Yaburi 26:8 - ALLALA KUMƐ

⁸ E, Mari, i mayiginɛ Bato-Bɔn min na, bɔn wo di n ye kati! Kan-tinɛ le wo la ita gbiliyɛ ye kan min.

Yaburi 26:8 Iomraidhean Croise

2 Samuwɛli 15:25

Mansa Dawuda ya a fɔ Sedoki ye ko, “Wo ni tɔn-kenkirɛ lasɛgi a gbɛ rɔ tun Yerusalɛm soe burɔ. Ni n di Mari ye, a si a ma, n ni na tɔn-kenkirɛ kɛ yen n yɛ la a gbɛ rɔ tun, yɔ!

1 Ko-Kɔrɔta-Karan 29:3

Wo bɛɛni-ata, n bara sɛnɛnu anubɛ wodi-gbɛnu bɔ n gbu rɔ ka a kofu doi kɛnu ma Bato-Bɔn sɔ-koe rɔ. N ya wo ma le bawo Allata Bɔn kɛ di n ye kati!

2 Ko-Kɔrɔta-Karan 7:1

Mansa Silamɛni ban matarali-kɛ wo la, tɛ bɔra san-kole rɔ ka sarakɛ wo dama mintan gburr! Marita wan-belebele wo ya waan raka Bato-Bɔn burɔ waran!

2 Ko-Kɔrɔta-Karan 7:2

Bawo waan wo rakanɛ bɛrɛkɛ, saraka-masɔlɛnu ma ke anu kunyɛ ladonna nyɔ rɔ wati wo rɔ.

Yaburi 122:9

Ka a tɛgɛ mata Mari Allata bɔnla ko ma, n ya madiyali kɛ Yerusalɛmta yarɔma-ta-koe ma.

Yaburi 42:4

N ba n miri ko-tenbinɛnu ma, n yisi si tinya. Fɔlɔ nun, mabɛ mɔgɔ-siyaman bi tala Alla Bato-Bɔn la. Ma tenbi tala, n sɔnɛ anu yarɔ. Anu sewanɛ, anu si a lawɔyɔ sewa-bɛti bɔ tinɛ.

Yaburi 84:10

Ka tele kelan bɔ i Bato-Bɔn la, wo fisa tele waga kelan ko kan-tina-gbɛrɛ. Yanni n ni to siginɛ karagbɛlɛnuna bɔn la, a fisa, n ni to sɔni ile nta Alla Bato-Bɔn don-dɛ la.

Aiseya 38:20

N Mari, i si n nakɛndɛya. Ma si sɔrɔnnu fɔ ka sewa-bɛtinu bɔ i ye. Fananta ma ye ma niyi la, ma si sewa-siginu sa i Bato-Bɔn la.

Aiseya 38:22

Mansa Hɛsakaya ya nde, Aiseya manyinika ko, “Ka a fɔ ko n si ta Mari Bato-Bɔn la tun, nfen si ma wo tamasere la?”

Isikiyɛli 3:12

Wo kɔma, Marita Sɛnbɛ ya n bi tugbɛ! Marita gbiliyɛ ye bɔla tumɛ min, n ya kuman-kan-belebele-wɛ lamɔɛn n kɔma.

Luka 2:46

A tele sawa nyɔgɛ ma, anu ya a taran Alla-Bato-Bɔn la. A siginɛ Yahudiya karan-mɔgɛnu fɛ. A ye a tole masɔla anu na ka anu manyinika ko siyaman na.

Luka 2:49

A ya anu yabi ko, “Wo ye n nyinina nfenna? Wo ma a lɔn, ba, ko fɔ n ni to n Fala bɔn la?”