Yaburi 24:1 - ALLALA KUMƐ

¹ Duninya anubɛ fan min bɛɛsi ye a rɔ anubɛ male hadama-dannu, Maritɛ le wonu na.

Yaburi 24:1 Iomraidhean Croise

1 Ko-Kɔrɔta-Karan 29:11

E, Mari, i makawara. Sɛnbɛ-tigi anubɛ gbiliya-tigi le ile la. Mansɛ-bɛɛta-mansɛ le ile la. Fan min bɛɛsi ye san-kole anubɛ dugu-kole ma, iletɛ le wonu na. Duninya-bɛɛ-mara-mansɛ le ile la.

1 Ko-Kɔrɔta-Karan 29:16

E, mata Mari Alla, ma ara nɔnfuli kɛ bɛɛsi ladɛn kan-tina-kelen yan tɔ ita Bɔn sɔ-koe le la alako ka i tɔgɔ-sɛnimɛ gbiliya, ado kɛ dama bɔra ile le kɔɛn rɔ. Ile letan ye a dama la.

2 Ko-Kɔrɔta-Karan 25:9

Mansa Hamasa ya nɛbi wo manyinika ko, “N bara ban nna wodi-gbɛ minnu dila anu ma, wo don?” Nɛbi wo ko, “Mari si do di i ma min tenbira wo la.”

Yobu 34:13

Yon ya dugu-kole kɛ latenbi Alla ma? Yon ya mansayɛ di a ma duninya mumɛ bɛɛ kuma?

Yobu 41:11

Yon si ke a kɛlɛla, a kunyɛ ni bɔ a rɔ? Mɔgɔ-wo-mɔgɔ sa min si a nɔ.

Yobu 41:3

A si i madiya a boloka-koe la alako i ni kinikini a ma?

Yaburi 50:10

bawo soge min bɛɛsi ye binyɛ rɔ, ntɛ le wonu na. Hali kolo-fen waga yirika-siyaman minnu bi kɔnkɛnu ma, ntɛ le wonu na.

Yaburi 50:12

“Ni kɔnkɛ le n na nun, n ti wo manyinika dɔnta ko rɔ bawo fan min bɛɛ ye duninya rɔ, ntɛ le wonu na.

Yaburi 89:11

Ile letan ye san-kole anubɛ dugu-kole la. Ile le ya duninya anubɛ fan bɛɛ dan a rɔ.

Yaburi 89:12

Ka a bi nyamanɛ kɛ kantɔɛ ma ha dugulɛ, ile le ya wo dan. Tebɔ kɔnkɛ anubɛ Hɛrɔman kɔnkɛ ye sigi sala i ye sewɛ bolo iko mɔgɛnu.

Yaburi 98:7

Kɔgɔ-yi ni a lasɔnkɔ anubɛ min bɛɛ ye a rɔ. Duninya mumɛ bɛɛ ni bɛti bɔ anubɛ min bɛɛ ye a kuma.

Bɔ-Koe-Iyipiti 19:5

Woletɔ ni wole ya n kuman-kan bira gben ka nta lanyiri latɔnbagaya, wole si ma n halalɛ la ka tenbi mɔgɛ bɛɛ la duninya rɔ. Ntɛ le duninya bɛɛsi la.

Bɔ-Koe-Iyipiti 9:29

Musa ya a fɔ a ye ko, “N ba ta soe kɔma tumɛ min, n si n bole sigi Mari ye ka a madiya. San-sɛran si ban, banda-kole ti na tun alako ile mansɛ ni a lɔn ko duninya-tigi le maleta Mari la.

Daniyɛli 4:25

anu si nde gben mɔgɔni-gbuyinu tɛma alako n ni ta basan sogenu na binyɛ rɔ. A ko san wɔrɔnfila, n bi binyɛ dɔnna iko ninki. A ko n si to kila gbɛkole ma. Duri si to yigila n ma nyɔ. A ko wonu ba ma n na tumɛ min, wo ara a yira n na worɔ ko Alla Min Bi Fan Bɛɛ Kun Na, sɛnbɛ ye wo bolo duninya-mansɛnu kun na. Min ba diya a ye, a si ke le mansayɛ dila wo ma.

Maika 4:13

Wole Yerusalɛm kɛnu, wo ni wo lasɔ wo yogenu kɛlɛ-koe la. Mari si wo kolo gbɛlɛya iko turɛ min kere gbɛlɛ iko nɛgɛ. A kin-turi gbɛlɛyanɛ iko silɛɛ. Wole Isirɛla mɔgɛnu si wo yogenu bunden gburr! Wo ye fan minnu bila anu bolo kɛlɛ rɔ, wo si wonu natenbi duninya-tigi-Mari ma.

Nehami 1:5

Kɔnkɛnu si to yɛrɛyɛrɛnna Mari yakɔrɔ. Gburukulinu si ta leela bandin! Duninya anubɛ ata mɔgɛnu ta si maga.

1 Kɔrɛnti 10:26

ado iko a sɛbɛnɛ Allata kitabu rɔ nya min ko, “Duninya anubɛ fan min bɛɛsi ye a rɔ, Maritɛ le wo bɛɛ la.”

Tɔn-Fɔɛ-Fila-Nyɔgɛ 10:14

“Fan min bɛɛsi ye san-kole rɔ anubɛ dugu-kole kuma, Maritɛ le wonu na.