Yaburi 18:3 - ALLALA KUMƐ

³ N ba Mari rakele tumɛ min, a si n kisi n yogenu ma. N si Mari tanto!

Yaburi 18:3 Iomraidhean Croise

2 Samuwɛli 22:4

N ba Mari rakele tumɛ min, a si n kisi n yogenu ma. N si Mari tanto!

Nihɛmaya 9:5

Yɛsuwa wo, Kadamiyɛli wo, Bani wo, Hasabinaya wo, Sɛrɛbaya wo, Hodaya wo, Sɛbanaya wo, Pɛtahaya wo, Lifayi kɛnu fanan ya a fɔ anu kulu-mayɛlɛnɛ la ko, “Wo ni wo lasɔ ka baraka bira wota Mari Alla ye. Wo ni to a matɔgɔla burubukai! Bɛɛ ni a tɔgɛ gbiliya ka a tanto. Kɔnɔ ma ya a lɔn ko hadama-danta matɔgɔlɛ ti a bɔ.”

Yaburi 144:1

Ma ni Mari tanto, nna kisilɛ, kɔni. A ye n karanna kɛlɛ ma ka n tabɛn kɛlɛ-kɛ-koe la.

Yaburi 145:3

Mari makawara, ado a bɛnta, mɔgɛ ni a matɔgɔ. A makawa-nya ti yen.

Yaburi 3:4

N ya ile Mari rakele n dɛnbɛn-koe la. I ya a labira i bato-bɔn la kɔnkɔ-sɛnimɛ kuma.

Yaburi 31:4

Anu bara gbɛrɛ min nasigi n ye, n natanka wo ma bawo nna kisilɛ le ile la.

Yaburi 48:1

Mari makawara. Matɔgɛ bɛnta ale le ma. Wo ni a gbiliya ata kɔnkɔ-sɛnimɛ kuma, a halala-soe ye kan min.

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Yaburi 55:16

Kɔnɔ n ya nta Mari Alla rakele n dɛnbɛn-koe la. Ale le si to n dɛnbɛna.

Yaburi 62:3

Wole, n yogenu, wo si to mɔgɛ kan ma ha tumɛ nyamintan, mɔgɛ minta ma gbɛlɛ ka kɛ yasa-kore rɔ, kɔni?

Yaburi 62:8

Nta mɔgɛnu, wo ni la Alla la tumɛ bɛɛ. Wo ni wola tɔrɔyɛ bɛɛ sa ale kɔrɔ bawo wola kan-tina-latankanɛ le ale la.

Yaburi 71:3

I ni ma nta lakisi-bɔn la min si n tanka n yogenu masibɛ ma. Nta bon-gbɛlɛmɛ anubɛ nna kɛlɛ-kɛlɛ le ile la. N si n buri tala ile wara tuma-wo-tuma.

Yaburi 76:4

E, Alla, i gbiliyanɛ kati! I bɔnɛ i yogenu nɔ tinɛ kɔnkɛnu tɔ tumɛ min, i ya ila mansayɛ mayira mɔgɛnu na.

Yaburi 91:15

A ko anu ba a rakele, a si a labira. Anu tenbi yakɔrɔ-mamɔɛ rɔ, a ye anu fɛ. A ko a si anu nakisi ka a ma, anu ni gbiliyɛ sɔrɔn.

Yaburi 91:2

mɔgɛ wo si ke a fɔla Mari ye le ko, “N kumafunfannɛ anubɛ n natankalɛ le ile la. Nta Alla le ile la, n lanɛ min na, kɔni.”

Yaburi 96:4

Mari makawara. A bɛnta mɔgɛ ni ale le bato. Mɔgɛ ni kilan a la ka tenbi bɛsɛnu na.

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.

Luka 1:71

a si ma kisi ka ma bɔ ma yogenu bolo. Minnu bara ma kon, a ya ma bɔ wonuna sɛnbɛ kɔrɔ.

Kɛwɔlɛnu 2:21

ado mɔgɔ-wo-mɔgɔ wa madiyali kɛ Mari tɔgɔ rɔ, a ko wo tigi si kisi.’

Lankɛnimayɛ 4:11

“Mata Mari le ile la anubɛ mata Alla! A bɛnnɛ i ni to bonyɛ anubɛ gbiliyɛ anubɛ sɛnbɛ sɔrɔnna. Ile le ya fan bɛɛ dan, ado ile le sɔnta wonu dan-koe ma ko anu ni nimayɛ sɔrɔn.”