Yaburi 3:7 - ALLALA KUMƐ

⁷ E, Mari Alla, na n nakisi tinɛ. I ni n yoge bɛɛsi dɛ ratii ka anu nyin murundu anu da rɔ alako anu kana na ko ma n na.

Yaburi 3:7 Iomraidhean Croise

2 Samuwɛli 18:8

Kɛlɛ wo nyɛnsɛnta Isirɛla nyamanɛ tɔnkɔn kɔgɔ la. Gbɔngbɔn wo ya mɔgɛ yirika min faga, wonu siya kɛlɛta mɔgɔ-faganɛ ko.

Yobu 16:10

Mɔgɛnu bi anu dɛ murundula-a-la n ma. Anu bi n dɛ le tatiila. Anu bi kɛla n ma nya-kun-kelen.

Yobu 29:17

N ya karagbɛlɛnu sɛnbɛ tinya ka mɔgɛnu bɔ anu bolo anu bi minnu tɔrɔla nun.

Yaburi 10:12

E, Mari Alla, karagbɛlɛ kɛnu tɔrɔ. Minnu bi tɔrɔyɛ rɔ, i ni i fonde lamiri wonu ma.

Yaburi 12:5

Mari ye a fɔla ko a ye nala anu dɛnbɛ tinɛ le gbɛ, bawo a la ara gbɛlɛya bolo-kolɔnnu kuma. Minnu yakɔrɔ-mamɔnɛ, anu bi kurunna dumɛ bolo. Anu bi anu nakanan-fan min nyinina, Mari ko a si wo di anu ma.

Yaburi 27:3

Hali kɛlɛ-dan mumɛ ya n nafoo, n ti kilan anu na. Hali kɛlɛ buira n ma, n yigi sanɛ Alla rɔ.

Yaburi 35:23

I lakɔɛnma, i ni na n nakisi tinɛ! Nta Alla, nta Mari, kuma nna ko la.

Yaburi 44:23

Kunden, Mari. Nfenna ile ye kinɔgɔla? I lakɔɛnma. Ma bolokanɛ kana to i bolo tɛban!

Yaburi 58:6

E, Alla, i ni karagbɛlɛnu sɛlɛ keri anu da rɔ iko yarɛtɛ ye nya min.

Yaburi 59:5

E, Mari Alla Sɛnbɛ-Bɛɛ-Tigi, i lakɔɛnma, i ni na n dɛnbɛ. E, Isirɛlata Alla, na a yen i nyɛrɛ kolan la. I ni kunden ka mɔgɛ kɛnu tɔrɔ min ma i lɔn. I kana kinikini ma madɔnnɛ kɛnu ma.

Yaburi 6:4

Mari, i ya-lamunun n na alako n ni kisi. N nakisi ka a tɛgɛ ila keninteya-dannatɛgɛbɛlɛ ma.

Yaburi 7:6

Mari, i lakɔɛnma. Ila fondo-labɔɛ yira n yogenu na. N yogenuna yisi-bɔɛ min kɛnɛ n kan ma, i ni tɔn sigi wo la. I ni tonyɛ di tonya-tigi ma.

Yaburi 74:11

Nfenna i wara i kɔɛn bɔ ma wara-koe rɔ. Nfenna i wara i kɔɛn madon i la?

Yaburi 76:9

I mara kiti-tɛgɛlɛ la min kɛ, i ya yo di mɔgɔ-tɔrɔnɛnu ma ka anu dama kisi.

Aiseya 51:9

Mari, i yandi, kunden. I ni ma dɛnbɛ. Ita sɛnbɛ lawɔli ka ma kisi. Wɔli iko i duruta a mala kɔrɔma la nya min. Ile le ya ninkinankɛ ratɛgɛtɛgɛ fɔlɔ nun.

Nimisa Koe 3:30

Hali anu ya gbesili anubɛ mɔɛn sigi ma ma, ma si ma munyu wonu kɔrɔ.

Habakuku 2:19

Wole karagbɛlɛnu, wo si wota nondɔn sɔrɔn de serr! Wo ye a fɔla kɔlɔma-kundi ye ko, “Kunden!” Wo ye a fɔla kuru-kundi ye ko, “I lasɔ!” Bɛsɛ kɛnu si a ma, wo ni ko-rayen kɛ, wa? Hali bɛsɛ wo makirinɛ sɛnɛ anubɛ wodi-gbɛ la kɔnɔ a niyi sa a rɔ.