Yaburi 24:2 - ALLALA KUMƐ

² A ya duninya sɔ yi-rayan-bɛ kuma min bi dugu-kole kɔrɔ. A ya a kurukɛ kɔgɔ-yi-dumɛ kɔrɔ.

Yaburi 24:2 Iomraidhean Croise

Ko-Dabirɛnu 8:22

Fananta duninya ye nyɔ, samɛ si don, telemɛ si bɔ, kimɛ si na, wusi si na, wɔli-kɛ-tumɛ si ke, a tɛgɛ-tumɛ si ke, suyi si ke, bandɛ si ka.”

Yobu 38:4

I bɛnta duninya kurukɛ tinɛ rɔ n bolo nun? Nba, hɛnkili-bɔrɔ-tigi le ile la min kɛ, a rakaran, ba?

Yaburi 136:6

A ya dugu-kole rafulen kɔgɔ-yi kuma. Ala keninteyɛ dan sa.

Yaburi 33:6

Mari kumara le gbansan, san-kole ladanta. Tele wo, karɛ wo, lolenu wo, ata kuma-gbansan le ya wonu nadan.

Yaburi 89:12

Ka a bi nyamanɛ kɛ kantɔɛ ma ha dugulɛ, ile le ya wo dan. Tebɔ kɔnkɛ anubɛ Hɛrɔman kɔnkɛ ye sigi sala i ye sewɛ bolo iko mɔgɛnu.

Yaburi 93:1

Mari le mansɛ la. A makirinɛ mansaya-mirannu tɔ, ado a makawara. Duninya ara balan gben a gbɛ rɔ, ado a la ti maga mumɛ!

Yaburi 95:4

Ka a bi faran-kolenu ma ha ka a labɔ kɔnkɔ-layan-bɛnu kuma, Mari ye duninya mumɛ bɛɛ marala.

Yaburi 96:10

Wo ni a fɔ sibole doinu ye ko, “Mari le mansɛ la.” Ale le ya dugu-kole kɛ sigi ka a banban, ado a la ti maga. A si mɔgɛnu kiti telenbagayɛ la.

Yɛrɛmaya 5:22

Mari le ale la. Nfenna wo sa kilanna a la? Nfenna wo sa yɛrɛyɛrɛnna a kɔrɔ? Ale le ya kɔgɔ-yi-dan ma kɛnkɛn la alako yi ni to a dagɛ rɔ tolon! Hali a ye tugula a rɔ nya-wo-nya, a ti tenbi a dan kun na. Hali a ye kurunna, a ti a dan keri.