Yaburi 27:4 - ALLALA KUMƐ

⁴ N bara Mari manyinika ko kelen pe lela ko ma. N bi nyinina wo le ma a bolo, wo le, ka n siyi-tele mumɛ bɛɛ dunu Mari Bato-Bɔn la. Wo si a ma, n ni to kawala ata nyimayɛ ma nyɔ rɔ ka to hɛnkili sɔrɔnna a bolo.

Yaburi 27:4 Iomraidhean Croise

2 Samuwɛli 21:1

Mansa Dawudata wati rɔ, kɔnkɔ-fitinɛ donta nyamanɛ wo rɔ. San sawa dɛgɛdɛgɛ, kɔnkɛ ye nyɔ. Mansa Dawuda ya Mari manyinika wola ko la. Mari ya a fɔ a ye ko, “Wo mara bawo Mansa Sɔli anubɛ a kebila-mɔgɛnu bara Kibiyon mɔgɛ donu faga.”

Yaburi 23:6

N ya a lɔn ko ala ko-nyimɛ anubɛ ala keninteyɛ si to n fɛ tɛban! Fananta n bi n kɛndɛ la, Marita bɔn ye n barayɛ la.

Yaburi 26:6

N Mari, n bara n bole mafiran ka a yira i la ko n yilikini ma. N bara tugun ila mɔgɛnu na minnu bi ila saraka-mintan-tinɛ lafoola.

Yaburi 26:8

E, Mari, i mayiginɛ Bato-Bɔn min na, bɔn wo di n ye kati! Kan-tinɛ le wo la ita gbiliyɛ ye kan min.

Yaburi 27:8

Mari, i ya a fɔ n ma wati min ko n ni i bato, n ma n kun tadu. N nara le.

Yaburi 50:2

Yerusalɛm soe min kin, Allata waan ye malanna wo kuma.

Yaburi 65:4

Ile Alla ye mɔgɛ min yabɔla ko a ni a sigi ila Bato-Bɔn la, mɔgɔ-sewanɛ le mɔgɛ wo la. Ko-nyimɛ minnu bi i Bato-Bon-sɛnimɛ la, wonu denu si ma hɛnɛ.

Yaburi 84:10

Ka tele kelan bɔ i Bato-Bɔn la, wo fisa tele waga kelan ko kan-tina-gbɛrɛ. Yanni n ni to siginɛ karagbɛlɛnuna bɔn la, a fisa, n ni to sɔni ile nta Alla Bato-Bɔn don-dɛ la.

Yaburi 84:4

Minnu siginɛ i Bato-Bɔn la, wonu sewanɛ dɔgɔma-ma-de! Anu bi i matɔgɔla tolon!

Yaburi 90:17

Alamɛ ma diyara n tigi, mata Alla ye. Ni ma ya ma bole don ko-wo-ko rɔ, alamɛ wo sabatira.

Yɛrɛmaya 29:13

A ko wo si to a nyinina, ado wo wa a nyini wo yisi bɛɛ la, wo si a yen.

Daniyɛli 9:3

Woletɔ n ya kasa-kurɛ don n kan na ka n sigi ta-gbangban rɔ bawo n yisi ara tinya Isirɛla mɔgɛnu hakɛla ko la. N ya sunyɛ don ka n Tigi Alla matara n sɛbɛ-kuna-wɛ la. Nta mataralɛ wo rɔ, n ko, “E, n Tigi Alla, ma si i gbiliya bawo i makawara. I sarata min na mabɛ ile tɛma, i ye wo latɔnbagayala. Mɔgɛ min si i keni ka ita tɔnnu bira, ile si wo tigi keni burubukai!

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

Matiyu 6:33

Wo ni Allala mansayɛ anubɛ ata telenbagayɛ fɔlɔn nyini. Wo kɔma, ale ni na to fan kɛ bɛɛ dila wo ma.

Luka 10:42

kɔnɔ fen kelen pe ye nyɔ i makoe ye min na. Mariyama ara a nyimɛ yabɔ, ado wo ti bɔ a bolo.”

Luka 13:24

“Wo ni wo raya ka don da-dɔgɔmɛ la. N ni a fɔ wo ye, mɔgɔ siyaman si anu taya ka don kɔnɔ anu ti ke donna.

Luka 18:1

Lunyɛ do, Yisa ya tili kɛ tɛgɛ anu ye ka anu karan alako anu ni madiyali kɛ wati bɛɛ. Anu kana kuri.

2 Kɔrɛnti 3:18

Ma dama ya-makanɛ ye Marita gbiliyɛ mayirala, ado gbiliya kelan wo ye bɔla Marita Ni-Sɛnimɛ le bolo. Ale le ye ma yɛlɛmana alako ma kɛ-nya ni ma iko ale. Wo si a ma, a ni to ala gbiliya-makawanɛ dila ma ma Marita Ni-Sɛnimɛ baraka rɔ.

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

Filipai 3:13

Nba, n na-kelen-nyɔgɛnu, n ma n miri lefan ko n bara ban kela kɔnɔ n bara ko-kelen-pe latɛgɛ, wo le ko koe minnu bi n kɔma, n ni nyina wonu ko ka n se-koe-bɛɛ kɛ yarɔ-koenu ma.

1 Timoti 5:5

Kɛɛ-musi min kun makolɔn, wo si a yigi sa Alla kuma fasai! A si to Alla matarala ata dɛnbɛnɛla ko la su-ni-tele.

Hiburunu 11:6

ado mɔgɔ-wo-mɔgɔ ti ke Alla hɛnɛna dɛnkɛninyɛ kɔma bawo minnu bi nala Alla wara, wonu ni dɛnkɛninya ko Alla ye nyɔ. Anu ni la a la fanan ko minnu bi Alla nyini tinɛ, a si anuna barayi di anu ma.

1 Samuwɛli 1:11

Hana ya a dakan don, a ko, “Mari Sɛnbɛ-Bɛɛ-Tigi, n bi kɔndɔfili min tɔ, i kolan lana ka nde, ila wɔli-kɛlɛ mafɛlɛn yan. I kana nyina n ko. Ni i ya dan di n ma min si ma den-kei la, n si a dantɛgɛ i ma a siyi-tele-bɛɛ kɔrɔ. Hali lilan, a ti sɔ a kunyɛ ma. Wo si ma tamasere la ko a dantɛgɛnɛ ile le ma.”

1 Samuwɛli 22:10

Saraka-masɔlɛ wo ya Mari manyinika ni Dawuda si min ma. Wo kɔma, a ya dɔn-fan di Dawuda ma ka Filisitinuna kɛlɛ-kurugbɛ Kolatila faan don a bolo.”

1 Samuwɛli 30:8

Dawuda ya Mari manyinika, a ko, “N ni mɔgɛ kɛnu sagaran, ba? N si anu nasɔrɔn?” Mari ya a fɔ a ye ko, “Ta, i si ke anu tɔ. Anu bara ila mɔgɛ minnu bɛɛsi bira, wo si wonu kunka.”