Yaburi 22:3 - ALLALA KUMƐ

³ Kɔnɔ hali wo, ile le mansa-sɛnimɛ la Isirɛla kun na. A bɛnta ile le ni tanto.

Yaburi 22:3 Iomraidhean Croise

Yobu 19:7

Hali n ya a fɔ ko mɔgɛnu bara ko-yogomɛ ma n na, mɔgɔ ti a tole masɔ n na. Hali n ba keleli-kɛ dɛnbɛnɛla ko la, n ti yo sɔrɔn.

Yobu 30:20

E, Alla, n bi i kelela kɔnɔ i sa a labirala. N ba i madiya, i ti i wɔlɔ matɔlɔ n na.

Yaburi 145:17

Mari telennɛ ala ko-ladan bɛɛ rɔ, ado a kinikinite ala ko-ladan-bole bɛɛ rɔ.

Yaburi 50:23

Ka baraka bira n ye, sarakɛ le wo la min si gbiliyɛ di n ma. Min bɛɛ ye n kan tola a gbɛ rɔ, n bi wonu nakisila le.”

Yaburi 65:1

E, Alla, a bɛnnɛ, ma ni i tanto Yerusalɛm soe burɔ ka mata lanyirinu natɔnbagaya i ye

Yaburi 88:2

Nta madiyali-kan lamɔɛn. I wɔlɔ matɔlɔ n di-kɛ-kan la ka n dɛnbɛ.

Yaburi 99:9

Tantolɛ ni di ile, mata Mari Alla ma. Ma ni i bato ita kɔnkɔ-sɛnimɛ kuma. Ile mata Mari Alla sɛnima.

Aiseya 6:3

Nima-fan wonu kulu-mayɛlɛnɛ ye a fɔla anu nyɔgɔn fɛ ko, Sɛnima, sɛnima, sɛnima! Mari Sɛnbɛ-Bɛɛ-Tigi sɛnima! Duninya lafanɛ ala gbiliyɛ la pen!

Habakuku 1:2

E, Mari, n si to i rakelela n dɛnbɛn-koe la ha wati nyamintan? Ma ye nyinina ita dɛnbɛnɛ ma karagbɛlɛnuna ko la kɔnɔ i sa ma denkunna.

Tɔn-Fɔɛ-Fila-Nyɔgɛ 10:21

Wo ni a tanto bawo ale le wota Mari Alla la. A ya kabana-ko-wɛ minnu kɛ wo ye, wo ara wonu yen wo nyɛrɛ yɛ la.

Lankɛnimayɛ 4:8

Kanban wɔrɔ ye dali-fen nani wo kelen-kelennamɛ-bɛɛ ma. Anu kanban bɛɛ fanɛ yɛnu na. Anu ti bandan bɛti bɔla su-ni-tele. Anu bi a fɔla ko, “Sɛnima, sɛnima, sɛnima, Mari Alla, sɛnbɛ-bɛɛ-tigi le. A ye nyɔ kebi fɔlɔ, a ye nyɔ kaka, ado a ye nyɔ habadan!”