Yaburi 15:2 - ALLALA KUMƐ

² Min bi Alla sako mumɛ bɛɛ kɛla ka ko-latelennɛ kɛ wati bɛɛ rɔ, ado a ti foninya fɔ.

Yaburi 15:2 Iomraidhean Croise

Yaburi 24:4

Fɔ minnu sɛninyanɛ anu kɛ-nya anubɛ anu miriya rɔ, ado wonu sa bɛsi kɔla, wonu sa foninya-sereya bɔla.

Yaburi 84:11

Ma latankalɛ le Mari la, ado mala gbiliya-mansɛ le. Ala duwɛ ye ma fɛ ka kinikinɛ anubɛ gbiliyɛ di ma ma. A ti ko-nyimɛ bɔ mɔgɔ-telennɛ telen tɔ.

Hɛnkilimaya-Kumɛnu 20:7

Mɔgɔ-latelennɛla dan si sewa bawo a fa tagamanta telenbagayɛ rɔ.

Hɛnkilimaya-Kumɛnu 28:18

Mɔgɔ-latelennɛ si taran a diya kɔnɔ telenbɛlɛ si bui fugbu!

Aiseya 33:15

Kɔnɔ ni wole tora ko-telennɛ mala ka tonyɛ fɔ, wo si to wo niyi la wo rɔ. Wo kana wo raya ka bolo-kolɔnnu bolo labira, ni wo ma, ka dogonta-fan bira mɔgɛnu bolo. A karagbɛlɛ wo, a mɔgɔ-fagala wo, wo kana kofu wonu ma.

Aiseya 63:8

Mari ko ata mɔgɛ le Isirɛla mɔgɛ kɛnu na. A ko anu ti foninyɛ fɔ a ye ka a yanfa. Woletɔ a ya anu kisi.

Maika 2:7

‘Isirɛla mɔgɛnu dankani de?’ Anu ko, ‘Mari ti a munyu male kɔrɔ tun, wa? Ile lara a la ko a si ko-sufa kɛnu ma ma la, wa?’ Anu ko tun ko, ‘Hali mɔgɛ minnu bi ko-nyimɛ kɛla, Mari ti kuma wonu ye a kin na tun, wa?’ ”

Luka 1:6

Anu filɛ bɛɛ telennɛ Alla yala. Anu ya Marita tɔn anubɛ sereya bɛɛ bira a kila-bɛrɛbɛrɛ fɛ.

Kɛwɔlɛnu 10:35

Min ba kilan a la ka ko-latelennɛ kɛ, a si mɔgɛ wo rabira, a mara mɔgɔ su-wo-su la.

Romu 2:10

Kɔnɔ Alla si bonyɛ anubɛ gbiliyɛ anubɛ yisi-kimɛ di ko-nyima-kɛlɛ bɛɛ ma, a Yahudiya wo, a sibolo-gbɛrɛ wo,

Kalesiya 2:14

N ya a yen tumɛ min ko anu sa ko-telennɛ kɛla iko kibara-nyimɛ ya a fɔ nya min. N ya a fɔ Pita ye anu dama yala ko, “Yahudiya le ile la kɔnɔ i sɔnta nun ka ma iko sibolo-gbɛrɛ. Nfenna worɔ, i si sibolo-gbɛrɛnu fɔrɔsɛ alako anu ni ma iko Yahudiyanu?”

Ɛfɛsa 2:10

Alla nyɛrɛ le ya ma dan. A ya ma dan ko-nyimɛ kɛ-koe le la. Ma tenbi Yisa Kirasiti rɔ, ma si to ko-nyimɛ kɛla bawo ale nyɛrɛ ara ban wonu tabɛnna ma ye, bi ko ma!

Ɛfɛsa 4:25

Wo kana foninyɛ fɔ tun! Bɛɛ ni tonyɛ fɔ anu nyɔgɔn ye bawo Kirasiti bagbu kelen de ma dama la.

Kɔlɔsi 3:9

Wo kana foninyɛ fɔ wo nyɔgɔn ye bawo wo ara mɔgɔya-kɔrɛ boloka anubɛ wo kɛ-nyanu.

Hiburunu 11:33

Anuna dɛnkɛninyɛ fɛ, wonu ya nyamanɛnu kɛlɛ ka anu nɔ. Alla ya lanyiri kiri minna ko la anu ye, anu ya ko-latelennɛ kɛ ka wonu sɔrɔn Alla bolo. Dɛnkɛninyɛ fɛ, Alla ya yarɛnu dɛ latogon.

1 Yɔni 2:29

Wo hɛnkili ni to kɛ ko. Kirasiti, mɔgɔ-latelennɛ le. Wo ni a lɔn worɔ ko min bɛɛ si ko-latelennɛ kɛ, Allata dan le wo tigi la.

1 Yɔni 3:7

N diyana-dannu, wo kana sɔn, mɔgɛ ni wo yanfa! Minnu bi ko-latelennɛ kɛla, mɔgɔ-nyimɛ le wonu na iko Kirasiti ye nya min.

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”