Yaburi 20:9 - ALLALA KUMƐ

⁹ E, Mari, a ma, mansɛ ni nɔ-ko sɔrɔn. Ma wa i rakele, i yandi, i ni a labira.

Yaburi 20:9 Iomraidhean Croise

Yaburi 5:2

Nta Mansɛ Alla, i wɔlɔ matɔlɔ n di-kɛ-kan la ka n dɛnbɛ. E, Mari, n bara i madiya sɔgɔma.

Yaburi 44:4

Nta mansɛ anubɛ nta Alla le ile la. Ile le ye a mala, ita mɔgɛnu bi nɔ-ko sɔrɔnna.

Matiyu 21:15

Saraka-masɔla-wɛnu anubɛ tɔn-karan-mɔgɛnu ya Yisa yen kabana-koenu kɛla. Anu ya a lamɔɛn dennɛnu bi anu kan nabɔla Alla-Bato-Bɔn la ko, “Mansa Dawudala dan, i ni sɛnɛ!” Wo le ya a ma, anu diminyara.

Yaburi 74:12

E, Alla, kebi fɔlɔ, ile ye mansayɛ la ma kun na. I wara ma latanka siyaman kɛ duninya kɛ rɔ.

Matiyu 21:9

Nyama min bi tagamana Yisa yarɔ anubɛ nyama min bi tagamana a kɔma, wonu ya gbele-gbelan dabira ko, “Mansa Dawudala dan, i ni sɛnɛ! Min bi nala Mari tɔgɛ rɔ, Allata duwɛ ni to wo kuma! Alla tanto!”

Yaburi 24:7

Bato-Bɔn don-dɛ minnu kɔrɔyanɛ ara mɛ, wonu naka wɛ kɛ. Wo dɛnu naka alako mansa-makawanɛ ni don.

Yaburi 17:6

E, Alla, n bi i madiyala bawo ile le si madiyalɛ wo yabi. Woletɔ i ya-lamunun n na ka i wɔlɔ matɔlɔ nna kumɛnu na.

Yaburi 3:7

E, Mari Alla, na n nakisi tinɛ. I ni n yoge bɛɛsi dɛ ratii ka anu nyin murundu anu da rɔ alako anu kana na ko ma n na.

Aiseya 40:31

Kɔnɔ minnu bi anu yɛ bɛnna Mari ma anu dɛnbɛn-koe rɔ, wonu sɛnbɛ ma si to kofula. Anu wara-koe si to yɛlɛla iko kokɛ wa a kanban rafulen san ma. Anu si anu buri furr, kɔnɔ anu ti bandan. Anu si tagama ha, kɔnɔ anu ta ti kun.