Yaburi 2:12 - ALLALA KUMƐ

¹² Wo yɛrɛyɛrɛnmatoe ni wo madu a kɔrɔ. Ni wo ma, a fonde si bɔ. Wo si firan dugu-kole kɛ kuma feu! Mɔgɔ-sewanɛ le wo tigi la min bi tala Mari wara kanan-koe rɔ.

Yaburi 2:12 Iomraidhean Croise

Ko-Dabirɛnu 41:40

Nba, woletɔ n si ile Yusufu ma kun-tigi la nyamanɛ kɛ bɛɛsi kun na. I ya kuma-wo-kuma fɔ, nyamanita-mɔgɛnu si wo bira. Ile si ma nna kandɛ la. Fɔ nde kelen pe, nde le i yarɔ nyamanɛ kɛ rɔ.

1 Mansɛnu 19:18

Kɔnɔ hali wo, n si mɔgɔ waga wɔrɔnfila to a niyi la Isirɛla nyamanɛ rɔ bawo wonu denu telennɛ n ye. Anu ma anu madu Beyali kɔrɔ. Anu ma a sunbu.”

Yaburi 1:6

Mari sɔnɛ mɔgɔ-telennɛnu yarɔ ka anu natanka kɔnɔ karagbɛlɛnu, wonu kunyɛ telennɛ kasara-kilɛ le ma.

Yaburi 109:20

Mari, n yogenu tɔrɔ wo nya na le katarala minnu bi ko-yogoma-su kɛnu fɔla n ma.

Yaburi 2:5

Wo kɔma, a fondo-bɔnɛ ye anu makumala. Ata diminyɛ ye anu kumakɔla.

Yaburi 2:7

Mari ara kumɛ min mabanban, nde, mansɛ ye wo le latenbila wo ma. Mari ya a fɔ n ye ko ka a bi bi ma, ala dan le nde la. Nde fa le ale Mari la.

Yaburi 31:20

I ye anu dogonna i warɛ, karagbɛlɛnu miriya ti ke anu ma kan min. Anu tenbi nyɔ, i si anu tanka anu fɛɛ-donnɛnu masibɛ ma.

Yaburi 34:8

I nyɛrɛ ni Marita nyimayɛ mafɛlɛn alako i ni a lɔn a kin nya min. Minnu natankanɛ a bolo, mɔgɔ-sewanɛ le wonu na.

Yaburi 34:9

Wole Marita mɔgɛnu, wo ni a gbiliya. Minnu bi a kuman-kan tola a gbɛ rɔ, a si wonu makoe bɛɛsi nyinya.

Yaburi 40:4

Mɔgɔ-sewanɛ le wonu na minnu yigi sanɛ ile Mari rɔ. Wonu ti la bɛsɛ la, hali ka kofu a kɔlɛnu ma.

Yaburi 84:12

E, Mari Sɛnbɛ-Bɛɛ-Tigi, minnu lanɛ i la, wonu sewani de!

Hɛnkilimaya-Kumɛnu 16:20

Ni i ya i tole masɔ i labilalɛ la, i wara-koe si ta yarɔ. Mɔgɛ min lara Mari la, wo si sewa.

Aiseya 30:18

Hali wo, Mari ye wo makɔnɔna alako a ni kinikini wo ma. A rabɛnnɛ ka kinikini wo ma bawo a ye ko-telenni-gbansan le mala. Mɔgɔ-sewanɛ le wo tigi la min lanɛ Mari la.

Yɛrɛmaya 17:7

Kɔnɔ a ko mɔgɛ min lanɛ ale Mari la, duwɛ ye wo tigi fɛ, ado a yili latɛgɛnɛ Mari ma.

Hoseya 13:2

Hali wo, anu tora wodi-gbɛ laleela ka anu ma bɛsɛ la. Hadama-den-hɛnkili le ya wodi-gbɛ kɛ lalee, ado hadama-dan le ya a ladan. Anu ban a ladanna, anu ko, “Wo ni sarakɛ bɔ a ye de!” Min tenbira wo la, fan min nadannɛ turɛla muninyɛ la dɔrɔn, mɔgɛnu bi wonu sunbula tagbayi!

Yɔni 14:6

Yisa ya a yabi ko, “Kilɛ le nde la anubɛ tonyɛ anubɛ niyi. Mɔgɔ-wo-mɔgɔ ti ta n Fa Alla warɛ nde kɔma.

Yɔni 5:23

Mɔgɛ bɛɛ si nde, Allala dan gbiliya iko anu bi n Fa Alla gbiliyala nya min. Minnu sa nde, Allala dan gbiliyala, n Fa Alla min ya n sɔ, wonu sa wo gbiliyala.

Romu 10:11

ado a sɛbɛnɛ Allala kitabu rɔ ko, “Min ba dɛnkɛninya a ma, wo tigi ti baya,”

Romu 9:33

Iko a sɛbɛnɛ Allala kitabu rɔ nya min, a ko, “Wo ni wo yɛ lana. N bara kuri sa Yerusalɛm soe burɔ. Mɔgɛnu si anu kian latugu kuri wo la min si anu nabui fugbu! Kɔnɔ min bɛɛ lanɛ kuri kɛ la, wonu yigi ti tɛgɛ muk!”

Ɛfɛsa 1:12

Nba, male Isirɛla mɔgɛ minnu fɔlɔn ya Kirasiti ma ma yigi la, male fɔlɔn ni Alla tanto wona ata gbiliyɛla ko la!

1 Pita 1:21

Wo dɛnkɛninyanɛ Alla ma ale le baraka rɔ. Alla min ya a lawuli ka a bɔ furinu tɛma, wo le ya gbiliyɛ di ale ma. Woletɔ wola dɛnkɛninyɛ anubɛ wo yigi sanɛ ale Alla kuma.

1 Pita 2:6

ado a sɛbɛnɛ Allala kitabu rɔ ko, “N bara sɛbɛna-kuru-tɔnɔnamɛ yabɔ n bi min sigila Yerusalɛm soe tɔnkɔn rɔ, mɔgɔ-wo-mɔgɔ wa dɛnkɛninya a ma, wo ti baya mumɛ!”

1 Samuwɛli 10:1

Samuwɛli ya dantɛgɛ-tuli do bi ka a kɛ Sɔli kunyɛ rɔ ka a sunbu. A ko, “Mari ara ile le yabɔ ka ma mansɛ la Isirɛla mɔgɛnu kun na. I si mansayɛ kɛ Marita mɔgɛnu kun na ka anu matanka anu yogenu ma minnu bi anuna foolɛ rɔ. I wa bɔ n dafɛ bi, i si kemini fila taran Resɛli kanbɛ dafɛ Sɛlɛsa soe kɔma Bɛnyamɛta nyamani-dan la. Kemini filɛ wonu si a fɔ i ye ko, ‘I ye sofɛlɛ minnu nyinina nun, wonu bara yen.’ Anu si a fɔ tun ko, ‘I fa hɔnni ma sofɛlɛ wonu wara-koe la tun. A hɔnnɛ ile le wara-koe la gbɛ bawo tuma-wo-tuma, a ye a fɔla ko a ma a lɔn a si min ma ala dan wara-koe rɔ. Wo bɛɛ wa ma tumɛ min, wo le ye a yirala i la ko Mari le wara i yabɔ ka i ma mansɛ la.’