Yaburi 26:1 - ALLALA KUMƐ

¹ N Mari, a ma, n ni yo sɔrɔn bawo n bi ko-latelennɛ kɛla, ado n lanɛ i la gben!

Yaburi 26:1 Iomraidhean Croise

2 Mansɛnu 20:3

“E, Mari, i miri n ma. N ya ko-latelennɛ kɛ ka ita kumɛnu to anu gbɛ rɔ. N ya n taya ka i sako bɛɛ kɛ.” Ala matarali-kɛ wo ya a laban diyi kɛ ma a bolo.

Yobu 2:3

Mari ya a fɔ a ye tun ko, “I ya nna wɔli-kɛla Yobu yen nun? Mɔgɔ-nyimɛ le ale la, ado a telennɛ. A nyɔgɔn sa duninya rɔ. A ye n batola. A ye a mala a fɛrɛma alako a kana na ko-yogomɛ ma. Hali i nɔrɔta n ma Yobu kasara-koe la, n ma a tɔrɔ-kunya yen i bolo kɔnɔ hali wo, a telennɛ n ye iko a ye nya min nun fɔlɔ.”

Yobu 4:6

I ya Alla bato, ado fɛɛ sa i la, woletɔ yili-madiyɛ anubɛ yigi ni taran i bolo kɛ rɔ.

Yaburi 121:3

A ti sɔn ma ni bui. Ma kandannɛ ti kinɔgɔ.

Yaburi 15:2

Min bi Alla sako mumɛ bɛɛ kɛla ka ko-latelennɛ kɛ wati bɛɛ rɔ, ado a ti foninya fɔ.

Yaburi 21:7

Ale mansɛ lanɛ ile Mari Sɛnbɛ-Bɛɛ-Tigi la ka a tɛgɛ ile Marita keninteya-dannatɛgɛbɛlɛ ma. Mansayɛ ti bɔ ala bɔn la.

Yaburi 25:2

Nde lanɛ ile, nta Alla le la. I kana sɔn, n yogenu ni n nɔ. N kana miliya anu ye.

Yaburi 25:21

A ma, nna nyimayɛ anubɛ nna telenbagayɛ ni n namara bawo n yigi sanɛ i kuma.

Yaburi 26:11

Kɔnɔ nde ye ko-latelennɛ kɛla tuma-wo-tuma. I ni kinikini n ma ka n nakanan.

Yaburi 28:7

N natankalɛ anubɛ n nakanannɛ le ale Mari la bawo n lanɛ a la. A ye n dɛnbɛna ka n nanyagalen woletɔ n si sewa-bɛtinu bɔ a ye.

Yaburi 31:14

Kɔnɔ Mari, nde lara ile le la. Nta Alla le ile la.

Yaburi 35:24

E, Mari, bawo ile telennɛ, a fɔ mɔgɛ kɛnu ye ko fɛɛ sa n na. I kana sɔn, anu ni wasi n kuma.

Yaburi 37:31

A si ata Allata tɔn bira a yisi rɔ. A ti ala kumɛ radu muk!

Yaburi 4:5

Mari ye nyinina sarakɛ minnu ma wo bolo, wo ni wonu bɔ ka wo yigi sa ale Mari rɔ.

Yaburi 43:1

E, Alla, i yandi, n yo di n ma. I ni n fɛka Alla-lɔnbɛlɛnu ye. N nakanan foninya-fɔlɛnu anubɛ karagbɛlɛnu ma.

Yaburi 54:1

E, Alla, n nakisi ita sɛnbɛ la. I ni yoe di n ma mabɛ n yogenu tɛma.

Yaburi 62:2

Ale le kelen pe si n natanka ka n kisi. N kisi-tinɛ le ale la. Mɔgɔ-wo-mɔgɔ ti n nɔ.

Yaburi 62:6

Ale le kelen pe si n natanka ka n kisi. N kisi-tinɛ le ale la. Mɔgɔ-wo-mɔgɔ ti n nɔ.

Yaburi 7:8

Mɔgɛ bɛɛta kiti-tɛgɛlɛ le ile la. E, Mari min bi fan bɛɛ kun na, i si yo di nde ma bawo i ya a lɔn ko fɛɛ sa nde la.

Yaburi 94:18

N ya n kan mayɛlɛ, n ko, “N bi buila” kɔnɔ E, n Mari, ila hinɛ ya n nakisi.

Hɛnkilimaya-Kumɛnu 20:7

Mɔgɔ-latelennɛla dan si sewa bawo a fa tagamanta telenbagayɛ rɔ.

Hɛnkilimaya-Kumɛnu 29:25

Mɔgɛ min bi kilanna mɔgɛ dɔrɔn na, wo si ma gbɛrɛ la a ye kɔnɔ ni a lara Mari la, wo si a latanka.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

Hiburunu 10:23

Ma ye yigi minna ko fɔla, ma ni wo bira gben, bawo ma lanɛ Alla la ko a si ata lanyiri kanbali.

1 Pita 1:5

Wotɛ le duwɛ wonu na, wole minnu maranɛ Allala sɛnbɛ baraka rɔ dɛnkɛninyɛ fɛ, kɔni. Ma ye kisi-koe min makɔnɔna, wo la si bɔ wo ye gbɛ rɔ wati-laban-tumɛ.

2 Pita 1:10

Woletɔ n na-kelen-nyɔgɛnu, koe kɛ minnu si yili-latɛgɛ di wo ma ko Alla ara wo kele ka wo yabɔ, wo ni wo raya wonu ma, ado ni wo ya wo ma, wo ti bui ka wola dɛnkɛninyɛ boloka mumɛ!

1 Samuwɛli 2:9

“Ale le si ata mɔgɔ-latelennɛnu niyi latanka kɔnɔ karagbɛlɛnu na si to pinpi rɔ dogbe, bawo mɔgɔ nyɛrɛta sɛnbɛ dɔrɔn ti a ma, a ni ta yarɔ.

1 Samuwɛli 24:15

Kɔnɔ alamɛ Mari ya kiti tɛgɛ ma tɛma. Alamɛ Mari tora n fɛ ma tɛma kiti kɛ rɔ ka n tanka i masibɛ ma.”