Yaburi 22:2 - ALLALA KUMƐ

² Nta Alla, n bi i rakelela tele rɔ kɔnɔ i ti a labira. N bi i rakelela suyi rɔ fanan kɔnɔ do ti bɔ nta tɔrɔyɛ la.

Yaburi 22:2 Iomraidhean Croise

Yaburi 42:3

Su-ni-tele, n bi dila. N ya-yi le manɛ n beli-fan la. Tuma-wo-tuma, n yogenu si n manyinika ko, “Ileta Alla ye mintɔ?”

Yaburi 80:4

E, Mari Alla Sɛnbɛ-Bɛɛ-Tigi, i fondo-bɔnɛ si to ila mɔgɛnuna madiyalɛla ko la ha tumɛ nyamintan?

Yaburi 88:1

E, n kisilɛ Mari Alla, telen-gbɛn, n bi dila n dɛnbɛn-koe rɔ. Hali suyi le tɔ, n si i rakele.

Nimisa Koe 3:44

A manɛ iko mala madiyalɛ sa tenbila tarɛ min tɔ.

Nimisa Koe 3:8

N ba Alla rakele n dɛnbɛn-koe la, a ti a wɔlɔ matɔlɔ n na.

Matiyu 26:44

A bɔra anu dafɛ tun ka ta Alla madiya tinɛ a kinyama sawa nyɔgɛ ma. A ya kuma kelan wo fɔ tun.

Luka 18:7

Allata mɔgɛ minnu bi anu kan nabɔla a ma su-ni-tele, wonu don, a ti wonuna kiti tɛgɛ a kilɛ fɛ, wa? A ti anu dɛnbɛ tiriya, wa?

Luka 6:12

Wo wati rɔ, Yisa yɛlɛta kɔnkɛ do kuma madiyali-kɛ-tinɛ. A kira nyɔ Alla madiyɛ la.

1 Tɛsalonaika 3:10

Su-ni-tele, ma ye a matarala ma yisi bɛɛ la alako a ni sɔn ma ni wo yen tun. Wo kɔma fanan, ni ma nara wo wara, wo makoe ye min na dɛnkɛninyɛ rɔ, ma ni wo dɛnbɛ wola ko la.

2 Timoti 1:3

Mabɛ n benbanu bi Alla batola ma sɔndɔma-sɛninyanɛ la. N ba Alla madiya su-ni-tele, n si baraka bira a ye ilela ko la.