Yaburi 3:4 - ALLALA KUMƐ

⁴ N ya ile Mari rakele n dɛnbɛn-koe la. I ya a labira i bato-bɔn la kɔnkɔ-sɛnimɛ kuma.

Yaburi 3:4 Iomraidhean Croise

Ko-Dabirɛnu 15:1

Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

Yaburi 119:114

Nna kandannɛ anubɛ n kumafunfannɛ le ile la. N yigi sanɛ ita yili-madiyɛ rɔ.

Yaburi 138:3

I rakele n bolo, i ya a labira. I ya n sɛnbɛ makofu ita sɛnbɛ-wɛ la.

Yaburi 18:3

N ba Mari rakele tumɛ min, a si n kisi n yogenu ma. N si Mari tanto!

Yaburi 2:6

A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

Yaburi 27:6

N yoge min bɛɛsi ye nna foolɛ rɔ, n si nɔ-ko sɔrɔn wonu ma. N ba sarakɛ bɔ Mari Bato-Bɔn la tumɛ min, n sewanɛ si n kuli mayɛlɛ. N si Mari-tanto-sigi sa.

Yaburi 28:7

N natankalɛ anubɛ n nakanannɛ le ale Mari la bawo n lanɛ a la. A ye n dɛnbɛna ka n nanyagalen woletɔ n si sewa-bɛtinu bɔ a ye.

Yaburi 34:4

N ya Mari madiya, ado a ya nna madiyali-kan lamɔɛn. A ya n bɔ n takilan-koe bɛɛ rɔ.

Yaburi 34:6

Bolo-kolɔnnu ba di a dala, Mari si a wɔlɔ matɔlɔ anuna di-kɛ-kan la ka anu madɛnbɛ. A si anu bɔ anuna yakɔrɔ-mamɔɛnu tɔ.

Yaburi 43:3

I ni ila waan anubɛ ila tonyɛ di n ma. Wonu ni sɔ n yarɔ ha n ni ke ila kɔnkɔ-sɛnimɛ ma i mayiginɛ kan min.

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Yaburi 62:8

Nta mɔgɛnu, wo ni la Alla la tumɛ bɛɛ. Wo ni wola tɔrɔyɛ bɛɛ sa ale kɔrɔ bawo wola kan-tina-latankanɛ le ale la.

Yaburi 84:12

E, Mari Sɛnbɛ-Bɛɛ-Tigi, minnu lanɛ i la, wonu sewani de!

Yaburi 89:19

I ya a fɔ ila wɔli-kɛla-nyimɛnu ye ko-rayen rɔ ko i wara dɛnbɛnɛ di kɛlɛ-kurugba-yabɔnɛ do ma. I wara wo ma mansa-yabɔnɛ la ila mɔgɛnu ye.

Yaburi 91:15

A ko anu ba a rakele, a si a labira. Anu tenbi yakɔrɔ-mamɔɛ rɔ, a ye anu fɛ. A ko a si anu nakisi ka a ma, anu ni gbiliyɛ sɔrɔn.

Yaburi 99:9

Tantolɛ ni di ile, mata Mari Alla ma. Ma ni i bato ita kɔnkɔ-sɛnimɛ kuma. Ile mata Mari Alla sɛnima.

Hɛnkilimaya-Kumɛnu 2:7

Minnu natelennɛ, ale le ye hɛnkilimayɛ ladɛnna wo ye ka wo tanka ko-yogomɛ ma.

Aiseya 65:24

Yanni anu ni anu miri min ma, Mari ara wo di anu ma. Anu tenbi ale Mari manyinikala anu dɛnbɛn-koe rɔ, yaga, wo ye anu dɛnban kun na.

Nimisa Koe 3:56

N ya i madiya n dɛnbɛn-koe la tumɛ min, i ya a lamɔɛn de, yɔ!

Matiyu 7:7

“To tarali kɛla, wo si a sɔrɔn. To nyininɛ kɛla, wo si a yen. To dɛ matugula, a la si ka wo ye.

Yemesi 5:13

Mɔgɛ donu tɔrɔnɛ wo tɛma, wa? Anu ni Alla matara. Donu sewanɛ, wa? Anu ni tantoli-bɛti bɔ.