3 Ka a tɛgɛ ila diminyɛ wo ma, dumɛ ara tagbaya n ma. Ka a tɛgɛ nna hakɛ ma, n fɛrɛ kɛ bira-tina sa kirayɛ bolo.
Mansa Yusaya sɔnɛ isɛnti mintan tinɛ dafɛ Bato-Bɔn burɔ. Ta-kɔ-miran ye a bolo tɔ. A wuli diminyala saraka-masɔlɛ kɛnu ma, fɛrɛma-kiraya-yogomɛ do bɔra a telɛ ma nyɔ rɔ.
Alla Sɛnbɛ-Bɛɛ-Tigi ara n bon kalabɛnnu na, ado kalabɛn wonu marɛ ara n bira. Alla ara ko-gbɛlɛmɛnu nana n kan ma ha n kun ma ara kɔ.
N niyi bɔmatoe le iko ta-sisi. N fɛrɛ ye mintanna iko tɛ le siginɛ a la.
N bi kurɔn min kɛla n kan-mayɛlɛnɛ la, wo ara a ma, n bara bara wonkan!
Mari, su-ni-tele, i ye n tɔrɔla nun. N sɛnbɛ ara ban fegba iko yi wa gbala telemɛ rɔ.
Nyagalan anubɛ sewɛ lana n yisi rɔ tun. Hali i wara n tatɛrɛgbɛn, n si sewa i bolo tun, yɔ!
Mari, i yandi, kinikini n ma bawo sɛnbɛ sa n na tun! N nakɛndɛya bawo n kolenu takunnɛ ye n ma.