Yaburi 27:1 - ALLALA KUMƐ

¹ Mari le si waan raka n ye ka n kisi. N ti kilan mɔgɔ-wo-mɔgɔ la. Mari le ye n natankala masiba-koe bɛɛ ma woletɔ n ti kilan fenfen na.

Yaburi 27:1 Iomraidhean Croise

Yobu 29:3

Wo wati rɔ Alla ye n fɛ nun, ado n tenbi tenbila pinpi rɔ, Alla ye waan rakala n ma.

Yaburi 11:1

N bara n yigi bɛɛ sa Mari rɔ n kisi-koe la. Kun-takolonya-kumɛ le wo sufa la n ta-nyɔgɛnu bi a fɔla n ma min kɛ ko n ni n gban iko kona ka n buri tala kɔnkɛnu tɔ.

Yaburi 118:21

Mari, n si i matɔgɔ bawo i ya i wɔlɔ matɔlɔ n na. Ile le ya a ma, n ya nɔ-ko sɔrɔn.

Yaburi 118:6

N ti kilan bawo Mari ye n fɛ. Mɔgɛnu si ke nfen mala nde la worɔ?

Yaburi 18:28

E, Mari, nta waan le ile la. Ile le si n to gbɛ rɔ ka pinpi gben n fɛ.

Yaburi 18:29

I si n yogenu-nɔ-sɛnbɛ di n ma. Ile Alla le ye a mala, n ni yɛlɛ n yogenuna tarɛ ma ka ta anu kɛlɛ.

Yaburi 18:46

Ale Mari ye nyɔ. Nta farɛ le ale la min si n kandan. Ale Alla min makawara, min ya n nakisi, a bɛnta, n ni ale matɔgɔ!

Yaburi 19:14

Alamɛ n miriyanu anubɛ nna kumɛnu ya i hɛnɛ. Nna kanannɛ anubɛ n kunkalɛ le ile Mari la.

Yaburi 3:8

Ile Mari kelen pe le si ke ila mɔgɛnu kisila gbalo ma. Alamɛ ita mɔgɛnu ya ila duwɛ sɔrɔn.

Yaburi 43:2

N natankalɛ le ile la. Nfenna i wara n boloka? Nfenna n tɔrɔnɛ ni to n yogenuna karagbɛlɛyɛ la?

Yaburi 62:2

Ale le kelen pe si n natanka ka n kisi. N kisi-tinɛ le ale la. Mɔgɔ-wo-mɔgɔ ti n nɔ.

Yaburi 62:6

Ale le kelen pe si n natanka ka n kisi. N kisi-tinɛ le ale la. Mɔgɔ-wo-mɔgɔ ti n nɔ.

Yaburi 84:11

Ma latankalɛ le Mari la, ado mala gbiliya-mansɛ le. Ala duwɛ ye ma fɛ ka kinikinɛ anubɛ gbiliyɛ di ma ma. A ti ko-nyimɛ bɔ mɔgɔ-telennɛ telen tɔ.

Bɔ-Koe-Iyipiti 15:2

Ma kisilɛ le mata Mari la min si ma kunyɛ bɔ gbaran rɔ. Ma fanuta Alla le, ma si min gbiliya. Ma nyɛrɛta Alla le, ma si min tanto.

Aiseya 12:2

Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.

Aiseya 2:5

Nba, wole Yakoba kegeyɛnu, Mari ye wan-takanɛ min dila ma ma, ma ni tagama wo rɔ.

Aiseya 45:24

Minnu ba na, wonu si a fɔ ko nɔlɛ anubɛ sɛnbɛ ye ale Mari kelen pe le bolo. A ko ale Mari wa gboya minnu ye, wonu si tɔrɔ yarabiyi bolo.

Aiseya 61:10

Mari le ya a ma, ma ara sewa dɔgɔma-ma-de! Alla ya a ma, n niyi ra ara diya. Mari ara kisi-koe fɛrɛya-bɔɛ di ma ma. A ya ata nyimayɛ ma duruku-ba la. Ma manɛ iko kɔɛn-tigi min mabɛnnɛ yɔnyɔn! Ma manɛ fanan iko kɔɛn-kurɛ min makirinɛ fen-kolomɛnu na.

Yɛrɛmaya 20:11

Kɔnɔ ile Mari taranta n fɛ iko kɛlɛ-nyana. N gbennɛnu si anu kian latugu ka bui fugbu! Anu ti n nɔ muk! Anu ba foo n na, anu si to miliyɛ rɔ kɔgɔrɔyɔlɔ! Anu si to miliyɛ wo rɔ ha, ado mɔgɔ ti nyina anu bara-koe la,

Malakayi 4:2

Kɔnɔ a ko wole min ya ala kumɛnu bira, wo tele wa ke tumɛ min, ale Marita sɛnbɛ si wo lakisi ka kɛndɛyɛ di wo ma iko kirayatoe wa bɔ tele la. Wonu si to gberenya bɔla iko mɔgɛ wa ninki-dan kan bɔ.

Matiyu 8:26

Yisa ya a fɔ anu ye ko, “Wo kilannɛ nfenna? Wola dɛnkɛninyɛ ma kolo mumɛ!” Wo kɔma, a ya a lasɔ ka fɔnyɔ anubɛ yi makuma. Fɔnyɔ anubɛ yi wo sigira-a-la don!

Luka 2:30

I wara kisi-koe min tabɛn mɔgɛ bɛɛ ye, n bara wo yen n yɛ la.

Luka 3:6

Wo si a ma, mɔgɛ bɛɛ si Allala kisi-koe yen!’ ”

Yɔni 1:9

Wo wati rɔ, wan-bɛrɛbɛrɛ ye nala duninya rɔ ka kilɛ yira mɔgɛ bɛɛ la.

Yɔni 8:12

Yisa kumara Farisinu ye tun ko, “Duninya-waan le nde la. Min ba bila n fɛ, wo si waan sɔrɔn min si niyi di mɔgɛnu ma. A ti tagama pinpi rɔ tun mumɛ!”

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

2 Kɔrɛnti 12:9

kɔnɔ a ya n yabi ka le. A ko n mako sa fen-gbɛrɛ la ata hinɛ kɔma. A ko ni sɛnbɛ sa n bolo, ata sɛnbɛ si koloya n tɔ worɔ. Nba, n sewanɛ bɛrɛkɛ worɔ ka wasi nta sɛnbɛbɔninya-koenuna ko la. N ni a lɔn ko Kirasitita sɛnbɛ ye n matankala.

Tɔn-Fɔɛ-Fila-Nyɔgɛ 7:21

Wo ka kilan mɔgɛ kɛnu na mumɛ! Wota Mari Alla ye wo fɛ. Alla-makawanɛ le ale la. A bɛnta mɔgɛ ni kilan a la.

Filipai 4:13

Sɛnbɛ ye n bolo ka koe bɛɛ kɛ Kirasiti le baraka rɔ.

Hiburunu 13:6

Nba, ma ni ma yisi latɛgɛ ka a fɔ ko, “N ti kilan bawo Mari le n dɛnbɛnɛ la. Hadama-dan si ke nfen mala n na?”

Lankɛnimayɛ 21:23

Soe wo mako mumɛ sa tele anubɛ karɛ la bawo Allala gbiliyɛ ye malanna a burɔ. Ata lɛnpu le saga-dan la.

Lankɛnimayɛ 22:5

Suyi ti don nyɔ tun. Anu mako ti taran lɛnpu la, hali teleta waan la bawo Mari Alla nyɛrɛ si ma anuta waan la. Anu si mansayɛ kɛ nyɔ habadan!

Lankɛnimayɛ 7:10

Anu ya anu kuli mayɛlɛ ko, “Mata Alla min mayiginɛ mansaya-sigi-fan rɔ, mala kisi-koe bɔnɛ ale anubɛ saga-dan le bolo!”