Yaburi 19:9 - ALLALA KUMƐ

⁹ A kin ka Mari gbiliya. Wo le si to a la burubukai! Mari si kiti tɛgɛ a kila-bɛrɛbɛrɛ fɛ. Ala kiti-tɛgɛnɛnu natelennɛ tumɛ bɛɛ.

Yaburi 19:9 Iomraidhean Croise

Ko-Dabirɛnu 22:12

Mari ya a fɔ a ye ko, “I kana ko-wo-ko ma ila dan kɛ la kamasɔrɔn n bara a lɔn kaka ko nde, Alla, gbiliyanɛ i bolo. I ma sɔn ka ila dan kelan dogon fɔ ka a di nde, Alla, ma.”

Ko-Dabirɛnu 42:18

A tele sawa nyɔgɛ ma, Yusufu ya a fɔ anu ye ko, “Nde kilannɛ Alla la min kɛ, wo ni ko kelen ma min si a ma, wo ni kisi.

1 Mansɛnu 18:12

N ba ta a fɔ a ye ko i ye yan tɔ, ni Allata Sɛnbɛ tara i la kan tinɛ do rɔ don? Ni a nara don, a ma i taran yan tɔ, a ti n faga? I miri de, kebi n dennɛ, n bi Mari batola a kila-bɛrɛbɛrɛ fɛ.

Nihɛmaya 5:15

Kun-tigi minnu bi yan nun kɔrɔma la, wonu taranta a lagbɛlɛyala mɔgɛnu kuma. Tele-wo-tele, mɔgɛnu bi wodi-gbɛ-gbu bi-nani bɔla ka wo sa kun-tigila dɔn-fen anubɛ minni-fen kuma. Hali anuna wɔli-kɛlɛnu, wonu bi mɔgɛnu tɔrɔla. Kɔnɔ bawo nde ye Alla gbiliyala, n ma a ma iko kun-tigi wonu.

Yaburi 10:5

Karagbɛlɛ ya a bole don ko-wo-ko rɔ, wo ti sɛgi kɔma. A ti Allata kiti-tɛgɛ-bole nya-yen. A si nyima a yogenu tɔ.

Yaburi 111:10

Hɛnkilimayɛ dabirɛ le Mari gbiliyɛ la. Min bɛɛsi ye Marita sereyanu birala, a si ko-kɔrɔ-lɔn di wonu ma. Ma ni to a matɔgɔla burubukai!

Yaburi 115:13

Min bɛɛ ye a gbiliyala, ata duwɛ ye yigila wonu kuma. A dɔgɔma wo, a kinama wo, a bɛɛ rakɛn a yala.

Yaburi 119:1

Duwa-dan le wo tigi la min telennɛ, fɛɛ sa a wara-koe la, ado a ye Marila tɔnnu natɔnbagayala.

Yaburi 119:106

N ya n dakan don ila tɔn min bira-koe rɔ, n si n kan wo latɔnbagaya gben-gben!

Yaburi 119:111

N halalɛ le ila tɔnnu na tolon! N ni-radiya-fan le anu denu na.

Yaburi 119:142

Ila telenbagayɛ si to burubukai! Tonyɛ le ila tɔn la dɛɛ!

Yaburi 119:39

N tasɛlɛ minnu bi n takilanna, n nakanan wonu masibɛ ma. Nba, ila sereyanu kin.

Yaburi 119:62

N bi n nasɔla su-talɛ ma ka i matɔgɔ bawo i ye kiti sala a kila-bɛrɛbɛrɛ fɛ.

Yaburi 119:7

I ye kiti tɛgɛla telenbagayɛ la nya min, n tenbi wo nya-yen-koe rɔ, n si i matɔgɔ n yisi-gbɛnɛ la, yɔ!

Yaburi 119:75

Mari, n ya a lɔn yati, ko ita kiti-tɛgɛ-nya telennɛ le sekeke! Ni i ye n tɔrɔla kɛ nya, n ya a lɔn ko lanaya-tigi le ile la.

Yaburi 12:7

Karagbɛlɛnu bi kan tinɛ bɛɛ rɔ. Mɔgɛnu si to ko-yogoma-kɛlɛnu matɔgɔla anuna milibɛlitayɛla ko la. Mari, ma to latankɛ rɔ. I ni ma tanka mɔgɔ-sufa wonu masibɛ ma.

Yaburi 147:19

A ye ala sarakanɛnu natala ala mɔgɛnu ma. A ye ala tɔnnu anubɛ ala sereyanu dila Isirɛla mɔgɛnu ma.

Yaburi 36:1

Kumɛ do ye n yisi rɔ ka a tɛgɛ mɔgɔ-yogenuna wunduyogoyɛ ma. A si a ban Alla la. Kilan sa a rɔ Alla wara la muk!

Yaburi 36:6

Ila telenbagayɛ yan iko kɔnkɔ-layan-bɛnu. Ni mɔgɛ si kɔgɔ-yi-dumɛ kɔrɛ lɔn, mani, mɔgɛ si ile Marita kiti-tɛgɛ-nya lɔn. Hadama-dannu anubɛ sogenu namaranɛ ile Mari le bolo.

Bɔ-Koe-Iyipiti 21:1

Mari ya a fɔ Musa ye tun ko, “I ni tɔn kɛnu fanan di Isirɛla mɔgɛnu ma.

Hɛnkilimaya-Kumɛnu 8:13

Ni i ko i ni Mari gbiliya, fɔ i ni i ban ko-yogomɛ la. Wasinteyɛ anubɛ foninya-fɔɛ anubɛ ko-yogoma-kɛ, wonu ma di nde ye.

Aiseya 26:8

Ma ye i sako kɛla ka ma yigi sa ile rɔ. Ma ye nyinina fan min bɛɛsi ma, ile le wonu kun-bira-yili la ma ye.

Aiseya 45:19

A ko a sa kumala dogɔn rɔ. A ma ala ko-ladan-nya to pinpi rɔ. A ko a ma a fɔ male Isirɛla mɔgɛnu ye ko ma ni a nyini kan-tina-rakolɔn tɔ. A ko Mari le ale la min si tonyɛ fɔ ma ye. A ye ko-telennɛnu sala gbɛ ma ma ye.

Kɛwɔlɛnu 10:22

Anu ya a yabi ko, “Romu kɛlɛ-den-kun-tigi Kɔniliyasi le ya ma sɔ i wara. Mɔgɔ-nyimɛ le min bi Alla batola. Yahudiya bɛɛ ye a gbiliyala bɛrɛkɛ! Allala melika do le ya a fɔ a ye ko a ni ile kele ala bɔn la. I ye nala min fɔla, a ye a fɛ ka wo lamɔɛn i bolo.”

Romu 11:22

Wole minnu bara bui, Alla ara a ragbɛlɛya wole le kuma kɔnɔ ni wo tora ala nyimayɛ rɔ, a si to ko-nyimɛ kɛla wo ye. Kɔnɔ ni wo ma wo ma, wole bɛrɛn si keri a la. Wo si ala nyimayɛ lɔn kɛ le ma kɔnɔ a si mɔgɛ bira yisi-gbɛlɛyɛ la nya min, wole si wo fanan lɔn.

Romu 2:2

Ma ya a lɔn ko minnu bi ko-sufa kɛnu mala, yoe ye Alla bolo ka wonu kiti.

Tɔn-Fɔɛ-Fila-Nyɔgɛ 4:8

Hali sibolo-gbɛrɛkɛ-mɔgɛnu siyayara ka tenbi ma la kɔnɔ tɔn sa anu bolo minnu natelennɛ iko n bara wo karan min na kɛ la bi.

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.

Lankɛnimayɛ 16:7

Wo kɔma, n ya kuman-kan lamɔɛn bɔla saraka-bɔ-tinɛ wara la. A ko, “Mari Alla, Sɛnbɛ Bɛɛ Tigi, i ye kiti tɛgɛla telenbagayɛ anubɛ tonyɛ le la, yɔ!”

Lankɛnimayɛ 19:2

A wa kiti tɛgɛ, tonyɛ le. Wo telenta! Ale musu-yɛlɛn-ba-belebele min taranta dugu-kole tinyana ala yɛlɛnyɛ fɛ nun, Alla ara wo tɔrɔ. A ara a tɔrɔ bawo a ya Allata wɔli-kɛlɛnu faga.”

1 Samuwɛli 12:24

Wo ni Marila tɔnnu bira ka ata wɔlɛ kɛ wo yisi bɛɛ la. A ya ko-makawanɛ minnu ma wo ye nun, wo ni wo miri wonu ma.