Yaburi 24:4 - ALLALA KUMƐ

⁴ Fɔ minnu sɛninyanɛ anu kɛ-nya anubɛ anu miriya rɔ, ado wonu sa bɛsi kɔla, wonu sa foninya-sereya bɔla.

Yaburi 24:4 Iomraidhean Croise

Ko-Dabirɛnu 6:5

Mari ya a yen min kɛ mɔgɛnuna ko-yogomɛ da ra ara koloya duninya rɔ, ado anu miriya bɛɛ manɛ ko-yogomɛ la tun tun,

Yobu 17:9

Telenbagɛ ti ata telenbagayɛ to. Fɛɛ sa mɔgɛ min na, wonuta si to gbɛlɛyala.

Yobu 9:30

Hali n ya n fɛrɛ-bɔnkɛ ku sefinɛ la, hali n ya n bole laku sefina-finyɛ la,

Yaburi 143:8

Sɔgɔma-wo-sɔgɔma, i ni to n hɛnkili labilala ila keninteya-yɛlɛmabɛlɛla ko la bawo n bara n yigi sa ile le tɔ. N bi madiyali kɛla alako n si ta kilɛ min fɛ, i ni wo yira n na.

Yaburi 15:4

A hayu sa karagbɛlɛnu na, ado mɔgɛ min bi Mari sako kɛla, a si wo le gbiliya. Ale mɔgɔ-nyimɛ wo si a nyɛrɛ diyana-koenu boloka ka ala lanyiri latɔnbagaya hali koe min si na ma a tɔrɔya-koe la.

Yaburi 18:20

Mari ya n sara nta telenbagayɛla ko la. A duwara n ye bawo fɛɛ sa n na.

Yaburi 25:1

Mari, n bi i madiyala.

Yaburi 26:6

N Mari, n bara n bole mafiran ka a yira i la ko n yilikini ma. N bara tugun ila mɔgɛnu na minnu bi ila saraka-mintan-tinɛ lafoola.

Yaburi 51:10

E, Alla, n yisi kurakuraya. I ni sɔndɔma-kurɛ ladon n burɔ.

Yaburi 51:12

A ma, n ni ita kisi-ko-sewɛ sɔrɔn tun. I sako-kɛ-yisi ladon n burɔ.

Yaburi 73:1

Alla nyimayanɛ Isirɛla mɔgɛnu ye, katarala yisi-sɛninyani-tiginu ma.

Hɛnkilimaya-Kumɛnu 20:9

Ka a fɔ ko, “N yisi gbɛni de! Sɔn sa n na.” Yon si ke wo fɔla?

Yɛrɛmaya 4:14

Wole Yerusalɛm kɛnu, wo ni ko-yogomɛ bɔ wo yisi rɔ alako wo si na kisi nya min. Wo ni wo fara miriya-yogoma-rabɛn la.

Yɛrɛmaya 5:2

Mɔgɛnu bi anu kelila ale Mari rɔ kɔnɔ a ko a wara-koe sa anu burɔ wo nya na mumɛ!

Isikiyɛli 18:15

A sa Isirɛla mɔgɛnuna bɛsɛnu kɔla. A ti bɛsi-kɔ-fan dɔn kan-tina-layan-bɛnu tɔ. A ti bila mɔgɔ-gbɛrɛla musi fɛ.

Isikiyɛli 18:6

min sa Isirɛla mɔgɛnuna bɛsɛnu kɔla. A ti bɛsi-kɔ-fan dɔn anuna kan-tina-layan-bɛnu tɔ. A ti bila mɔgɔ-gbɛrɛla musi fɛ, ado musi tenbi ala wati rɔ, a ti a sa wo fɛ.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Matiyu 5:8

Mɔgɔ-sewanɛ le wo mɔgɛ la min sɔndɔmɛ gbɛnɛ bawo a si to Alla fɛ!

Kɛwɔlɛnu 14:15

“N fanu, wo ye kɛ mala nfenna? Wo hadama-den-nyɔgɛnu de male la! Ma ye yan ka kibara-nyimɛ lake wo ma. Wo ni bɔ ko-fuyi kɛnu tɔ ka wo yɛ lamunun Alla nimɛ ma min ya san-kole anubɛ dugu-kole anubɛ kɔgɔ-yi dan anubɛ fan min bɛɛ ye wonu tɔ.

Kɛwɔlɛnu 15:9

A ma dan-nafarɛ don mabɛ anu tɛma hali! Anu dɛnkɛninyara min kɛ, woletɔ a ya anu makoto anu hakɛ ma.

2 Kɔrɛnti 7:1

N diyana-mɔgɛnu, lanyiri kɛ bɛɛ kirinɛ male le ye! Woletɔ koe min bɛɛ si fɛrɛ-bɔnkɛ anubɛ niyi latinya, ma ni ma nyɛrɛ sɛninya wonu ma. Ma ni ko-sɛnimɛ nyini ka to kilanna Alla la.

Tɔn-Fɔɛ-Fila-Nyɔgɛ 4:19

Fenfen min bi san ma iko tele anubɛ karɛ anubɛ lolenu, wo kɔ-sɔgɛ kana wo bira. Wota Mari Alla ya wonu di duninya mumɛ ma le.

1 Timoti 1:10

yɛlannu wo, kei-maki-keinu wo, yɔɔn-mayiralɛnu wo, foninya-fɔlɛnu wo, foninya-sereya-bɔlɛnu wo, anubɛ ko-wo-ko min si tonya-karan masɔsɔ, tɔn kɛ sɛbɛnɛ wonu denu ye.

1 Timoti 2:8

Wo wa wo ladɛn Alla bato tinɛ tuma-wo-tuma, n bi a fɛ, wole keinu ni madiyali kɛ ka wo bole rasigi Alla ye. Wo ni ma mɔgɔ-sɛninyanɛnu na Alla ye, ado wo tenbi madiyali kɛla, diminyɛ anubɛ sɔsɔli kana taran wo tɛma.

Yemesi 4:8

Wo ni wo gbɛrɛn Alla ma. A si a gbɛrɛn wo ma. Hakɛ-tiginu, wo ni wo bole laku feu! Wole nafiginu, wo ni ko-yogomɛ bɔ wo sɔndɔmɛ rɔ feu!

Lankɛnimayɛ 21:27

Kɔnɔ fen-kɔsɔni wo fenfen ti don soe wo burɔ. Mɔgɛ min si kisimiriya-koe kɛ, wonu ti don soe wo burɔ mumɛ! Hali foninya-fɔlɛnu ti don. Fɔ minnu tɔgɛ sɛbɛnɛ saga-danta nimaya-buku rɔ, wonu denu dɔrɔn si don soe wo burɔ.