? I ni ata mɔgɛ kɛnu boloka alako anu ni ta a bato tinɛ.

Hɛnkilimaya-Kumɛnu 1:22

A ye a fɔla ko, “Wole kun-takolɔnnu! Wole si hɛnkili sɔrɔn muntuma ka wo bɔ wo gba-yogomɛnu dala? Wole si wo fara lɔnnɛ lafɛyala muntuma?

Makawandili Kumɛnu 8:11

Mɔgɛnu bi tola karagbɛlɛyɛ kɛla bawo anu sa anuna tɔrɔyɛ sɔrɔnna yona.

Makawandili Kumɛnu 9:3

N ya koe do lakɔrɔsi min yogo duninya kɛ rɔ. Wo le ko fen kelen de ye ma dama makɔnɔna, sayɛ, kɔni. Fananta mɔgɔ ye a niyi la, a sɔndɔmɛ lafanɛ ko-yoge anubɛ kuntanyɛ sufa bɛɛ le la. Anu bi tola wo le la, anu ni tɛgɛ a ma pan!

Aiseya 20:5

Mari ko minnu lanɛ Sudan kɛnu na, ni wo ma, ka Iyipiti kɛnu matɔgɔ, wonu si to kɔgɔrɔyɔlɔ yisi-tinya bolo.

Aiseya 45:17

Kɔnɔ ale Mari le ye Isirɛla kisila, ado anu ko Isirɛla si to nɔlɛ kɛla burubukai! Anu ti yarabiyi sɔrɔn muk!

Aiseya 59:4

Wo wa ta kiti-bɔn la hali min yo, wo si yiliki sɔrɔn. Tonya-fɔla fenfen sa kiti-bɔn la. Wo ye karamɛ layɛlɛla wo nyɔgɔn ma. Wo ye nanparan ratɛgɛla donu kan ma ka ko-yogomɛ dan-natenbi.

Yɛrɛmaya 2:5

Mari ko a ya a telen wo benbanu ye min kɛ, nfenna anu ya anu kan-kɔ sɔ a la? A ko wo benbanu ya bɛsi-fufafuyinu kɔ ha anu denu fanan mara mɔgɔ-fufafuyinu na iko anuna bɛsɛnu.

Yɛrɛmaya 9:3

Mari ko wo dɛ ye kumɛ filila mɔgɛ ma iko kalɛ. Foninyɛ ye gbanna wo dɛ rɔ iko kalabɛn. Sɛnbɛ ye foninyɛ bolo nyamanɛ rɔ ka tenbi tonyɛ la. Wo tenbi wo kian bɔla ko-yogoma-kɛ rɔ, wo ye wo kian bilala dogbɛrɛ tɔ. Mari ko wo ma a lɔn min bi ale la.

Hoseya 4:7

“Wole saraka-masɔlɛnu bi tola siyayala nya min, wo ye tola hakɛ kɛla wo nya na le. A bɛnta, wo ni gbiliyɛ min sɔrɔn, n si wo yɛlɛma wo bolo miliyɛ la.

Yona 2:8

Minnuna ko sa i wara-koe rɔ tun, wonu denu bi bɛsi-fufafuyinu kɔla.

Yilan-Yilan Koe 14:11

Mari ya a fɔ Musa ye ko, “Mɔgɛ kɛnu si anu ban n na ha wati nyamintan? Hali n bara kabana-ko-siyaman min kɛ anu yala kɔnɔ ha bi, mɔgɛ kɛnu ma la n na.

Kɛwɔlɛnu 24:9

A ban wo fɔla, Yahudiyanu fanan donta maburilɛ rɔ. Anu ko tonyɛ le kɛ bɛɛ la.

1 Kɔrɛnti 1:31

Iko a sɛbɛnɛ Allala kitabu rɔ nya min ko, “Ni min bi a nyɛrɛ matɔgɔla, Mari ara min kɛ a ye, a ni to wo le fɔla mɔgɛnu ye.”

Ɛfɛsa 4:25

Wo kana foninyɛ fɔ tun! Bɛɛ ni tonyɛ fɔ anu nyɔgɔn ye bawo Kirasiti bagbu kelen de ma dama la.

1 Samuwɛli 12:21

Wo kana wo nyɛrɛ don bɛsi-kɔ-koenu tɔ. Wonu ti ke wo dɛnbɛna, hali ka wo lakisi bawo tonya sa anu bara-koe rɔ.