Yaburi 17:3 - ALLALA KUMƐ

³ Ile ya n burɛ lɔn. I wara i gbɛrɛn n ma suyi rɔ. I wara n bara-koe fɛsɛfɛsɛ a kila-bɛrɛbɛrɛ fɛ kɔnɔ i ma fɛɛ-wo-fɛɛ yen n na, ado n bara a latɛgɛ ko foninya ti bɔ n dɛ rɔ.

Yaburi 17:3 Iomraidhean Croise

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

1 Ko-Kɔrɔta-Karan 29:17

Nta Alla, ile le si mɔgɔ damasi kɔrɔbɔ, ado fɔ mɔgɔ-latelennɛnu, wonu denu bi i hɛnɛna. N bara kɛ damasi latenbi i ma n yisi bɛɛ la. Mɔgɛ min bɛɛsi ladɛnnɛ, anu ya min bɛɛsi labɔ, anu ya a labɔ anu yisi-gbɛnɛ le la.

Yobu 23:10

Kɔnɔ hali wo, n bi ko-wo-ko kun na, Alla kolan bɛnnɛ n ma. Ni a ya n kɔrɔbɔ, a si a lɔn ko telenbaga le nde la.

Yobu 24:14

A la wa fin, mɔgɔ-fagalɛ si ta bolo-kolɔnnu faga. A si ta kankanya-kɛ-tinɛ suyi rɔ fanani.

Yaburi 11:5

A ye mɔgɔ-nyimɛnu anubɛ karagbɛlɛnu fɛsɛfɛsɛla nya-kun-kelen. Wunduyogoyɛ di minnu ye, wonu fenfen ma di a ye.

Yaburi 119:106

N ya n dakan don ila tɔn min bira-koe rɔ, n si n kan wo latɔnbagaya gben-gben!

Yaburi 139:1

Mari, i wara n fɛsɛfɛsɛ, ado i ya n lɔn.

Yaburi 139:23

E, Alla, n miriya lakɔrɔsi ka n fɛsɛfɛsɛ. I ni n kɔntɛ lɔn a kila-bɛrɛbɛrɛ fɛ.

Yaburi 16:7

N si Mari tanto bawo a ara n makawandi-nyimɛ kɛ. Hali suyi rɔ, a si kuma n yisi rɔ.

Yaburi 26:2

Mari, n tasuma ka n nakɔrɔsi ka n kɔntɔ-koenu anubɛ nna miriyanu lɔn.

Yaburi 39:1

N ya a fɔ ko, “N tenbi koe min mala, n ni a ma n fɛrɛma. N ti sɔn, n dɛ ni n bila hakɛ rɔ. Karagbɛlɛnu tenbi n dafɛ, n si n tade don!”

Yaburi 66:10

E, Alla, iko wodi-gbɛ si sɛninya tɛ la nya min, i wara ma rafɛ wo nya na le.

Hɛnkilimaya-Kumɛnu 13:3

A ma i fɛrɛma kuma-tinɛ woletɔ i niyi la si tanka. Kɔnɔ mɔgɛ min ti a miri kuma-tinɛ, a si a nyɛrɛ kasara yona.

Yɛrɛmaya 12:3

Mari, ile ya n burɛ lɔn. Ile le ye n miriya lakɔrɔsila. I ni karagbɛlɛ kɛnu sagan dugi la iko saga-bosotɛ. Anu namara a dan na kan-natɛgɛ-telela ko la.

Yɛrɛmaya 50:20

Wo wulɔn-tele wa ke, mɔgɔ ti hakɛ-wo-hakɛ taran Isirɛla nyamanɛ rɔ. Karagbɛlɛyɛ fanan ti taran Yuda nyamanɛ rɔ. Wo ye mala le bawo Mari ko a ara minnu niyi lakanan, a ara wonu makoto. Mari kan le kɛ la.

Hoseya 7:6

Yanfanteyɛ min bi wole karagbɛlɛnu yisi rɔ, wo ye sisila wo burɔ iko tɛ. Koninteyɛ wo min bi kila sisila wo burɔ, sɔgɔma wo ye wo le latasakarala mansɛ anubɛ ala mɔgɛnu ma.

Maika 2:1

“Gbalo si taran wo mɔgɛnu ma minnu si anu miri ko-yogomɛ ma anu ta-nyɔgɛnuna ko ma suyi rɔ. Anu bi duwala le ko banda ni ka. Bandɛ wa ka tumɛ min, anu si anu nawuli anuna karagbɛlɛyɛnu na anu bolo iko anu ya anu miri a ma suyi rɔ nya min.

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Malakayi 3:2

Mari kɛ wa na wati min, yon si ke tola a niyi la a kɔrɔ? Ale wa bɔ gbɛ rɔ, yon si kanan? A wa bɔ gbɛ rɔ wati min, a si ma iko sefini-diyamɛ min si nɔgɛ bɛɛ toronde kura-nɔgɔnɛ la. A si ma fanan iko numɛnuna tɛ min si nɛgɛ lalee bandin, ka a kɛndɛ bɔ a boe yala.

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Kɛwɔlɛnu 16:9

Pɔli ya Masidoniya kɛ do yen ko-rayirɛ rɔ suyi wo rɔ. A sɔnɛ a madiya tinɛ. Ko-rayirɛ wo rɔ, a ko, “Na ma dɛnbɛ Masidoniya nyamanɛ rɔ!”

1 Kɔrɛnti 4:4

N sɔndɔmɛ gbɛnɛ feu! Kɔnɔ wo dɔrɔn ti a yira ko sɔn sa n na bawo Mari le n kitila.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

Yemesi 3:2

Ma dama si sama tuma siyaman. Mɔgɛ min ti sama kumɛ rɔ hali doni, wo tigi kanbalinɛ le feu! A si ke a nyɛrɛ matankala le fanan. Fɛɛ ti taran a la ko-wo-ko rɔ.

1 Pita 1:7

Kɔrɔbɔlɛ wonu kɛ-kunyɛ le ka wola dɛnkɛninyɛ mayira ko tonyɛ le. Hali sɛnɛ min ti ke tinyala, a boe si bɔ a bɛrɛ ya la tɛ la. Wola dɛnkɛninyɛ fanan bi wo nya na le min tenbira sɛnɛ la pirr! Fɔ wola dɛnkɛninyɛ fanan kɔrɔ ni bɔ alako a si kun wo rɔ nya min. Yisa Kirasiti wa bɔ gbɛ rɔ tele min tɔ, wole si tantolɛ anubɛ gbiliyɛ anubɛ bonyɛ sɔrɔn worɔ.

1 Samuwɛli 24:10

I si a yen i nyɛrɛ yɛ la ko Mari ya i don n bolo tɔ bi. Nna keminɛ donu ya a fɔ n ye ko n ni i faga kɔnɔ n kinikinita i ma. N ya a fɔ ko n ti ko-wo-ko ma i la bawo Mari ara ile le yabɔ ka i ma mansɛ la.

1 Samuwɛli 24:12

Alamɛ Mari ya kiti tɛgɛ ma tɛma ka yoe di yo-tigi ma. Alamɛ Mari ya i tɔrɔ ila ko-yogomɛla ko la nde wara la kɔnɔ nde ti ko-yogoma ma i la.

1 Samuwɛli 26:11

Kɔnɔ Mari ara min ma mansɛ la, ka a fɔ nde ni wo faga, alamɛ Mari ya n tanka wo ma. Ma ta ala tanbɛ anubɛ ala yi-kɛ-barɛ la dɔrɔn ma bolo.”

1 Samuwɛli 26:23

Lanaya-mɔgɛ minnu si ko-latelennɛ kɛ, Mari si wonu barayi. Mari min ya i ma mansɛ la, wo ya i don n bolo bi kɔnɔ n ma ko-wo-ko ma i la.